கொழும்பு ஜானகி ஹோட்டலில் நேற்றுமுன்தினம் (21) நடைபெற்ற ‘One Text Initiative’ செயலமர்வில் கலந்துகொண்டு உரையாற்றிய போதே அவர் இதனைக் குறிப்பிட்டார். அவரது உரையின் முக்கிய அம்சங்கள்:

கடந்த ஜனாதிபதித் தேர்தலின் போது, நிறைவேற்று அதிகார ஜனாதிபதி முறையை ஒழிப்பதற்காகவே மக்கள் விடுதலை முன்னணிக்கு (NPP) மக்கள் ஆணை வழங்கியுள்ளனர். மக்கள் விடுதலை முன்னணி மற்றும் ஐக்கிய மக்கள் சக்தி ஆகிய இரு தரப்பினரின் தேர்தல் விஞ்ஞாபனங்களிலும் இந்த ஒழிப்புத் திட்டம் உள்ளடங்கியுள்ளது. எனவே, இதனைச் செய்வதில் சட்டரீதியான தடைகள் இல்லை.

ஐக்கிய மக்கள் சக்தி இதற்குத் தயாராக இருந்தாலும், தற்போதைய அரசாங்கம் இதனை முன்னின்று நடத்தத் தயக்கம் காட்டி வருவதாக அவர் குற்றம் சாட்டினார்.

நாட்டின் முக்கியமான நான்கு தூண்களான நிறைவேற்று அதிகாரம், சட்டவாக்கத்துறை, நீதித்துறை மற்றும் சுயாதீன ஊடகங்கள் ஆகியவை தமக்கிடையிலான அதிகாரச் சமன்பாடுகளுக்குள் (Checks and Balances) இயங்க வேண்டும் என அவர் வலியுறுத்தினார்.

சட்டமா அதிபரைப் பதவியிலிருந்து நீக்கும் முயற்சி போன்ற அரசாங்கத்தின் தன்னிச்சையான நடவடிக்கைகளைத் தான் வன்மையாக எதிர்ப்பதாகச் சஜித் பிரேமதாச குறிப்பிட்டார்.

அரசாங்கம் நாட்டு மக்களைச் சாதாரணமாக எடைபோட்டு, தேர்தல் வாக்குறுதிகளை நிறைவேற்றாமல் செயற்பட்டு வருவதாகவும் அவர் தனது அதிருப்தியை வெளியிட்டார்.