தமிழ் சினிமாவில் முன்னணி ஹீரோக்களில் ஒருவர் அருண் விஜய். இவர் நடிப்பில் கடந்த வாரம் வெளிவந்து மக்கள் மத்தியில் நல்ல வரவேற்பை பெற்றுள்ள திரைப்படம் வணங்கான்.

பாலா இயக்கத்தில் வெளியான இப்படத்தில் அருண் விஜய்யின் நடிப்பு வித்தியாசமாக இருந்தது. மேலும் அவர் மாற்றுத்திறனாளியாக நடித்து அனைவரின் பாராட்டுகளையும் சொந்தமாக்கியுள்ளார்.

இப்படத்தில் அருண் விஜய்யின் நடிப்பு பல சினிமா நட்சத்திரங்களால் பெரிதும் பாராட்டப்பட்டது. இவரை தவிர்த்து படத்தில் அறிமுக நடிகைகளான ரோஷினி மற்றும் ரிதா ஆகியோர் நடிப்பும் பாராட்டப்பட்டது.

இந்நிலையில், விமர்சன ரீதியாகவும், வசூல் ரீதியாகவும் பட்டையை கிளப்பி வரும் வணங்கான் திரைப்படம் உலகளவில் 6 நாட்களில் செய்துள்ள வசூல் குறித்து தகவல் வெளியாகியுள்ளது. அதன்படி, இப்படம் உலகளவில் 6 நாட்களில் ரூ. 7 கோடி வசூல் செய்துள்ளது.

தமிழ் சினிமாவில் யதார்த்த கதைக்களத்தை வைத்து சிறப்பான தரமான திரைப்படங்களை கொடுக்கும் இயக்குநர்களில் முக்கியமானவர் பாலா. பிதாமகன், நான் கடவுள், நந்தா, பரதேசி என பல தரமான படங்களை நமக்கு கொடுத்துள்ளார்.

இவருடைய இயக்கத்தில் கடந்த வாரம் வெளிவந்த திரைப்படம் வணங்கான். தயாரிப்பாளர் சுரேஷ் காமாட்சி தயாரிப்பில் உருவான இப்படத்தில் அருண் விஜய் கதாநாயகனாக நடித்திருந்தார். முதலில் இப்படத்தில் சூர்யா கதாநாயகனாக நடித்து வந்த நிலையில், சில காரணங்களால் அவர் வெளியேறினார். பின் அவருக்கு பதிலாக அருண் விஜய் கமிட்டானார்.

முதல் நாள் இப்படத்தின் முதல் காட்சி ரத்து செய்யப்பட்ட நிலையில், ரசிகர்கள் ஏமாற்றமடைந்தனர். அதன்பின் அனைத்து பிரச்சனைகளையும் சரி செய்து வெளிவந்து வணங்கான் திரைப்படம் மக்கள் மத்தியில் நல்ல வரவேற்பை பெற்றது.

இந்த நிலையில், மூன்று நாட்களை கடந்துள்ள இப்படம் உலகளவில் எவ்வளவு வசூல் செய்துள்ளது என்பது குறித்து தகவல் வெளியாகியுள்ளது. அதன்படி, வணங்கான் படம் மூன்று நாட்களில் உலகளவில் ரூ. 4.5 கோடி வசூல் செய்துள்ளது. இனி வரும் நாட்களில் இப்படத்தின் வசூல் எப்படி இருக்கப்போகிறது என்பது பொறுத்திருந்து பார்ப்போம்.

மேலும் ஜி.வி. பிரகாஷ் இப்படத்திற்கு இசையமைத்துள்ளார். ரசிகர்களிடையே பெரிதும் எதிர்பார்ப்பில் இருந்த வணங்கான் திரைப்படம் எப்படி இருக்கிறது விமர்சனத்தில் பார்க்கலாம் வாங்க.

கன்னியகுமாரியில் தனது தங்கையுடன் வாழ்ந்து வரும் கதாநாயகன் அருண் விஜய் (கோட்டி) வாய் பேச இயலாதவராக இருக்கிறார்.

தங்கை மீது அளவுகடந்த பாசம் வைத்திருக்கும் அருண் விஜய், தன் கண்முன் கொடுமைகள் நடந்தால் அதை தட்டிக் கேட்கும் நபராகவும் மாறிவிடுகிறார். தட்டி கேட்பது என்றால், அந்த கொடுமைகளை செய்யும் நபர்களை அடித்து துவைத்து சாவு பயத்தையே காட்டி விடுகிறார்.

