ட்ரம்ப் 2021ஆம் ஆண்டு ஜனவரி 6ஆம் திகதி ஆற்றிய உரையை பி.பி.சி. செய்தி நிறுவனம் “திரித்து தவறாக வெளியிட்டதாக” அவர் குற்றம் சாட்டியுள்ளார்.

பி.பி.சி. செய்தி நிறுவனம் இந்த உரையின் உள்ளடக்கத்தைத் திரித்து, பொதுமக்களிடையே தவறான புரிதலை ஏற்படுத்தியதாக ட்ரம்ப் புகார் அளித்துள்ளார். ட்ரம்ப் அளித்த இந்தப் புகார், பி.பி.சி. செய்தி நிறுவனத்தின் உயர் அதிகாரிகளான பணிப்பாளர் டிம் டேவி (Tim Davie) மற்றும் செய்திப் பிரிவு தலைவர் டெபோரா டேர்னஸ் (Deborah Turness) ஆகியோர் இராஜிநாமா செய்ய வழிவகுத்தது.

இந்த நிகழ்வுகளைத் தொடர்ந்து, டொனால்ட் ட்ரம்ப் தற்போது பி.பி.சி. நிறுவனம் மீது 10 பில்லியன் அமெரிக்க டாலர் நஷ்ட ஈடு கேட்டு நீதிமன்றத்தில் வழக்குத் தொடர்ந்துள்ளார்.

ஊடகங்கள் ஒரு அரசியல் தலைவரின் பேச்சைத் திரித்துக் கூறுவதாகக் குற்றம் சாட்டப்பட்டு, இவ்வளவு பெரிய தொகைக்கு வழக்குத் தொடுக்கப்படுவது குறிப்பிடத்தக்க நிகழ்வாகக் கருதப்படுகிறது.

டிம் டேவி இராஜினாமா செய்ததைத் தொடர்ந்து, பிபிசி ஊடக நிறுவனத்தின் செய்திப் பிரிவின் பிரதானியாகப் பணியாற்றிய டெபோரா டேர்னெஸ்ஸும் (Deborah Turness) இராஜினாமா செய்துள்ளதாகவும் தெரிவிக்கப்படுகிறது.

பிபிசி நிறுவனத்திற்கு எழுதிய கடிதத்தில், ஐந்து ஆண்டுகளுக்குப் பிறகு பதவியில் இருந்து விலகுவதற்கான தமது முடிவு தனிப்பட்ட முடிவு என்று டிம் டேவி குறிப்பிட்டுள்ளார். எனினும், ஆவணப்படச் சர்ச்சையே அவரது விலகலுக்குக் காரணம் என்று ஊடகங்கள் குறிப்பிட்டுள்ளன.