கடந்த சில தினங்களுக்கு முன்னர் இவருக்கு கொரோனாத் தொற்று உறுதிசெய்யப்பட்ட நிலையில் ஹைதராபாத்தில் உள்ள தனியார் மருத்துவமனை தீவிர சிகிச்சை பிரிவில் அனுமதிக்கப்பட்டு சிகிச்சை அளிக்கப்பட்டது.

இந்த நிலையில், சிகிச்சை பலனளிக்காத நிலையில் இன்று மாலை அவர் உயிரிழந்தார். அவரின் மறைவுக்கு பிரவாளங்கள் உட்பட பலர் இரங்கல் தெரிவித்து வருகின்றனர்.

இதேவேளை சிவசங்கர் மாஸ்டரின் மனைவி மற்றும் மூத்த மகன் ஆகியோருக்கும் தொற்று உறுதி செய்யப்பட்டுள்ள நிலையில் அவர்களும் சிகிச்சை பெற்று வருகின்றனர்.

சிவசங்கர் மாஸ்டர் திருடா திருடி, மகதீரா, பாகுபலி, விஸ்வரூபம் உள்ளிட்ட பல படங்களில் நடன இயக்குநராக பணியாற்றியுள்ளார். கண்ணா லட்டு தின்ன ஆசையா, தில்லுக்கு துட்டு, தானா சேர்ந்த கூட்டம், இம்சை அரசன் 23ம் புலிகேசி உள்ளிட்ட படங்களில் முக்கிய வேடங்களில் நடித்துள்ளார்.

சிவசங்கர் மாஸ்டரின் உடல்நிலை மோசமடைந்த நிலையில், அவரின் சிகிச்சைக்கு உதவ சோனு சூட் உள்ளட்ட பிரபலங்கள் உதவ முன்வந்தமை குறிப்பிடத்தக்கது.

#Cinema

சிவசங்கர் மாஸ்டர் தமிழ், இந்தி, தெலுங்கு, கன்னடம், மலையாளம் என பல மொழி படங்களில் நடன இயக்குனராக பணிபுரிந்து இருக்கிறார்.

மேலும், ஜப்பனீஸ் உட்பட 10 மொழிகளில் சிவசங்கர் மாஸ்டர் நடன இயக்குனராகப் பணியாற்றி இருக்கிறார்.

இந்தநிலையில் சமீபகாலமாக இவருக்கு நடனத்திலும், நடிப்பிலும் வாய்ப்புகள் குறைந்தநிலையில், கொரோனாத் தொற்றால் பாதிக்கப்பட்டிருந்த அவர், மருத்துவமனையில் சிகிச்சைக்காக அனுமதிக்கப்பட்டிருந்தார். எனினும் சிகிச்சைக்கான செலவுகள் அதிகமாகும் என மருத்துவர்கள் கூறியுள்ளனர்.

ஆனால், சிகிச்சைக்கான கட்டணத்தை அவருடைய குடும்பத்தினரால் செலுத்த முடியவில்லை. இந்நிலையில் என்னுடைய அப்பா உயிருக்கு ஆபத்தான நிலையில் இருக்கிறார்.

எங்களிடம் சிகிச்சைக்கு தேவையான பணம் இல்லை. அதனால் அவருக்கு தயவுசெய்து உதவுங்கள் என்று சிவசங்கர் பாபாவின் மகன் வீடியோ ஒன்றை வெளியிட்டார்.

இந்த வீடியோவைப் பார்த்த சிவசங்கர் பாபாவிற்கு பிரபல நடிகர் சோனு சூட் உதவ முன்வந்துள்ளார்.

#CinemaNews