ஊருக்குள் இப்படி தொடர்ந்து அருண் விஜய் செய்து வர, இவருக்கு நிலையான வேலை இருந்தால் மட்டுமே இப்படி எதுவும் செய்யமாட்டார் என முடிவு செய்து, அருண் விஜய்யின் நலன் விரும்பியான சர்ச் ஃபாதர், ஆதரவற்றோர் இல்லத்தில் செக்யூரிடி வேலையை அருண் விஜய்க்கு வாங்கி தருகிறார்.

அங்கு வேலை பார்த்துக் கொண்டே அங்குள்ள அனைவரிடமும் பழகும் அருண் விஜய்க்கு பல சொந்தங்கள் கிடைக்கிறது. இந்த நிலையில், அதே ஆதரவற்றோர் இல்லத்தில் உள்ள இரண்டு நபர்களை அருண் விஜய் கொலை செய்கிறார். இந்த கொலைகளை செய்தது நான் தான் என, தானே முன் வந்து போலீசிடம் சரணடைகிறார்.

போலீஸ் எவ்வளவு கேட்டாலும் கொலைக்கான காரணத்தையும் சொல்லாமல் மூடி மறைக்கிறார் அருண் விஜய். இவர் எதற்காக இந்த கொலையை செய்தார்? இதன்பின் என்ன காரணம் உள்ளது? எதை அனைவரிடம் இருந்தும் காரணத்தை மறைகிறார் என்பதே படத்தின் மீதி கதை.

படத்தை பற்றிய அலசல்

கதாநாயகன் அருண் விஜய் நடிப்பு வேற லெவல். வாய் பேச இயலாதவராக நடித்து நம்மை கலங்க வைத்துவிட்டார். ஒவ்வொரு காட்சியிலும் ஸ்கோர் செய்கிறார். குறிப்பாக எமோஷனல் காட்சிகளில் இவருடைய நடிப்பு மனதை தொடுகிறது.

இவருடன் இணைந்த நடித்த நடிகைகள் ரோஷ்ணி பிரகாஷ், ரிதா ஆகியோரின் நடிப்பு சிறப்பாக இருந்தது. அதே போல் சாயா தேவி, பாலசிவாஜி, சண்முகராஜன் ஆகியோரின் நடிப்பு திரைக்கதையோடு ஒன்றிப்போகிறது. கௌரவ வேடத்தில் தோன்றிய மிஷ்கின் மற்றும் சமுத்திரக்கனியின் கதாபாத்திரங்களும் சிறப்பு.

இயக்குநர் பாலா எடுத்துக்கொண்ட கதைக்களத்திற்கு முதல் பாராட்டுக்கள். சமுதாயத்தில் பெண்களுக்கு எதிராக நடக்கும் கொடுமைகளை சுட்டிக்காட்டி, அதற்கு தண்டை இப்படித்தான் இருக்க வேண்டும் என திரைக்கதையை நேர்த்தியாக கொண்டு சென்ற விதம் சிறப்பாக இருந்தது.

முதல் பாதியில் அருண் விஜய்க்கும் ரோஷ்ணி பிரகாஷுக்கும் இடையிலான காதல் காட்சிகள் கவனம் ஈர்க்கவில்லை. மற்றபடி படத்தில் குறை என்று சொல்லும் அளவுக்கு எதுவும் இல்லை. இடைவேளை மற்றும் கிளைமாக்ஸ் காட்சி படத்தின் மிகப்பெரிய பலம்.

குறிப்பாக கிளைமாக்ஸ் காட்சியில் அனைவரையும் கண்கலங்க வைத்துவிட்டார் பாலா. கண்டிப்பாக அருண் விஜய் மற்றும் பாலா இருவருக்கும் தேசிய விருது கிடைக்க வேண்டும். தன்னைச் சுற்றி நடக்கும் கொடுமைகளை ஒருவன் தட்டிக் கேட்டால், அவனுடன் இந்த சட்டமும் நிற்கும் என காட்டிய விதம் பாராட்டுக்குரியது.

இசையமைப்பாளர் ஜி.வி. பிரகாஷின் பாடல்கள் சிறப்பு. சாம் சி.எஸ் பின்னணி இசை மிரட்டலாக இருந்தது. ஒப்பனை மற்றும் ஆடை வடிவமைப்பு பக்கா. ஒளிப்பதிவு மற்றும் எடிட்டிங் படத்தின் பலம்.

