சாண்ட்விச் தற்போது இளைய தலைமுறையினர் மத்தியில் மிகவும் பிரபலம்.

அதிலும் குறிப்பாக சிக்கன் சாண்ட்விச் என்றால் கேட்கவே தேவையில்லை. பெரும்பாலும் மாலை நேர உணவாகவும் உண்ணப்படுகிறது. ஆனால் இவை மதிய மற்றும் இரவு நேர உணவாக உண்ணவும் உகந்தது.

தேவையானவை

எலும்பில்லாத சிக்கன் -– 100 கிராம்

உப்பு – தேவையான அளவு

மிளகாய்த்தூள் -தேவையான அளவு

பாண் துண்டுகள் – 6

தக்காளி சோஸ் – தேவையான அளவு
பட்டர் – – சிறிதளவு

கொத்தமல்லி – – சிறிதளவு

செய்முறை

ஒரு சட்டியை அடுப்பில் வைத்து அதில் சிறிதளவு வெண்ணெய் ஏற்றி வெங்காயம் சேர்த்து வதக்கிய பின் சுத்தம் செய்து வைத்துக் கொண்ட எலும்பில்லாத சிக்கன், மிளகு தூள், மிளகாய் தூள் மற்றும் உப்பு சேர்த்து நன்கு கிளறி வேகவைத்துக் கொள்ளுங்கள்.

பின் வறுத்த பாணின் ஒரு பக்கத்தில் தக்காளி சோஸ் தடவி அதன் மீது பட்டர் வைத்து பின் சிக்கன் கலவையை வைத்து கொத்தமல்லி தழை தூவி பின் இன்னொரு பாண் துண்டில் பட்டர் தடவி அதன் மேல் வைத்து பரிமாறவும்.

இப்பொழுது சுவையான சிக்கன் சாண்ட்விச் தயார்.

#Cooking

இறால் –500 கிராம்

உருளைக்கிழங்கு – 3

சீஸ் ஒன்றரை – கப்

சீஸ் துறுவல்-  100கிராம்

வெண்ணெய் – ஒன்றரை மேசைக்கரண்டி

தக்காளி – 2

சில்லி சோஸ் – 1 மேசைக்கரண்டி

வெங்காயம்-  2

மிளகுத்தூள் – 1 தேக்கரண்டி

கடுகு – அரை தேக்கரண்டி

கொத்தமல்லி இலை 5

உப்பு – தேவையான அளவு

முதலில் இறாலை சுத்தம் செய்து இறாலை வேகவைத்துக் கொள்ளுங்கள்.

வேக வைத்த இறாலுடன் சில்லி சோஸ் மற்றும் கடுகை ஆகியவற்றை சேர்த்து கிளறுங்கள்.

கிளறிய பின்னர் மிளகுதூள் மற்றும் உப்புத்தூள் ஆகியவற்றை அதனுடன் சேர்ந்து கலக்குங்கள்.

பின்னர் உருளைக்கிழங்கை வேகவைத்து அதனுடன் உப்புத்தூள் சேர்த்து மசியுங்கள். பின் இறால் கலவையுடன் கலந்து கொள்ளுங்கள்.

அதன்பின்னர் சீஸ், சீஸ் துருவல், சோயா சோஸ் ஆகியவற்றை சேர்த்துக் கலந்து கொள்ளுங்கள்.
பரிமாறும் போது அலங்கரிக்க வெங்காயம், தக்காளி போன்றவற்றை வட்டவடிவ துண்டுகளால் நறுக்கி வைத்துக் கொள்ளுங்கள்.

பின்னர் அவனில் வைக்கக் கூடிய தட்டில் வெண்ணெய் தடவி தட்டில் இறால் கலவையை சமமாக பரவி போட்டு வையுங்கள்.

முன்கூட்டிய சூடேற்றப்பட்ட அவனில் 200c உஷ்ணத்தில் 5 நிமிடங்கள் வைத்து எடுங்கள்.

