வானத்தில் ஒரே நேர்கோட்டில் 6 கோள்கள் அணிவகுக்கும் அபூர்வமான நிகழ்வுகள் அரங்கேறி வருகின்றன.

சூரிய குடும்பத்தில் பூமி உள்பட அனைத்து கோள்களும் வெவ்வேறு சுற்றுவட்ட பாதைகளில் சூரியனை சுற்றி வருகின்றன. அதுவும், வெவ்வேறு சுற்றுப்பாதை வேகத்துடன் சூரியனை சுற்றி வருகின்றன.

இந்நிலையில், இந்த கோள்களை நாம் பூமியில் இருந்து சில சமயங்களில் ஒரே நேர்கோட்டில் காணக்கூடிய வாய்ப்பு மிகவும் அரிது. பொதுவாகவே 3 அல்லது 4 கோள்கள் ஒரே நேர்க்கோட்டில் தோன்றுவதை காணலாம்.

ஆனால், தற்போது வானத்தில் ஒரே நேர்கோட்டில் 6 கோள்கள் அணிவகுக்கும் அபூர்வமான நிகழ்வுகள் அரங்கேறி வருகின்றன.

அதாவது, ஒரே நேர்கோட்டில் வெள்ளி, வியாழன், சனி, செவ்வாய், நெப்டியூன் மற்றும் யுரேனஸ் ஆகிய கோள்கள் தென்பட்டு வருகின்றன.

இவற்றை நாம் காண்பதற்காக இந்தியா முழுவதும் அறிவியல் அமைப்புகள் சார்பில் நாளை முதல் வருகிற 25-ம் திகதி (சனிக்கிழமை) வரை சார்பில் ஏற்பாடுகள் செய்யப்பட்டு வருகின்றன.

இதில் நாம் வெள்ளி, வியாழன், சனி மற்றும் செவ்வாய் கோள்களை வெறும் கண்களாலும், நெப்டியூன் மற்றும் யுரேனஸ் கோள்களை சக்திவாய்ந்த தொலைநோக்கிகளாலும் காண முடியும்.

அந்தவகையில் சென்னையில் உள்ள பொதுமக்கள் கோட்டூர்புரத்தில் உள்ள பிர்லா கோளரங்கத்தில் 25-ம் திகதி வரை தினமும் மாலை 6 முதல் இரவு 8 மணி வரை தொலைநோக்கி மூலமாக பார்க்கலாம்.