American – tamilnaadi.com

அமெரிக்க பிரஜை கட்டுநாயக்கவில் கைது!

Thaaraga — Thu, 29 Dec 2022 06:54:25 +0000

கட்டுநாயக்க விமான நிலையத்தில் அமெரிக்க பிரஜை ஒருவர் 9 மில்லிமீற்றர் ரக 10 துப்பாக்கி தோட்டாக்கள் மற்றும் மெகசின் ஒன்றுடன் நேற்று (28) இரவு விமானப்படை அதிகாரிகளால் கைது செய்யப்பட்டுள்ளார்.

சந்தேகநபரான அமெரிக்க பிரைஜை, பெண்ணொருவருடன் நேற்றிரவு 8.25 மணிக்கு சென்னை செல்ல விமான நிலையத்திற்கு வருகைத் தந்துள்ளார்.

விமான நிலையத்தின் புறப்படும் முனையத்தில் உள்ள ஸ்கிரீனிங் இயந்திரம் வழியாகச் சென்றபோது, குறித்த நபரிடம் மேற்படி வெடிபொருட்கள் இருப்பது கண்டறியப்பட்டது.

இதனையடுத்து, அவர் விமானப்படை அதிகாரிகளால் கைது செய்யப்பட்டார்.

சந்தேகத்திற்குரிய பயணி மேலதிக விசாரணைகளுக்காக விமான நிலைய பொலிஸ் நிலையத்தில் ஒப்படைக்கப்பட்டுள்ளதுடன், அவருடன் வந்த பெண்ணை நாட்டை விட்டு வெளியேறுவதற்கு அனுமதி வழங்கியதாக விமான நிலைய அதிகாரிகள் தெரிவித்துள்ளனர்.

#SriLankaNews

15 இலட்சம் பெறுமதியான தங்கநகைகள் அராலியில் திருட்டு!

அனந்தன் — Tue, 15 Feb 2022 12:06:23 +0000

வட்டுக்கோட்டை பொலிஸ் பிரிவிற்குட்பட்ட அராலி தெற்கு அமெரிக்கன் பாடசாலைக்கு முன்பாக உள்ள வீட்டில் நேற்று 15 இலட்சம் பெறுமதியான தங்க நகைகள் களவாடப்பட்டு உள்ளதாக பொலிஸார் தெரிவிக்கின்றனர்.

இச் சம்பவம் தொடர்பில் மேலும் தெரிய வருகையில்,

வீட்டிலுள்ளவர்கள் நேற்றையதினம் (14) உறவினர் வீட்டுக்கு சென்று விட்டு நேற்று பின்னேரம் விட்டிற்கு திரும்பி வந்து பார்த்தவேளை வீட்டின் கதவு திறந்திருந்தது.

உள்ளே சென்று பார்த்தபோது அலுமாரியில் இருந்த நகை களவாடப்பட்ட விடயம் தெரியவந்துள்ளது.

இது தொடர்பாக வட்டுக்கோட்டை பொலிஸில் முறைப்பாடு பதிவு செய்யப்பட்டுள்ளது. வட்டுக்கோட்டை பொலிஸார் தீவிர விசாரணைகளை மேற்கொண்டு வருகின்றனர்.

11 பவுண் தாலிக்கொடி, 1 1/2 பவுண் சங்கிலி என்பன இவ்வாறு திருடப்பட்டுள்ளதாக தெரிவிக்கப்படுகின்றது.

#SrilankaNews

நடிகர்,நடிகைகளுக்கு காதல் கசந்தால் என்ன நடக்கும்!!

அனந்தன் — Sat, 15 Jan 2022 16:11:29 +0000

நடிகர் நடிகைகளுக்கு காதல் கசந்தால் என்ன நடக்கும் என்பதற்கு அமெரிக்க காதல் ஜோடி உதாரணமாகியுள்ளது.

அமெரிக்காவில் ஹாலிவுட் பட உலகில் மிகவும் பிரபலமாக விளங்கிய நட்சத்திர காதல் ஜோடி ஜேசன் மோமோவா, லிசா போனட். இவர்கள் முதன்முதலாக 2005-ம் ஆண்டு, ஜாஸ் கிளப் ஒன்றில் சந்தித்தனர். அப்போதே இருவரும் காதல் வயப்பட்டனர்.

லிசா 2007-ம் ஆண்டு ஒரு பெண் குழந்தையையும் அடுத்த ஆண்டில் ஒரு ஆண்குழந்தையையும் பெற்றார். அதன்பின்னர் 2017-ம் ஆண்டு இருவரும் திருமணம் செய்து கொண்டனர்.

தற்போது 5 ஆண்டுகள் கடந்த நிலையில் திருமண வாழ்க்கை அவர்களுக்கு கசந்து போனது. இருவரும் தங்கள் திருமண வாழ்க்கை முடிவுக்கு வந்து விட்டதாக கூட்டாக சமூக ஊடகம் ஒன்றில் அறிவித்துள்ளனர்.

குறித்த அறிக்கையில் , “எங்களுக்கு இடையேயான காதல் தொடர்கிறது. அது அறியப்படவும், வாழவும் விரும்பும் வழிகளில் உருவாகிறது.

நாங்கள் ஒருவரை ஒருவர் விடுவித்துக் கொள்கிறோம். இந்தப் புனிதமான வாழ்க்கை மற்றும் எங்கள் குழந்தைகள் மீதான பக்தி அசைக்க முடியாதது” என கூறி உள்ளனர்.

இவர்களின் பிரிவு ஹாலிவுட் பட உலகில் பெரும் பரபரப்பை ஏற்படுத்தி உள்ளதுடன் இந்த காதல் வாழ்க்கை பற்றி நெட்டிசன்கள் கலாய்த்து வருகின்றனர்.

#WorldNews