விஜய் டிவியில் பிக்பாஸ் நிகழ்ச்சி துவங்கி ஒளிப்பரப்பாகி வருகிற்து. 90 நாட்களை வெற்றிகரமாக கடந்து தற்போது இறுதிக்கட்டத்தை எட்டியுள்ளது. கடந்த வாரம் முழுக்க பிக்பாஸ் வீட்டில் டிக்கெட் டூ ஃபினாலேவுக்கான போட்டிகள் நடந்தன. இதில் அர்ச்சனா மற்றும் விஜய் வர்மாவை தவிர மீதமுள்ள போட்டியாளர்கள் அனைவரும் பங்கேற்றனர்.

இந்த டாஸ்க்கை தங்களுக்குள்ளே இரண்டு குரூப்புகளாக பிரிந்து போட்டியாளர்கள் விளையாடினர். அதில் மாயா, பூர்ணிமா, நிக்சன், விசித்ரா மற்றும் விஜய் வர்மா ஆகியோர் ஒரு குழுவாக பிரிந்து விளையாடினர். அதே போல் தினேஷ், விஷ்ணு, ரவீனா, மணி உள்ளிட்டோர் ஒரு குரூப்பாக பிரிந்தும் விளையாடி வந்தனர்.

இந்நிலையில் கடந்த வாரம் நாமினேஷனில் சிக்கியவர்களில் குறைந்த வாக்குகள் பெற்றவர்கள் என்ற அடிப்படையில் ரவீனா, நிக்சன் இருவரும் பிக்பாஸ் வீட்டை விட்டு எலிமினேட் செய்யப்பட்டுள்ளனர். இவர்கள் வெளியேற்றப்பட்டுள்ளதை தொடர்ந்து மீதமுள்ள 7 பேர் தற்போது பிக்பாஸ் வீட்டில் உள்ளனர். இதனிடையில் இந்த வாரத்தின் முதல் நாளான இன்று பிக்பாஸ் வீட்டில் நாமினேஷன் நடந்துள்ளது.

பிக்பாஸ் வீட்டில் உள்ள ஒவ்வொருவரும் பிற போட்டியாளர்களை காரணங்களுடன் நாமினேட் செய்த நிலையில், திடீர் ட்விஸ்டாக இந்த வாரம் வீட்டில் உள்ள அனைவருமே நாமினேட் செய்யப்படுவதாக அறிவித்துள்ளார் பிக்பாஸ். அனேகமாக இந்த வாரம் தான் கடைசி நாமினேஷனாக இருக்கும் என ரசிகர்கள் நினைத்த நிலையில், அதிரடி ட்விஸ்டாக அனைவரையும் பிக்பாஸ் நாமினேட் செய்துள்ளது பார்வையாளர்கள் மத்தியில் அதிர்ச்சியை கிளப்பியுள்ளது.

இதில் இந்த வாரம் யார் வெளியேற்றப்பட்டு, யார் யார் இறுதி போட்டிக்குள் நுழைவார்கள் என்ற எதிர்பார்ப்பு ரசிர்கள் மத்தியில் எழுந்துள்ளது. இதனிடையில் எல்லா சீசனிலும் நடக்கும் பணப்பெட்டி டாஸ்க் இந்த வாரம் சீசன் 7ல் நிகழும் என எதிர்பார்க்கப்படுகிறது. இதில் அனேகமாக விசித்ரா பணப்பெட்டியை எடுத்துக்கொண்டு வெளியேற வாய்ப்புள்ளதாக பிக்பாஸ் வீட்டில் உள்ளவர்கள் பேசி வருகின்றனர். மறுபுறம் அர்ச்சனா டைட்டில் வெல்ல வாய்ப்புள்ளதாக ஹவுஸ்மேட் பேசி வருவது குறிப்பிடத்தக்கது.

இந்த சீசன் 7 நிகழ்ச்சியை பொருத்தவரைக்கும் அந்த வீட்டில் என்ன நடக்க வேண்டும் என்பதை முடிவு செய்வதே மாயாவாகத்தான் இருக்கிறார். கிட்டத்தட்ட மாயா எழுதிக் கொண்டிருக்கும் ஸ்கிரிப்டில் மற்ற போட்டியாளர்கள் அனைவரும் கைப்பாவைகளாக ஆக்கப்பட்டு வருகிறார்கள். மாயாவின் மாய வலையில் விழுந்து காணாமல் போய்விடுகிறார்கள்.

பிக் பாஸ் நிகழ்ச்சி ஆரம்பித்த முதல் நாளிலிருந்து மாயாவுடன் சேர்பவர்களை கவனித்து வந்தால் அவர்கள் தான் வீட்டை விட்டு அதிகமாக வெளியேறி இருக்கிறார்கள். மக்களிடையே நல்ல வரவேற்பை பெற்று வந்த ஜோவிகா மற்றும் ஐஷு இருக்கும் இடம் தெரியாமல் காணாமல் போய்விட்டார்கள். அதே நேரத்தில் மற்ற போட்டியாளர்களை தன்னுடைய வலையில் விழ வைத்து லாவகமாக பிரதீப் ஆண்டனியை வீட்டை விட்டு வெளியேற்றினார்.

