2018 ஆம் ஆண்டு 3,28,400 உயிருடன் பிறந்த குழந்தைகள் பதிவு செய்யப்பட்டிருந்த நிலையில், 2024 இல் அது 2,20,761 ஆகக் குறைந்து 33% வீழ்ச்சியாக பதிவாகியுள்ளது.

இது பல தசாப்தங்களிலேயே மிகக் குறைந்த பிறப்பு வீதமாக குறிப்பிடப்படுவதுடன், அதிகாரிகள் இதை ஒரு கவலைக்குரிய நிலையாக கூறியுள்ளனர்.

இந்நிலையில், சிறிய குடும்ப விருப்பம், தாமதமான திருமணங்கள், மற்றும் குழந்தை பிறப்பை தள்ளிப்போடும் பழக்கம் ஆகியவை நீண்டகாலமாகவே குறைவுக்குக் காரணமாக உள்ளதாக வல்லுநர்கள் தெரிவிக்கின்றனர்.

அத்தோடு, கொவிட்-19 தொற்றுநோய் மற்றும் 2022 ஆம் ஆண்டின் பொருளாதார நெருக்கடி இணைந்து, திருமணங்களையும் கர்ப்பங்களையும் தாமதப்படுத்தியதால் பிறப்பு வீதம் மேலும் சரிந்துள்ளதாக கூறப்படுகிறது.

நாட்டில் 35 சிறப்பு மருத்துவத் துறைகளில் 972 சிறப்பு மருத்துவர்கள் பற்றாக்குறை இருப்பதாக தேசிய தணிக்கை அலுவலகம் வெளியிட்டுள்ள தணிக்கை அறிக்கையில் தெரிவிக்கப்பட்டுள்ளது.

நவம்பர் 2023 நிலவரப்படிஅமைச்சரவையால் அங்கீகரிக்கப்பட்ட சிறப்பு மருத்துவர் பதவிகளின் எண்ணிக்கையுடன் ஒப்பிடும்போது, ​​இந்த சிறப்பு மருத்துவர்களின் பற்றாக்குறை இருக்கும் என்றும் அறிக்கை கூறுகிறது.

அமைச்சரவையின் ஒப்புதலின்படி, 58 சிறப்பு மருத்துவத் துறைகளில் அங்கீகரிக்கப்பட்ட சிறப்பு மருத்துவர்களின் எண்ணிக்கை 2837 ஆகும். இருப்பினும், தணிக்கைக்கு சமர்ப்பிக்கப்பட்ட தகவல்களின்படி, 50 சிறப்பு மருத்துவத் துறைகள் தொடர்பாக இந்த எண்ணிக்கை 2740 ஆகும்.

8 சிறப்பு மருத்துவத் துறைகளில் 66 அங்கீகரிக்கப்பட்ட பதவிகளுக்கு எந்த மருத்துவரும் நியமிக்கப்படவில்லை என்பதையும் தணிக்கை வெளிப்படுத்தியது.

இருப்பினும், 12 சிறப்பு மருத்துவத் துறைகளில் 113 சிறப்பு மருத்துவர்கள் மேலதிகமாகப் பணியமர்த்தப்பட்டனர். சிறப்பு மருத்துவர்களின் பணியமர்த்தலுக்கு முறையான அனுமதி இல்லாமல் 12 சிறப்புத் துறைகளில் 141 சிறப்பு மருத்துவர்கள் பணியமர்த்தப்பட்டதாகவும் தணிக்கை அறிக்கையில் தெரியவந்துள்ளது.

மருத்துவர்களின் விருப்பத்தின் அடிப்படையில் அல்லாமல், தேவையின் அடிப்படையில் சிறப்புத் துறைகளைத் தேர்ந்தெடுப்பதற்கு அமைச்சரவை ஒப்புதல் அளித்திருந்தாலும், சுகாதார அமைச்சகம் இதைக் கடைப்பிடிக்கவில்லை என்றும், மருத்துவர்களின் விருப்பத்தின் அடிப்படையில் சிறப்பு மருத்துவத் துறைகளை அடையாளம் காண அனுமதித்துள்ளது என்றும் தணிக்கை வெளிப்படுத்தியது.

