தென்னிந்திய சினிமாவில் பிரபலமான நடிகைகளில் ஒருவர் அமலா பால். இவர் மலையாளத்தில் வெளிவந்த நீலதாமரா எனும் படத்தின் மூலம் நடிகையாக அறிமுகமானார்.

பின் தமிழில் மைனா படத்தில் நடித்து ரசிகர்கள் மனதில் இடம்பிடித்தார். தொடர்ந்து தனுஷ், விஜய், விக்ரம் என முன்னணி நட்சத்திரங்களுடன் நடித்து வந்த அமலா பால், இயக்குனர் விஜய்யை காதலித்து திருமணம் செய்துகொண்டார்.

ஆனால், இவர்களுடைய திருமணம் மூன்றே ஆண்டில் விவாகரத்தில் முடிந்துவிட்டது. பின் கடந்த ஆண்டு ஜகத் தேசாய் என்பவரை காதலித்து திருமணம் செய்தார். இவர்களுக்கு தற்போது அழகிய ஆண் குழந்தை உள்ளது.

இந்த நிலையில், இன்று தனது 33வது பிறந்தநாளை கொண்டாடும் நடிகை அமலா பாலின் சொத்து விவரங்கள் குறித்து தகவல் வெளியாகியுள்ளது.

அதன்படி, இவருடைய மொத்த சொத்து மதிப்பு ரூ. 32 கோடி இருக்கும் என சொல்லப்படுகிறது. மேலும் இவர் ஒரு படத்தில் நடிக்க ரூ. 2 கோடி வரை சம்பளம் வாங்கி வருகிறார் என்றும் தகவல் தெரிவிக்கின்றனர்.