இரண்டு வாரங்களாக எலிமினேஷன் விளிம்பு வரை சென்று விட்டு மாயா ஜெயித்து வந்தார். உண்மையில் சொல்லப் போனால் அவர் தனி ஒரு பிளேயர் ஆகத்தான் விளையாடி வருகிறார். தன் கிட்டே சேரும் அத்தனை போட்டியாளர்களையும் அவர் ஒவ்வொருவராக பலி கொடுத்து வெற்றி படியில் ஏறி வந்து கொண்டிருக்கிறார் என்பதில் எந்த சந்தேகமும் இல்லை.

நன்றாக விளையாடும் போட்டியாளர்களை தன்னுடன் சேர்த்துக்கொண்டு அவர்களுடைய கவனத்தை மொத்தமாக வேறொரு விஷயத்தில் செலுத்த வைக்கிறார். தெள்ளத் தெளிவாக அந்த போட்டியாளர்கள் வெளியில் நெகட்டிவாக ப்ரொஜெக்ட் ஆகும் வகையில் அவர்களை திரியேற்றி விடுகிறார். மாயாவை பிறகு பார்த்துக் கொள்ளலாம் இந்த வாரம் இந்த நபர் வெளியே போய் ஆக வேண்டுமென பார்வையாளர்களே மனசு மாறி விடுகிறார்கள்.

தந்திரமாக விளையாடினாலும் இந்த சீசனைப் பொருத்தவரைக்கும் மாயா தான் சிறந்த பிளேயர் என்பதில் எந்த சந்தேகமும் இல்லை. தன்னை நம்பி வந்த அத்தனை பேரையும் காவு கொடுத்த மாயா பூர்ணிமாவை கூடவே வைத்திருப்பதற்கும் காரணம் இருக்கிறது. தன் வலையில் விழாதவர்களை பூர்ணிமாவின் மூலம் தான் மாயா வார்த்தைகளால் தாக்க வைக்கிறார். அதனால் தான் இன்னும் பூர்ணிமா உள்ளே இருக்கிறார்.

ஜேம்ஸ் வசந்தனின் வானவில் வாழ்க்கையில் அறிமுகமானபோது, மாயா நாடகத்திலிருந்து திரையுலகிற்கு நகர்ந்தார், “டிவாய்ட் ஆப் எக்ஸைட்மென்ட்” மற்றும் மற்றும் “எ வேஸ்டட் எபோர்ட்” என்ற நாடகக்ங்களில் ஒரு பாடகராக நடிப்பதற்கு தனது முடியை வெட்ட வேண்டியிருந்தது. தொடரி படத்தில் பத்திரிகை நிருபராக நடித்தார், மேலும் துருவ நட்சத்திரம், 2.0, மகளிர் மட்டும் மற்றும் சர்வர் சுந்தரம் போன்ற படங்களில் நடித்துள்ளார்.

சமீபத்தில் விக்ரம் மற்றும் லியோ ஆகிய படங்களில் அவரின் கதாபாத்திரம் கவனம் ஈர்த்தது. தற்போது பிக்பாஸ் வீட்டில் போட்டியாளராக இருக்கும் அவரை பற்றி பிரபல மாடல் அனன்யா ராம்பிரசாத் சில ஆண்டுகளுக்கு முன்னர் தன்னை பாலியல் ரீதியாக புகார் கூறியது இப்போது வைரல் ஆகிவருகிறது. மாயா ஒரு ஓரினச் சேர்க்கையாளர் என பிரபல பாடகி சுசித்ரா தொடர்ந்து அவர் மேல் தாக்குதல் தொடுத்து வருகிறார்.

இந்நிலையில் பிக்பாஸ் வீட்டில் இருக்கும் மாயாவுக்கு ரசிகர்களை விட விமர்சகர்கள்தான் அதிகம். ஆனாலும் தொடர்ந்து மாயா பிக்பாஸ் வீட்டுக்குள் நீடித்து வருகிறார். அவர் செய்யும் சில சேட்டைகளை கமல்ஹாசன் கண்டுகொள்வதே இல்லை என்றும் குற்றச்சாட்டுகள் எழுந்துள்ளன.

இந்நிலையில் எப்படியோ 90 நாட்களை மாயா பிக்பாஸ் வீட்டில் கடந்துவிட்டார். இன்னும் இரண்டு வாரங்களைக் கடந்தால் அவர் பிக்பாஸ் வின்னர் ஆவதற்குக் கூட வாய்ப்புகள் உள்ளன. இந்நிலையில் பிக்பாஸ் வீட்டுக்கு வெளியே மாயாவை எப்படியாவது வின்னர் ஆக்கிவிடவேண்டும் என வேலைகள் நடப்பதாக தெரிகிறது.

சமூகவலைதளங்களில் ஆக்டிவ்வாக இருக்கும் சில பக்கங்களை மாயா ஆதரவாளர்கள் தொடர்பு கொண்டு மாயாவுக்கு ஆதரவாக போஸ்ட் போட சொல்லி கேட்டுள்ளனர். மேலும் அதற்காக பணம் தரவும் தயாராக இருப்பதாக பேரம் பேசியுள்ளனர். இது சம்மந்தமான பதிவுகள் இணையத்தில் வைரல் ஆகிவருகின்றன.