கடந்த அரசாங்க நிர்வாகத்தின் சர்ச்சைக்குரிய மின்சார வாகன இறக்குமதி திட்டத்தின்கீழ், இரண்டு நிறுவனங்களுக்கு மாத்திரமே அனுமதி வழங்கப்பட்டிருந்தமை தெரியவந்துள்ளது.

புலம்பெயர்ந்த தொழிலாளர்களுக்கு இந்த வசதியை வழங்குவதற்காக, 31 நிறுவனங்கள், தம்மை பதிவு செய்திருந்தபோதும், குறித்த இரண்டு நிறுவனங்களுக்கு மட்டுமே அனுமதி வழங்கப்பட்டதாக தேசிய கணக்காய்வு அலுவலகம் கண்டறிந்துள்ளது.

வெளிநாடுகளில் பணிபுரியும் இலங்கையர்கள், நாட்டுக்கு அனுப்பும் வெளிநாட்டு பணத்தின் அடிப்படையில், அவர்களுக்கு மின்சார வாகன அனுமதிகளை வழங்குவதற்கான வெளிநாட்டு வேலைவாய்ப்பு அமைச்சு இந்த திட்டத்தை முன்னெடுத்திருந்தது.

எனினும் இந்த திட்டத்தின்கீழ் ஒட்டோ கேபிடல் இன்வெஸ்ட்மென்ட் (பிரைவேட்) லிமிடெட் 335 அனுமதிகளுக்கும், ஓவர்லேண்ட் ஒட்டோ மொபைல் 305 உரிமதாரர்களுக்கும் வாகனங்களை இறக்குமதி செய்து வழங்கியுள்ளன.

அதன்படி, குறித்த இரண்டு நிறுவனங்களும் மொத்த அனுமதிகளில் 64 சதவீதத்தை வழங்கியுள்ளன.

இந்த திட்டத்தின் கீழ் இறக்குமதி செய்யப்பட்ட 375 மின்சார வாகனங்கள் மட்டுமே ஜூலை 9 ஆம் திகதி நிலவரப்படி பதிவு செய்யப்பட்டுள்ளன.

அத்துடன் வாகன உரிமதாரர்களால் 84 வாகனங்கள் மூன்றாம் தரப்பினருக்கு வழங்கப்பட்டன.

வெளிநாட்டு வேலைவாய்ப்பு அமைச்சக கோப்புத் தகவல்களின்படி, இந்த வசதியைப் பயன்படுத்திய புலம்பெயர்ந்த தொழிலாளர்களில் 164 பேர கடற்படையினர், 150 முகாமையாளர்கள், மற்றும் 96 இயக்குநர்கள், 78 பொறியாளர்கள், 61 அதிகாரிகள் 24 ஆலோசகர்கள், ஒரு சர்வதேச கிரிக்கெட் நடுவர் மற்றும் மூன்று மருத்துவர்கள் உள்ளனர் என்று தெரிவிக்கப்பட்டுள்ளது.

இதேவேளை இந்த வாகன இறக்குமதிகளின் போது அடிப்படை விதிகள் கூட மீறப்பட்டுள்ளதாக கண்றியப்பட்டுள்ளது.

உதாரணமாக, இந்தத் திட்டத்தைப் பெற விரும்பும் ஒவ்வொரு இலங்கை புலம்பெயர்ந்தவரும் இலங்கை வெளிநாட்டு வேலைவாய்ப்புப் பணியகத்தில் பதிவு செய்திருக்க வேண்டும்.

எனினும் அனுமதியை கொண்டிருக்கும் 1,000 பேரில் 286 பேர் மட்டுமே தம்மை பதிவு செய்துள்ளனர்.