இந்த நிலையில் ஜனனி இடம் விக்ரமன் அசீம் குறித்து பேசிக் கொண்டிருக்கும் போது அங்கு வந்த அசீம், ‘என்னைப் பற்றி ஏன் பேசுகிறீர்கள் என்று ஆவேசமாக விக்ரமினுடன் சண்டை போடுகிறார். நான் என்ன பேசினேன் என்பதை சொல்கிறேன் என விக்ரமன் விளக்கமளிக்க முன் வந்தாலும் கூட அதை கேட்க மறுக்கும் அசீம், ’உங்களுடைய மாயாஜால வார்த்தைகளை எல்லாம் என்னிடம் வைத்துக்கொள்ள வேண்டாம். இந்த ஜீபூம்பா வேலையை வேறு யாரிடமாவது வைத்து கொள்ளுங்கள்’ என்று கூறுகிறார்.

விக்ரமன் அவருக்கு பொறுமையாக விளக்கம் அளிக்க முன்வந்த போதிலும் அந்த விளக்கத்தை ஏற்க அசீம் மறுக்கும் நிலையில் ஜனனி அசீமை சமாதானப்படுத்த முயல்கிறார். ‘நாங்கள் என்ன சொல்ல வருகிறோம் என்பதை கேட்டுவிட்டு பதில் சொல்லுங்கள்’ என்று ஜனனி கூறியபோது அவரிடமும் அவர் சொல்வதை கேட்காத அசீம், தான் சொல்வதை திரும்ப திரும்ப சொல்லி வருகிறார்.

இதனால் ஒரு கட்டத்தில் வெறுத்துப்போன ஜனனி ‘உங்களுக்கு BP இருக்கா என்று ரவுண்டு கட்டி கேட்க, அப்போது அசீம், ‘எனக்கு BP எல்லாம் இல்லை, ஆனால் நீங்கள் தான் என்னை BPயை உயர்த்த பார்க்கின்றீர்கள் என்று சொல்லிவிட்டு அந்த இடத்தை விட்டு நகர்கிறார்.

#BiggBoss

இன்று நடைபெறும் ஒரு டாஸ்க்கில், ‘இந்த வீட்டில் நல்லவர் என்ற முகமூடியை அணிந்திருக்கும் நபர் யார்? என்று பிக்பாஸ் கேள்வி கேட்கிறார். அதற்கு ஜனனி, ‘ஏடிகே’ என்று கூறுகிறார். இதைக்கேட்ட டென்ஷன் ஆன ஏடிகே, ஜனனியுடன் வாக்குவாதத்தில் ஈடுபடுகிறார்.

ஒரு கட்டத்தில், ‘உங்களுடன் பேசுவதற்கு எதுவும் எதுவும் இல்லை என்று ஏடிகே கூற அதற்கு ஜனனி, ‘உங்ககிட்ட பேச எதுவும் இல்லை என்று நீங்கள் சொல்ல தேவை இல்லை’ என்று கூறுகிறார். இதனால் ஆத்திரமடையும் ஏடிகே, ‘ஜனனியை நான் அவ்வப்போது அழைத்து அட்வைஸ் பண்ணுவேன். அவர் மீது நான் ஒரு மிகப்பெரிய அன்பு வைத்திருக்கிறேன். அந்த அன்பை கொச்சைப் படுத்திவிட்டீர்கள். நான் அவரை ஒரு தங்கச்சி மாதிரி பழகி வந்தேன். இந்த வீட்டில் உள்ள யார் மீதும் அவ்வளவு அன்பு நான் வைத்தது இல்லை, அந்த புள்ளைமீது நான் அவ்வளவு பாசம் வைத்துள்ளேன், அப்படிப்பட்ட என்னை நல்லவன் என்று முகமூடி அணிந்து இருப்பதாக கூறி விட்டாரே’ என ஆவேசமாக பேசினார்.

இதை பார்த்து ஜனனி ஒரு நிமிடம் ஆடி போயுள்ளார். இதனை அடுத்து என்ன நடக்கும் என்பதை பொறுத்திருந்து பார்ப்போம்.

#BiggBoss