நடிகர் சிவகார்த்திகேயன், அதிதி ஷங்கர், மிஷ்கின், சரிதா மற்றும் யோகி பாபு ஆகியோரது நடிப்பில் கடந்த வெள்ளிக்கிழமை உலகம் முழுவதும் வெளியான திரைப்படம் தான் மாவீரன்.சாந்தி டாக்கீஸ் தயாரிப்பில் வெளியான இந்த படம் வெறும் 4 நாட்களிலேயே 50 கோடி வசூலை ஈட்டியுள்ளதாக அதிகாரப்பூர்வ அறிவிப்பு நேற்று அதிரடியாக வெளியானது.

இந்த ஆண்டு வெளியான அஜித்தின் துணிவு படத்தின் பாக்ஸ் ஆபிஸ் குறித்த அதிகாரப்பூர்வ அறிவிப்பே வெளியாகாத நிலையில், சிவகார்த்திகேயன் படத்துக்கு படக்குழுவினர் வெளியிட்ட வசூல் அறிக்கை சோஷியல் மீடியாவில் பெரும் தாக்கத்தை எழுப்பி உள்ளது.

விஜய்சேதுபதி வாய்ஸ் ஓவரில் சிவகார்த்திகேயன் எதிரிகளை துவம்சம் செய்யும் அந்த இடைவேளை மாஸ் ஃபைட் சீனுக்கே டிக்கெட் விலை வொர்த் என ரசிகர்கள் தொடர்ந்து மாவீரன் படத்தை பார்த்து வருகின்றனர்.

மேலும், யோகி பாபுவின் காமெடி காட்சிகள் டாக்டர் படத்துக்கு பிறகு சிவகார்த்திகேயன் காம்போவில் வேறலெவலில் வொர்க்கவுட் ஆகி உள்ள நிலையில், 5ம் நாள் வசூல் அதிக பட்சமாக 55 கோடி முதல் 57 கோடி வரை உலகளவில் வசூல் ஈட்டியுள்ளதாக தகவல்கள் வெளியாகி உள்ளன.

இந்த வாரம் தமிழில் சிவகார்த்திகேயன் படத்தின் வசூலை நிறுத்தும் அளவுக்கு எந்தவொரு பெரிய படமும் வெளியாகவில்லை. ஹாலிவுட் படமான ஓப்பன்ஹெய்மர் மட்டுமே வெளியாகிறது.இந்நிலையில், சிவகார்த்திகேயன் இரண்டாம் வார இறுதியிலும் தியேட்டர்களை ஆக்கிரமித்து 100 கோடி வசூலை விரைவில் எட்டுவார் என எதிர்பார்க்கப்படுகிறது.

இயக்குநர் பா.ரஞ்சித் இயக்கிய ‘அட்டகத்தி’ என்ற படத்தின் மூலம் தமிழ் சினிமாவில் காலடி எடுத்து வைத்தவர் நடிகை நந்திதா ஸ்வேதா. இதனைத் தொடர்ந்து விஜய் சேதுபதிக்கு ஜோடியாக இவர் நடித்த, ‘இதற்குத்தானோ ஆசைப்பட்டாய் பாலகுமாரா’ படம் சூப்பர் ஹிட்டானது. அப்படத்தில் ‘குமுதா’ என்ற கதாபாத்திரத்தில் கச்சிதமாக நடித்து அசத்தியிருந்தார்.

அத்தோடு விஜய்யின் ‘புலி’ படத்தில் கூட சிறிய கதாபாத்திரத்தில் வந்து போனார். என்ன தான் திறமை இருந்தாலும் துளியும் கவர்ச்சி காட்டாமல் நடித்து வந்ததால் நந்திதாவிற்கு பட வாய்ப்புகள் பெரிதளவில் கிடைக்காமல் போனது. அதனால் ரூட்டை மாற்றிய நந்திதா கவர்ச்சியில் தெறிக்க விட்டு வருகின்றார்.

