தேசிய அபாயகர ஒளடதங்கள் கட்டுப்பாட்டுச் சபையின் சிகிச்சை மற்றும் புனர்வாழ்வுப் பிரிவின் பணிப்பாளர் சாந்த கமகே இது குறித்துப் பின்வரும் தகவல்களை வெளியிட்டுள்ளார்:

மட்டக்களப்பு, குருநாகல் மற்றும் யாழ்ப்பாணம் ஆகிய மாவட்டங்களில் இந்த நிலையங்கள் நிறுவப்படவுள்ளன.

இந்த நிலையங்களின் விசேட அம்சம் என்னவென்றால், நோயாளிகள் மருத்துவமனையில் தங்கியிருக்க வேண்டிய அவசியமில்லை. அவர்கள் பகல் நேரங்களில் மட்டும் வருகை தந்து தமக்குத் தேவையான மருத்துவ ஆலோசனைகள் மற்றும் புனர்வாழ்வுச் சிகிச்சைகளைப் பெற்றுச் செல்ல முடியும்.

முதற்கட்டமாக, மட்டக்களப்பில் அமைக்கப்பட்டுள்ள ஒரு நாள் சிகிச்சை மற்றும் புனர்வாழ்வு நிலையம் அடுத்த வாரம் உத்தியோகபூர்வமாகத் திறந்து வைக்கப்படவுள்ளது.

போதைப் பழக்கத்திலிருந்து மீள விரும்புவோருக்கு, அவர்களது அன்றாட வாழ்வாதாரப் பணிகளுக்குப் பாதிப்பு ஏற்படாத வகையில் சிகிச்சையைப் பெற்றுக்கொள்ள இந்த ‘பகல் நேர சிகிச்சை’ முறை பெரிதும் உதவியாக இருக்கும் என எதிர்பார்க்கப்படுகிறது.