இம்மோதல்களின் விளைவாக நான்கு உடல்கள் உள்ளூர் மருத்துவமனைக்குக் கொண்டு வரப்பட்டதாகக் காந்தஹார் நகரத்தைச் சேர்ந்த மருத்துவ ஊழியர் ஒருவர் தெரிவித்தார்.

ஆப்கானிஸ்தான் தரப்பில் மேலும் நான்கு பேர் காயமடைந்துள்ளதாகவும், இதேவேளை பாகிஸ்தான் தரப்பில் மூன்று பேர் காயமடைந்ததாகவும் கூறப்படுகிறது.

காந்தஹாரின் தகவல் துறைத் தலைவர் அலி முகமது ஹக்மல் கூறுகையில், பாகிஸ்தான் படைகள் இலகுரக மற்றும் கனரக பீரங்கிகளால் தாக்கியதாகக் குறிப்பிட்டுள்ளார்.

இம்மோதலைத் தொடர்ந்து ஆப்கானிஸ்தானின் ஸ்பின் போல்டாக் (Spin Boldak) நகரில் இருந்து மக்கள் இரவோடு இரவாக வெளியேறியுள்ளனர். குறிப்பாக, பெரும்பாலானவர்கள் கால் நடையாகவும் வாகனங்களிலும் தப்பிச் சென்றுள்ளதாக அதிகாரிகள் குறிப்பிட்டுள்ளனர்.

பாகிஸ்தானில் தாக்குதல்களை நடத்தும் ஆயுதக் குழுக்களுக்கு ஆப்கானிஸ்தானின் ஆளும் தலிபான்கள் அடைக்கலம் கொடுப்பதாக இஸ்லாமாபாத் குற்றம் சாட்டி வருகிறது.

இந்தக் குற்றச்சாட்டுகளை ஆப்கானிஸ்தான் தலிபான்கள் மறுத்துள்ளனர்.ஆப்கானிஸ்தானும் பாகிஸ்தானும் 2600 கிலோ மீட்டர்கள் நீளமான எல்லையைக் கொண்டுள்ளன.

ஒக்டோபர் 10ஆம் திகதி போர் நிறுத்தம் அமுலுக்கு வந்த போதிலும், அவ்வப்போது இஸ்ரேல் வீரர்கள் காஸா மீது தாக்குதல் நடத்தி வருகின்றனர்.

போர் நிறுத்தம் அமுலுக்கு வந்த பிறகும் இஸ்ரேல் இராணுவத்தின் தாக்குதலில் மட்டும் 352 பாலஸ்தீனியர்கள் கொல்லப்பட்டுள்ளனர்.

தற்போது போர் பதற்றம் சற்றுத் தணிந்துள்ளதால், இடிபாடுகளுக்கு அடியில் சிக்கியிருந்த உடல்களை மீட்கும் பணிகள் தீவிரமாக நடைபெற்று வருகின்றன. சமீபத்தில் கணக்கிடப்பட்ட இறப்பு எண்ணிக்கையில் பெரும்பகுதி, இடிபாடுகளிலிருந்து மீட்கப்பட்டு அடையாளம் காணப்பட்ட உடல்கள் மூலமே உயர்ந்துள்ளதாகத் தெரிவிக்கப்பட்டுள்ளது.

தெற்கு காஸா மீது இஸ்ரேல் இராணுவம் நேற்று (நவம்பர் 30) நடத்திய ட்ரோன் தாக்குதலில் 11 வயது மற்றும் 8 வயதுடைய இரு சகோதரர்கள் உயிரிழந்துள்ளனர்.இந்தத் தாக்குதல் தொடர்பாக இஸ்ரேல் இராணுவம் எந்தக் கருத்தும் தெரிவிக்கவில்லை.