பின்னர் அலங்கரிக்க வட்டவடிவில் வெட்டி வைத்த வெங்காயம், தக்காளி ஆகியவற்றை அதன் மீது தூவி அலங்கரித்து பரிமாறுங்கள்.

குழந்தைகள் விரும்பி உண்ணும் சுவைநிறைந்த சிஸ்ஸி இறால் தயார்.

#CooingRecipe

கடலைப்பருப்பு – 1/2 கப்

வெல்லம் – 1 கப்

தேங்காய்ப்பூ – 2 மேசைக்கரண்டி

முந்திரிப்பருப்பு – 5

பால் – 1 கப்

ஏலகாய்த்தூள் – 1 தேக்கரண்டி

நெய்யில் வறுத்த முந்திரிப்பருப்பு – 1 மேசைக்கரண்டி

செய்முறை
முதலில் கடலைப் பருப்பை வறுத்து எடுத்துக் கொள்ளுங்கள்.

பின் வறுத்த கடலைப் பருப்பை வேக வைத்துக் கொள்ளுங்கள்.

பின் பருப்பு ஆறியதும் அதனுடன் தேங்காய்ப் பூ, முந்திரிப்பருப்பை சேர்த்து தண்ணீர் சிறிதளவு தெளித்து மாவாக அல்லது விழுதாக அரைத்துக் கொள்ளுங்கள்.

ஒரு பாத்திரத்தில் ஒரு குவளை தண்ணீரை கொதிக்க வைத்து வெல்லத்தை கரைத்து வடிகட்டுங்கள்.
இந்த வெல்லக் கரைசலை திரும்பவும் அடுப்பில் வைத்து அரைத்த கடலைப்பருப்பு விழுதையும் இதனுடன் சேர்த்து வேகும் வரை கொதிக்கவிடுங்கள்.

ப।ின் அதில் காய்ச்சிய சூடான பாலை சேர்த்து ஏலக்காய் பொடி, வறுத்த முந்திரிப் பருப்பு போன்றவற்றையும் போட்டு கலக்குங்கள்.

இறுதியாக நறுக்கிய தேங்காயை மேலே தூவி பரிமாறுங்கள்.

இப்போது கடலைப்பருப்பு பாயாசம் தயார்.

சூடாக பரிமாறுவது சுவையை இரட்டிப்பாக்கும்.

தேவையான பொருள்கள்:

நண்டு – 1/2 கிலோ

இஞ்சி,வெ.பூண்டு விழுது – 1 தேக்கரண்டி

உருளைக்கிழங்கு – 2

பெரிய வெங்காயம் – 1

மசாலாத் தூள் – 1/2 தேக்கரண்டி

மிளகாய்த் தூள் – 1/2 தேக்கரண்டி

பாண் தூள் – 1 கப்

கோதுமை மா – 1/2 கப்

உப்பு – தேவையான அளவு

கொத்தமல்லி இலை – சிறிது

செய்முறை

நண்டை நன்கு வேக வைத்து உடைத்து அதன் சதையை மட்டும் பிரித்து எடுத்து மிக்சியில் போட்டு ஒரு சுற்று சுற்றி எடுக்கவும்.

பின் உருளைக்கிழங்கை வேக வைத்து மசித்து அதனுடன் நண்டின் சதையை சேர்த்து உப்பு, இஞ்சி, வெங்காயம், பூண்டு ஆகியவற்றின் விழுது, மசாலாளத் தூள், மிளகாய்த் தூள் நறுக்கிய வெங்காயம் மற்றும் கொத்தமல்லி தழை போன்றவற்றை சேர்த்து பிசைந்து எடுத்துக்கொள்ளுங்கள்.

பின்பு அடுப்பில் அந்தக் கலவையை வதக்கி கெட்டியாக எடுத்துக் வைத்துக்கொள்ளுங்கள்.

கோதுமாவில் சிறிதளவு உப்பு சேர்த்து கரைத்துக்கொள்ளுங்கள். பின்பு வதக்கிய நண்டுக் கலவையுடன் சேர்ந்து உருண்டைகளாக தட்டி கோதுமை மா கரைசலில் நனைத்து பாண் தூளில் பிரட்டி பின் சூடான எண்ணெய்யில் பொரித்தெடுங்கள்.