இந்நிலையில் தற்போது நந்திதா நடித்த ‘ஹிடிம்பா’ என்ற தெலுங்கு திரைப்படம் வருகிற ஜூலை 20-ஆம் தேதி திரைக்கு வர உள்ளது. இப்படத்திற்கான புரமோஷன் பணிகள் மும்முரமாக நடைபெற்று வருகின்றன. அப்படத்தின் புரமோஷனுக்காக பேட்டி ஒன்றில் கலந்து கொண்ட நந்திதா அதில் தனக்கு இருக்கும் அரிய வகை நோய் பாதிப்பு குறித்து வெளிப்படையாக பேசி உள்ளார்.

அதாவது அவர் ஃபைப்ரோமியால்ஜியா என்கிற தசைக் கோளாறு நோயால் அவதிப்படுவதாக தெரிவித்துள்ளார். மேலும் இந்த நோய் பாதிப்பால் உடல் எடையில் ஏற்ற இறக்கம் ஏற்படும் என்றும், ஒரு சின்ன வேலை செய்தால் கூட தசைகளில் பிரச்சனை ஏற்பட்டுவிடும் அளவுக்கு இந்த நோய் மிகவும் தீவிரமானது” எனக் கூறியுள்ளார்.

அத்தோடு “இந்த நோயின் காரணமாக தான் கடினமான உடற்பயிற்சிகளை செய்ய முடியாது எனவும், சில சமயங்களில் உடல் அசைவுகளுக்கே கஷ்டப்படும் அளவுக்கு இதன் பாதிப்பு இருக்கும் எனவும் இதனால விரைவில் சோர்வடைவதோடு, நினைவாற்றல் குறைபாடுகளும் ஏற்படுத்தும்” எனவும் கூறியுள்ளார்.

இவ்வாறாக நடிகை சமந்தா மயோசிடிஸ் நோய் பாதிப்பால் அவதிப்படுவதை போல் நடிகை நந்திதாவும் ஃபைப்ரோமியால்ஜியா என்கிற நோயால் அவதிப்படுவது ரசிகர்களை மிகவும் சோகத்தில் ஆழ்த்தி உள்ளது.

லோகேஷ் கனகராஜ் இயக்கத்தில் விஜய், த்ரிஷா நடித்து வரும் படம் ‘லியோ’. கௌதம் வாசுதேவ் மேனன், அர்ஜுன், மிஷ்கின், பிரியா ஆனந்த், மன்சூர் அலிகான், சஞ்சய் தத் உட்பட பலர் இதில் நடிக்கின்றனர். மனோஜ் பரமஹம்சா ஒளிப்பதிவு செய்கிறார். அனிரூத் இசை அமைக்கிறார். செவன் ஸ்கிரீன் நிறுவனம் படத்தைத் தயாரிக்கிறது.

இந்தப் படத்தின் பெரும்பாலான காட்சிகள் நிறைவடைந்துவிட்டன. வரும் அக்டோபரில் இப்படம் வெளியாகும் என்று எதிர்பார்க்கப்படுகிறது.‘லியோ’ படத்தின் முதல் பாடலான `நா ரெடி’ பாடல், விஜய் பிறந்தநாளை முன்னிட்டு அண்மையில் வெளியானது. இது ரசிகர்களிடையே வரவேற்பை பெற்றது.

இப்பாடலில் விஜய் புகைபிடிப்பது போன்ற காட்சிகள் உள்ளதால், இப்பாடலுக்கு எதிராகப் பல சர்ச்சைகளும் கிளம்பிக் கொண்டிருக்கின்றன. அத்தோடு இப்படத்தின் படப்பிடிப்பும் அண்மையில் தான் நிறைவடைந்தது.

இந்த நிலையில் லோகேஷ் கனகராஜ் லியோ படம் குறித்த ஒரு அப்டேட்டை வெளியிட்டுள்ளார். அதாவது லியோ படத்தின் இரண்டாவது சிங்கிள் பாடல் வெளியாக லேட் ஆகும் என்றும் லியோ படம் கைதி மாதிரியான படம் என்றும் கூறியுள்ளார். இதனால் ரசிகர்கள் செம குஷியில் உள்ளனர் என்பதும் குறிப்பிடத்தக்கது.