தளபதி விஜய் தற்போது ’கோட்’ என்ற படத்தில் நடித்துக் கொண்டிருக்கும் நிலையில் அவர் ’தளபதி 69’ படத்தை முடித்தவுடன் சினிமாவில் இருந்து விலகப் போகிறார் என்று சொன்னதை ஏற்கனவே பார்த்தோம். இந்த நிலையில் இதுவரை அடுத்த சூப்பர் ஸ்டார் யார் என்ற பிரச்சனை இருந்து கொண்ட நிலையில் தற்போது விஜய் சினிமாவில் இருந்து விலகுவதால் அடுத்த தளபதி யார் என்ற கேள்விதான் திரையுலகினர் மத்தியில்  எழுந்துள்ளது.

இதுகுறித்து திரை உலகினர் பலர் கூறியபோது சிவகார்த்திகேயன் தான் அடுத்த தளபதி என்றும் அவருக்கு தான் பேமிலி ஆடியன்ஸ் மற்றும் குழந்தைகள் ஆடியன்ஸ் இருக்கிறது என்றும் கூறிவருகின்றனர். இந்நிலையில் சிவகார்த்திகேயன் மார்க்கெட்டும் உயர்ந்திருப்பதாக கூறப்படுகிறது.

ஒரு சில படங்கள் தோல்வி அடைந்தாலும் அதன் பின் அடுத்தடுத்து சிவகார்த்திகேயன் படங்கள் வெற்றி பெற்று வருகிறது என்பதும் குறிப்பாக 100 கோடி ரூபாய் வசூல் படங்களையே அவர் மூன்று படங்கள் கொடுத்துள்ளார் என்பது குறிப்பிடத்தக்கது.

இந்த நிலையில் சிவக்கார்த்தியனின் அடுத்தடுத்த படங்களை விஜய் படங்களை இயக்கிய இயக்குநர்கள் இயக்க ஒப்பந்தம் ஆகி வருவதை பார்க்கும்போது அவர் உண்மையிலேயே அடுத்த தளபதியா? என்ற கேள்வி கோலிவுட் வட்டாரத்தில் எழுப்ப்பட்டுள்ளது. ஏற்கனவே விஜய் நடித்த ’துப்பாக்கி’ ’கத்தி’ ’சர்கார்’ போன்ற படங்களை இயக்கிய ஏஆர் முருகதாஸ் தற்போது சிவகார்த்திகேயன் நடித்துவரும் ’எஸ்கே 23’ என்ற படத்தை இயக்கி வருகிறார் என்பது தெரிந்தது.

இந்த நிலையில் அடுத்த கட்டமாக விஜய் நடித்த ’மாஸ்டர்’ ’லியோ’ படங்களை இயக்கிய லோகேஷ் கனகராஜ், சிவகார்த்திகேயன் இடம் ஒரு கதை கூறியிருப்பதாகவும் விரைவில் இருவரும் இணையும் ஒரு படம் குறித்த அறிவிப்பு வெளியாகும் என்று கூறப்படுகிறது. அதுமட்டுமின்றி விஜய் படங்களை இயக்கிய இன்னும் இரண்டு முன்னணி இயக்குநர்களும் சிவகார்த்திகேயன் தேதிக்காக காத்திருப்பதாக கூறப்படுவதை பார்க்கும் போது உண்மையிலேயே சிவகார்த்திகேயன் அடுத்த தளபதி ஆகிவிடுவாரோ என்ற எண்ணம் ஏற்பட்டு வருகிறது.

திரை உலகை பொருத்தவரை அஜித் மற்றும் விஜய் ஆகிய இருவரும் தனிப்பட்ட முறையில் நண்பர்களாக இருந்தாலும் தொழில் முறையில் இருவரும் இன்னும் போட்டியாளர்களாக இருக்கிறார்கள் என்பதும் அவர்களுடைய ரசிகர்களும் ஒருவரை ஒருவர் விட்டுக் கொடுக்காமல் தங்கள் விருப்பத்திற்குரிய நடிகரை வாழ்த்தியும், பிடிக்காத நடிகரை தாழ்த்தியும் சமூக வலைதளங்களில் பதிவு செய்து வருகின்றனர் என்பதை பார்த்து வருகிறோம்.

இந்நிலையில் விஜய்யின் திரைப்படத்தில் அப்டேட் ஒன்று வந்தால் உடனே அஜித் தரப்பிலிருந்து ஏதாவது ஒரு புகைப்படம் வரும் என்பதும், அதேபோல் அஜித் படத்தின் அப்டேட் வந்தால் விஜய் சம்பந்தமான செய்தி வெளியாகி பரபரப்பை ஏற்படுத்தி வருவதும் பல ஆண்டுகளாக நடந்து வரும் சம்பவங்களாக உள்ளது.

அந்த வகையில் தற்போது திருவனந்தபுரத்தில் ’கோட்’ படத்தின் படப்பிடிப்புக்காக விஜய் சென்றிருக்கும் நிலையில் அங்கு அவர் ஒவ்வொரு நாளும் படப்பிடிப்பு முடிந்த பின்னர் ரசிகர்களை சந்திக்கிறார் என்பதும், ரசிகர்களுடன் இணைந்து செல்பி எடுத்து வருகிறார் என்பதையும் பார்த்து வருகிறோம். கடந்த சில நாட்களாக விஜய்யின் இந்த புகைப்படங்கள் மற்றும் வீடியோக்கள் இணையத்தில் டிரெண்டாகி வரும் நிலையில் அஜித்தும் தன் பங்குக்கு தன்னுடைய புகைப்படத்தையும் வெளியிட்டு பரபரப்பை ஏற்படுத்தி வருகிறார்.

குறிப்பாக அஜித் பைக்கை எடுத்துக் கொண்டு டூர் கிளம்பிய புகைப்படங்கள் வைரலான நிலையில் தற்போது திடீரென தனது பைக் டீம்களுக்கு பிரியாணி செய்து கொடுக்கும் புகைப்படம், அவர்களுடன் பில்லியர்ட்ஸ் விளையாடும் புகைப்படம் உள்ளிட்டவற்றை பதிவு செய்து பரபரப்பை ஏற்படுத்தி இருக்கிறார்.

மொத்தத்தில் அஜித், விஜய் போட்டி என்பது மறைமுகமாக இன்னும் தொடர்ந்து கொண்டுதான் இருக்கிறது என்பது இந்த ட்ரெண்டில் இருந்து தெரிய வருகிறது.