பிளஸ் பாயிண்ட்

அருண் விஜய் நடிப்பு.

பாலாவின் இயக்கம்.

திரைக்கதை.

சாம் சி.எஸ் பின்னணி இசை.

மைனஸ் பாயிண்ட்

பெரிதாக எதுவும் இல்லை.

மொத்தத்தில் வணங்கான் அனைவரையும் கலங்க வைத்துவிட்டான். கண்டிப்பாக அனைவரும் பார்க்க வேண்டிய படம்..

பரியேறும் பெருமாள், கர்ணன், மாமன்னன் போன்ற படங்களை இயக்கி தமிழ் சினிமாவில் பிரபலமானவர் மாரி செல்வராஜ்.

தற்போது இவர் இயக்கத்தில் நாளை வெளிவர உள்ள படம் வாழை. இந்த படத்தில் கலையரசன், திவ்யா துரைசாமி, நிகிலா விமல், பொன்வேல் மற்றும் ராகுல் உள்ளிட்ட பலர் நடித்துள்ளனர்.

மாரி செல்வராஜ், தன் வாழ்க்கையில் நடந்தவற்றை வைத்து இந்த படத்தை இயக்கியுள்ளார் என அவரே கூறியிருக்கும் நிலையில், இந்த படத்தை பார்த்து விட்டு பல இயக்குனர்கள் மற்றும் நடிகர்கள் என அனைவரும் பாராட்டி வருகின்றனர்.

இந்த நிலையில், வாழை படத்தை பிரத்யேக காட்சியில் இயக்குனர் பாலாவிற்கும் காண்பித்தார் மாரி செல்வராஜ் அந்த படத்தை பார்த்து விட்டு, கலங்கிப் போய் மாரியிடம் சென்று இத்தனை சோகங்களை மனதில் வைத்துக்கொண்டு தான் படங்களை எடுக்கிறாயா என்று கண்கலங்கியபடி கட்டி அணைத்து முத்தம் கொடுத்தார் பாலா.

தற்போது இந்த புகைப்படங்கள் இணையத்தில் வைரல் ஆகி வருகின்ற நிலையில், மாரி செல்வராஜ் தனது ட்விட்டர் பக்கத்தில் இந்த புகைப்படத்தை பதிவிட்டு மிகவும் நன்றி பாலா சார் என்று எழுதியுள்ளார்.

படப்பிடிப்பு கூட விறுவிறுப்பாக நடைபெற்று வந்தது. ஆனால், திடீரென சூர்யா இப்படத்திலிருந்து வெளியேறிவிட்டார். பாலா மற்றும் சூர்யாவிற்கு இடையே ஏற்பட்ட மனக்கசப்பு தான் இப்படத்திலிருந்து சூர்யா வெளியேற காரணம் என கூறப்பட்டது.

ஆனால், அப்படி எதுவும் இல்லை என கூறி இயக்குனர் பாலா அறிக்கை ஒன்றை வெளியிட்டார். சூர்யா வெளியேறியதை தொடர்ந்து இப்படத்தில் அருண் விஜய்யை ஹீரோவாக நடிக்க வைக்க முடிவு செய்தார் பாலா.

அதன்படி, அருண் விஜய்யை வைத்து தற்போது வணங்கான் திரைப்படத்தை எடுத்து முடித்துள்ளார். இந்த நிலையில், வணங்கான் திரைப்படத்தை மலைபோல் நம்பி காத்திருக்கிறாராம் அருண் விஜய்.

ஏனென்றால் தற்போது ஒரு படத்தில் நடிக்க ரூ. 5 கோடி வரை சம்பளம் வாங்கி வரும் அருண் விஜய், வணங்கான் திரைப்படத்தின் வெற்றிக்குப்பின் ரூ. 8 கோடியாக தனது சம்பளத்தை உயர்ந்த முடிவு செய்துள்ளாராம். இந்த தகவல் பிரபல பத்திரிகையாளர் ஷக்தி என்பவர் கூறியுள்ளார் என்பது குறிப்பிடத்தக்கது.

என் அண்ணன் ராகவா லாரன்ஸ் சொன்னால் மாடியிலிருந்து குதித்து சாகக்கூட தயார் என்று கேபிஒய் பாலா சமீபத்தில் கூறியிருப்பது பரபரப்பை ஏற்படுத்தி உள்ளது.