இப்போது சுவையான நண்டு கட்லெட் ரெடி. இதனை சாஸுடன் சேர்த்து பரிமாறலாம்.

தேவையான பொருட்கள் :

வாழைப்பழங்கள் -– 2/ 3
தயிர் – – 5 மேசைக்கரண்டி
தேன் – – 3 மேசைக்கரண்டி
தேங்காய்ப் பூ – – 2 மேசைக்கரண்டி
ஏலக்காய் தூள் -– ஒரு சிட்டிகை
கொத்தமல்லி – – சிறிதளவு

செய்முறை :
கொத்தமல்லி இலையை சிறிது சிறிதாக பொடியாக நறுக்கிவைத்து கொள்வோம்.
வாழைப்பழத்தின் தோலை நீக்கி வட்டமாக வெட்டிக்கொள்ளவும்.
ஒரு பாத்திரத்தில் நறுக்கிய வாழைப்பழத் துண்டுகளை இட்டு தேன், தயிர், தேங்காய் பூ, ஏலக்காய் தூள் போட்டு நன்றாக கலக்கவும்.
கடைசியாக கொத்தமல்லி தழை போட்டு பரிமாறவும்.

சத்தான வாழைப்பழ சாலட் ரெடி

குழந்தைகள் முதல் பெரியோர் வரை விரும்பி உண்ணும், காலை உணவுடன் சேர்த்து உண்ண தித்திக்கும் சுவையுடன், இலகுவாகத் தயாரிக்கக்கூடிய மாம்பழ சட்னி தயாரித்துக் கொள்ள சிம்பிள் படிமுறை உங்களுக்காக………

தேவையான பொருள்கள்:

மாம்பழம் – 2
கடுகு – தாளிக்க
செத்தல் மிளகாய்- – 2
வறுத்த சீரகப் பொடி- 1 கரண்டி
மஞ்சள் தூள் – சிறிதளவு
வெல்லம்- தேவையான அளவு
நல்லெண்ணெய் – சிறிது
உப்பு – தேவையான அளவு

செய்முறை :

மாம்பழத்தை தோல் நீக்கி சிறிய சிறிய துண்டுகளாக வெட்டிக்கொள்ளுங்கள்.

அடுப்பை சூடாக்கி, சட்டியை வைத்து சட்டி காய்ந்ததும் அதில் நல்லெண்ணெயை ஊற்றிக்கொள்ளுங்கள்.

எண்ணெய் சூடானதும், அதில் கடுகை சேர்த்து தாளித்து அதனுடன் செத்தல்மிளகாயை சேர்த்துக் கொள்ளுங்கள்.

பின்பு தோல் நீக்கி துண்டுகளாக வெட்டி வைத்த மாம்பழத்தை அதில் சேர்த்து வதக்கி மூடி விடுங்கள்.

அடுப்பை அளவான சூட்டில் வைத்து, 5 நிமிடங்கள் கழித்துமூடியைத் திறந்து பாருங்கள். கலவை நன்றாக வெந்து காணப்படும். அதனை நன்றாக மசித்து அதில் சீரகப்பொடி , உப்பு மற்றும் வெல்லத்தை சேர்த்துக் கொள்ளுங்கள்.

இதனுடன் தேவையாக அளவு தண்ணீரும் சேர்த்து சிறிது நேரம் வேக வையுங்கள். சிறிது நேரம் கழித்து அடுப்பிலிருந்து இறக்கி தேவையெனில் முந்திரி திராட்சையால் அலங்கரித்துக் கொள்ளுங்கள்.

இப்போது சூப்பரான தித்திக்கும் சுவையுடன் மாம்பழ சட்னி தயார்.

இதனை தோசை, பாண் மற்றும் வடை போன்ற உணவுகளுடன் சேர்த்து உண்ணலாம்.