முன்னாள் அமைச்சர் கெஹலிய ரம்புக்வெல்லவினால் முறையற்ற முறையில் ஈட்டப்பட்ட பணத்தை மறைப்பதற்கும், கையாள்வதற்கும் (பணச் சுத்திகரிப்பு – Money Laundering) உதவியளித்தமை மற்றும் அதற்கு உடந்தையாக இருந்தமை ஆகிய குற்றச்சாட்டுகளின் கீழ் இவர் கைது செய்யப்பட்டார்.இன்று பிற்பகல் கொழும்பு பிரதம நீதவானின் உத்தியோகபூர்வ அறையில் அவர் ஆஜர்படுத்தப்பட்டார்.

இரு தரப்பு சமர்ப்பணங்களையும் ஆராய்ந்த நீதவான், பின்வரும் நிபந்தனைகளுடன் அவரைப் பிணையில் விடுவிக்க உத்தரவிட்டார்:

தலா 5 மில்லியன் ரூபா பெறுமதியான இரண்டு சரீரப் பிணைகள்.வெளிநாடு செல்வதற்கான கட்டுப்பாடுகள் மற்றும் விசாரணைக்குத் தேவையான ஒத்துழைப்புகளை வழங்க வேண்டும் எனவும் வலியுறுத்தப்பட்டுள்ளது.

தரம் குறைந்த மனித இம்யூனோகுளோபுலின் (Immunoglobulin) மருந்துக் கொள்வனவு தொடர்பான சர்ச்சைக்குரிய வழக்கில் ஏற்கனவே கெஹலிய ரம்புக்வெல்ல விளக்கமறியலில் வைக்கப்பட்டிருந்த சூழலில், தற்போது அவரது குடும்ப உறுப்பினர்களுக்கு எதிராகவும் சட்ட நடவடிக்கைகள் தீவிரமடைந்துள்ளமை குறிப்பிடத்தக்கது.

கொழும்பு நீதவான் நீதிமன்றத்தில் இன்று (16) இந்த விவகாரம் தொடர்பான முறைப்பாடு விசாரணைக்கு எடுத்துக்கொள்ளப்பட்டது.

இதன்போது, முன்னாள் அமைச்சர் கெஹலிய ரம்புக்வெல்லவைத் தவிர, அவரது புதல்வர் உள்ளிட்ட ஏனைய பிரதிவாதிகள் அனைவரும் நீதிமன்றத்தில் முன்னிலையாகியிருந்தனர்.

சந்தேகநபர்களுக்கு எதிராக ஏற்கனவே கொழும்பு மேல் நீதிமன்றத்தில் மூன்று வெவ்வேறு வழக்குகள் தாக்கல் செய்யப்பட்டுள்ளதாக இலஞ்ச ஊழல் விசாரணை ஆணைக்குழு நீதவானுக்குத் தெரிவித்தது.

மேல் நீதிமன்றத்தில் நேரடி வழக்குகள் தொடரப்பட்டுள்ளதால், நீதவான் நீதிமன்றத்தில் நிலுவையிலுள்ள இந்த ஆரம்பக்கட்ட விசாரணையைத் தொடர வேண்டிய அவசியமில்லை என ஆணைக்குழு கோரியது. அதற்கமைய, இந்த வழக்கினை முடிவுக்குக் கொண்டுவர நீதிமன்றம் உத்தரவிட்டது.

கெஹலிய ரம்புக்வெல்ல வெகுஜன ஊடக, சுகாதார மற்றும் சுற்றாடல் அமைச்சராகப் பணியாற்றிய காலப்பகுதியில் பின்வரும் முறைகேடுகளில் ஈடுபட்டதாகக் குற்றம் சாட்டப்பட்டுள்ளது.

தனது தனிப்பட்ட பணியாளர் குழாமில் (Personal Staff) சிலரின் பெயர்களைப் போலி ஆவணங்கள் மூலம் சேர்த்து, அவர்களுக்குரிய சம்பளம் மற்றும் கொடுப்பனவுகளைத் முறைகேடாகப் பெற்றுக்கொண்டமை.

இவ்வாறு சட்டவிரோதமாகப் ஈட்டப்பட்ட நிதியைப் பணச்சலவை தடுப்புச் சட்டத்திற்கு முரணான வகையில் பயன்படுத்தியமை.

நீதவான் நீதிமன்ற வழக்கு முடிவுக்கு வந்தாலும், மேல் நீதிமன்றத்தில் தாக்கல் செய்யப்பட்டுள்ள மூன்று வழக்குகளின் ஊடாக கெஹலிய ரம்புக்வெல்ல மற்றும் அவரது குடும்பத்தினர் மீதான விசாரணைகள் இனிமேல் தீவிரமடையும் என எதிர்பார்க்கப்படுகிறது.