விஜய் டிவியில் ஒளிபரப்பான ’கலக்கப்போவது யாரு’ என்ற நிகழ்ச்சியின் மூலம் பிரபலமான பாலா பல சமூக சேவை செய்து வருகிறார் என்பதும் ஏராளமான ஏழை எளிய மக்களுக்கு அவர் உதவி செய்து வருகிறார் என்பதையும் பார்த்து வருகிறோம்.

அந்த வகையில் சமீபத்தில் அவர் ஒரு கடை திறப்பு விழாவிற்கு சென்ற போது அவருக்கு சிறப்பான வரவேற்பு அளிக்கப்பட்டது. இதை அடுத்து அவர் செய்தியாளர்களிடம் பேசிய பாலா, ‘மக்களால் தான் நான் இந்த இடத்தில் இருக்கிறேன், எனவே என்னுடைய வருமானம் எல்லாம் மக்களுக்கு தான் , மக்களுக்கு என்னால் முடிந்தவரை உதவி செய்வேன் என்று கூறினார்.

மேலும் ஹீரோவாக ஒரு படத்தில் நடிக்க இருப்பது குறித்து கூறிய போது ’ராகவா லாரன்ஸ் அண்ணன் அவர்களின் உதவியால்தான் நான் ஹீரோவாக நடிக்கிறேன், அவர் என்ன சொன்னாலும் நான் செய்வேன், அவர் சொன்னதை முதலில் செய்துவிட்டு அதன் பிறகு தான் ஏன் என்று கேள்வி கேட்பேன்.

குறிப்பாக கீழே குதி என்று ராகவா லாரன்ஸ் அண்ணன் கூறினால், ஏன், எதற்காக என்று கேட்காமல் குதித்து விட்டு அதன் பிறகு ஏன் என்று கேட்பேன். அந்த அளவுக்கு அவர் மீது எனக்கு மதிப்பு மரியாதையும் நம்பிக்கையும் உள்ளது என்று தெரிவித்துள்ளார்.

ராகவா லாரன்ஸ் கீழே குதித்து சாக சொன்னால்கூட சாக தயார் என்ற அர்த்தத்தில் பாலா பேசிய இந்த பேட்டி பரபரப்பை ஏற்படுத்தியுள்ளது.

விஜய் டிவி நிகழ்ச்சிகளில் காமெடியனாக கலக்கி பாப்புலர் ஆனவர் KPY பாலா. அவர் விஜய் டிவியின் கலக்க போவது யாரு, குக் வித் கோமாளி உள்ளிட்ட பல ஷோக்களில் பங்கேற்றவர்.

தற்போது விஜய் டிவியில் இருந்து விலகி படங்கள் மற்றும் youtube ஆகியவற்றில் கவனம் செலுத்தி வருகிறார்.

பாலா சமீப காலமாக தான் சம்பாதிக்கும் பணம் அனைத்தையும் ஏழைகளுக்கு உதவ செலவிட்டு வருகிறார். சென்னை வெள்ளத்தில் தன்னிடம் இருந்த பணத்தை பிரித்து வீடு வீடாக சென்று கொடுத்தார்.

மேலும் மலை கிராமங்களுக்கு ஆம்புலன்ஸ் வாங்கி கொடுப்பது, வறுமையில் இருப்பவருக்கு ஆட்டோ வாங்கி கொடுப்பது, பைக் வாங்கி கொடுப்பது என பல விஷயங்கள் செய்து வருகிறார்.

பாலா ஒரு பெண்ணை காதலித்து வருகிறார் என்றும், அவரை விரைவில் திருமணம் செய்துகொள்ள இருக்கிறார் என்றும் முன்பே தகவல் வெளியானது. ஆரம்பத்தில் பெண் வீட்டில் திருமணத்திற்கு சம்மதம் சொல்லி இருக்கின்றனர், ஆனால் தற்போது தயக்கம் காட்டுகிறார்களாம்.

ஒரு நடிகருக்கு சில காலத்திற்கு தான் வாய்ப்புகள் கிடைக்கும், அப்போதே சேர்த்து வைத்தால் தான் வருங்காலத்தில் குடும்பத்தையும் தன்னையும் காப்பாற்றிக்கொள்ள முடியும். ஆனால் பாலா சம்பாதிக்கும் பணத்தை எல்லாம் உதவி செய்கிறேன் என சொல்லி கொடுத்து விடுகிறார். அதனால் அவர் மனைவி பிள்ளைகளை எப்படி வருங்காலத்தில் காப்பாற்றுவார் என பெண் வீட்டார் கேள்வி கேட்கிறார்களாம்.

