சமீப நாட்களாக சமூக வலைதளங்களில் இவரைப் பற்றி இரண்டு விதமான வதந்திகள் பரவின. தனுஷ் உடனான காதல்: கடந்த வாரம் நடிகர் தனுஷ் மற்றும் மிருணாள் தாகூர் இருவரும் காதலிப்பதாகத் தகவல்கள் பரவின. இதற்கு முன்னர், “இலவச விளம்பரம்” என்று கிண்டலாக மிருணாள் தாகூர் பதிலளித்திருந்தார்.

அதனைத் தொடர்ந்து, இந்தியக் கிரிக்கெட் அணியின் நட்சத்திர வீரர் ஸ்ரேயாஸ் ஐயரை (Shreyas Iyer) மிருணாள் தாகூர் காதலித்து வருவதாகச் செய்திகள் வெளியாகின. இந்த வதந்திகள் குறித்துத் தனது இன்ஸ்டாகிராம் பக்கத்தில் கருத்துத் தெரிவித்த மிருணாள் தாகூர்,

“அவர்கள் பேசுவது எனக்குச் சிரிப்புதான் வருகிறது. வதந்திகள் எப்போதுமே இலவச விளம்பரம்தான். அது எனக்குப் பிடித்திருக்கிறது,” என்று கிண்டலான தொனியில் குறிப்பிட்டுள்ளார்.

தற்போது இந்தி மற்றும் தெலுங்கில் பல்வேறு படங்களில் கவனம் செலுத்தி வரும் மிருணாள் தாகூர், அல்லு அர்ஜுன் மற்றும் அட்லி கூட்டணியில் உருவாகும் புதிய படத்தில் ஒரு முக்கியக் கதாபாத்திரத்தில் நடித்து வருவது குறிப்பிடத்தக்கது.

சில வருடங்களுக்கு முன் துபாயில் உறவினர் திருமணத்திற்காகச் சென்றிருந்த ஸ்ரீதேவி அங்கு உயிரிழந்தார். தற்போது அவரது மகள்கள் ஜான்வி கபூர் மற்றும் குஷி கபூர் சினிமாவில் பிரகாசிக்கத் தொடங்கியுள்ளனர்.

தாய் ஸ்ரீதேவியின் மரணம் குறித்துப் பேசிய ஜான்வி “என் தாயின் மரணம் குறித்துப் பேசி நான் விளம்பரம் பெற முயற்சிக்கிறேன் என்று மக்கள் நினைப்பார்கள் என்ற பயத்தில் இந்த விஷயத்தைப் பற்றிப் பேச நான் பலமுறை தயங்கி இருக்கிறேன்.

அந்த நேரத்தில் நான் அனுபவித்த வலி அளவிட முடியாதவை. அவற்றை வார்த்தைகளில் விவரிக்க முடியாது. தர்மேந்திரா இறந்தபோது கூட, பலர் பல வகையான செய்திகளை உருவாக்கினர். ஒருவரின் மரணத்தை மீம்ஸாக மாற்றுவது மிகவும் பரிதாபமான ஒன்று. இந்த நிலைமை நாளுக்கு நாள் மோசமாகச் சென்று கொண்டிருக்கிறது,” என்று அவர் வேதனையுடன் தெரிவித்துள்ளார்.

ஜான்வி கபூர் தனது தாயின் மரணத்துக்குப் பின் தான் அனுபவித்த தனிப்பட்ட வேதனையையும், சமூக ஊடகங்களில் இறப்பைக் கூட இழிவுபடுத்தும் கலாச்சாரத்தையும் இந்தப் பேச்சின் மூலம் வெளிப்படுத்தியுள்ளார்.