பாலா செய்து வரும் உதவி தற்போது அவரது சொந்த வாழ்க்கைக்கே பிரச்சனையாக மாறி இருக்கிறது. பெண் வீட்டாரை சமரசம் செய்ய பாலா முயற்சி செய்து வருகிறாராம்.

சின்னத்திரையில் தனக்கென ஒரு இடத்தை பிடித்து மக்கள் மத்தியில் இடம் பிடித்தவர் தான் KPY பாலா. இவர் கலக்கப்போவது யாரு, குக் வித் கோமாளி உள்ளிட்ட நிகழ்ச்சிகளில் கலந்து கொண்டு தனது திறமை மூலம் பேசப்பட்டவர்.

டிவி மட்டுமின்றி youtube சேனல் நிகழ்ச்சிகள், கல்லூரி விழாக்கள், கோவில் திருவிழாக்கள் என அவர் வேறு பல நிகழ்ச்சிகளிலும் பங்கேற்று வருகிறார். சின்னத்திரை மட்டுமின்றி வெள்ளித்திரையிலும், விஜய் சேதுபதியின் ஜூங்கா, தும்பா, Friendship போன்ற பல படங்களில் நடித்துள்ளார்.

அண்மையில், சென்னையில் மிக்ஜாம் புயல் காரணமாக பாதிக்கப்பட்ட மக்களுக்கு தன்னிடம் இருந்த 2 லட்சம் ருபாய் பணத்தை எடுத்து அவர் 200 குடும்பங்களுக்கு பிரித்து கொடுத்தார். அதை பலரும் பாராட்டினார்கள்.

இதை தொடர்ந்து, தன் சொந்த செலவில் மக்களுக்காக 5வது ஆம்புலன்ஸை வாங்கிக் கொடுத்து உதவினார், மாற்றுத்திறனாளிக்கு பைக் வாங்கிக் கொடுத்தார்.

மேலும், பெற்றோல் பங்கில் பைக் வாங்க முடியாமல் கஷ்டப்பட்ட இளைஞரின் ஆசையை நிறைவேற்றி, அவருக்கு பைக் ஒன்றை பரிசாக கொடுத்து இருந்தார் நடிகர் பாலா.

இந்த நிலையில், தூக்கி எறியப்படும் பொருட்களை கொண்டு உருவாக்கப்பட்ட இருசக்கர வாகனம், பெட்ரோல் பங்க் ஆகியவற்றை செய்த பள்ளி மாணவன் ஒருவர், அதனை நடிகர் பாலாவிற்கு அன்பளிப்பு கொடுக்க எதிர்பார்த்து உள்ளார்.

அண்மையில் பெற்றோல் பங்கில் வேலை செய்யும் இளைஞனுக்கு பாலா பைக் வாங்கி கொடுத்ததற்கு சின்ன அன்பளிப்பு செய்யும் முகமாக பாண்டிச்சேரியில் உள்ள குறித்த மாணவன், நான் சென்னைக்கு வந்தது இல்லை பாண்டிச்சேரி வந்தா கட்டாயம் எனது பரிசை வாங்குமாறு அன்பாக கேட்டுக் கொண்டுள்ளார். தற்போது குறித்த காணொளி வைரலாகி உள்ளது.

விஜய் டிவியில் ஒளிபரப்பான கலக்கப்போவது யாரு என்ற நிகழ்ச்சியின் மூலம் அறிமுகமான பாலா, அதன் பின்னர் கேபிஒய் பாலா என்று அழைக்கப்படுகிறார் என்பதும் விஜய் டிவியில் பல நிகழ்ச்சிகளில் அவர் கலந்து கொண்டிருக்கிறார் என்பதும் தெரிந்தது.

இந்த நிலையில் ஏற்கனவே பல சமூக சேவை செய்து வரும் பாலா சமீபத்தில் எம்பிஏ படித்த மாற்றுத்திறனாளி ஒருவருக்கு மூன்று சக்கர வாகனம் ஒன்று வாங்கி கொடுத்து அவருக்கு இன்ப அதிர்ச்சி அளித்துள்ளார்.

விஜய் டிவியில் ஒளிபரப்பான கலக்கப்போவது யாரு, சூப்பர் சிங்கர், குக் வித் கோமாளி, உள்பட பல நிகழ்ச்சிகளில் கலந்து கொண்ட கேபிஒய் பாலா சில திரைப்படங்களிலும் நடித்துள்ளார் என்பது தெரிந்தது.

இந்த நிலையில் கடந்த சில ஆண்டுகளாக தொடர்ச்சியாக அவர் சமூக சேவைகள் செய்து வருகிறார் என்பதும் குறிப்பாக கடந்த டிசம்பர் மாதம் சென்னையில் வெள்ளம் ஏற்பட்ட போது அவர் ஒரு சில பகுதிகளில் நேரில் மக்களை சந்தித்து அவர்களுக்கு ரொக்கமாக பணம் வழங்கி உதவி செய்தார் என்பதும் தெரிந்தது.

அதுமட்டுமின்றி சில பகுதிகளுக்கு அவர் ஆம்புலன்ஸ் வாங்கி கொடுத்து உள்ளார் என்பதும் தன்னிடம் உதவி என்று கேட்டு வருபவர்களிடம் தன்னால் முயன்ற உதவியை செய்து வருகிறார் என்பது குறிப்பிடத்தக்கது. தான் சம்பாதிக்கும் பெரும் பணத்தை அவர் சமூக சேவைகளுக்காகவே செய்து வரும் நிலையில் அவரைப் பற்றி சில விமர்சனங்கள் இருந்தாலும் அவருக்கு ஏராளமான வாழ்த்துக்கள் தெரிவித்து வருகின்றனர் என்பது குறிப்பிடத்தக்கது.

இந்த நிலையில் எம்பிஏ படித்த பட்டதாரி ஒருவர் கால் நடக்க முடியாமல் மாற்றுத்திறனாளியாக இருப்பதால் அவரால் வேலைக்கு செல்ல முடியவில்லை. ஒரு மூன்று சக்கர வாகனம் இருந்தால் அவரால் வேலைக்கு செல்ல முடியும், ஆனால் அதே நேரத்தில் அந்த வாகனத்தை வாங்க அவரிடம் பணம் இல்லை என்ற நிலையில் இந்த விஷயத்தை கேள்விப்பட்ட பாலா அவருக்கு மூன்று சக்கர வாகனத்தை வாங்கி கொடுத்துள்ளார்.

பாலாவின் உதவியை அறிந்து ஆனந்தக்கண்ணீர் விட்ட அந்த எம்பிஏ பட்டதாரி பாலாவின் காலில் விழுந்து நன்றி சொன்னார் என்றும் அவருக்கும் அவரது குடும்பத்திற்கு ஆறுதல் கூறிவிட்டு பாலா சென்றதாகவும் தெரிகிறது. இது குறித்த வீடியோவை பாலா தனது இன்ஸ்டாகிராம் பக்கத்தில் பதிவு செய்துள்ள நிலையில் பாலாவுக்கு மீண்டும் பாராட்டுக்கள் குவிந்து வருகிறது என்பது குறிப்பிடத்தக்கது.

நடிகர் சூர்யாவின் கெரியரில் ஆரம்பகட்டத்தில் பல்வேறு ஹிட் படங்களை கொடுத்தவர் பாலா. பல வருடங்களாக அவர்கள் கூட்டணி சேராமல் இருந்த நிலையில் வணங்கான் என்ற படத்திற்காக சேர்ந்தனர்.

ஆனால் முதற்கட்ட ஷூட்டிங் முடிந்தபிறகு சூர்யா படத்தில் இருந்து திடீரென விலகுவதாக அறிவித்தார். அதற்கான காரணத்தை சூர்யா தெரிவிக்கவில்லை. அதனால் பல்வேறு செய்திகள் அது பற்றி கிசுகிசுக்கப்பட்டன.

சூர்யாவை பாலா அடித்தார் என்றெல்லாம் செய்திகள் பரவிய நிலையில் தற்போது தயாரிப்பாளர் சுரேஷ் காமாட்சி அளித்திருக்கும் பேட்டியில் முதல் முறையாக விளக்கம் கொடுத்திருக்கிறார்.

“பாலா சூர்யாவை அடித்தார் என்பது துளி கூட உண்மை இல்லை, ஆனால் அவரை வெறும் கால் உடன் ஓட விட்டார் என்பது உண்மையாக இருக்கலாம்” என கூறி இருக்கிறார்.