இந்த நீர் விநியோகத் தடை நாளை (20) காலை 8.00 மணி முதல் மறுநாள் (21) பிற்பகல் 2.00 மணி வரை நீடிக்கும் என்று அந்த சபை வெளியிட்டுள்ள அறிக்கையில் குறிப்பிடப்பட்டுள்ளது.

காலியில் உள்ள ஹபுகல நீர் சுத்திகரிப்பு நிலையத்திற்கு நீர் வழங்கும் பிரதான குழாயில் அத்தியாவசியப் பழுதுபார்ப்புப் பணிகள் மேற்கொள்ளப்படவுள்ளதாலே நீர் விநியோகம் நிறுத்தப்படுவதாக அறிவிக்கப்பட்டுள்ளது.

இந்தத் தடையால் பின்வரும் பகுதிகளில் நீர் விநியோகம் நிறுத்தப்பட உள்ளது:
போபே
போத்தல
அக்மீமன
ரத்கம

அஹங்கம பகுதிக்குக் குறைந்த அழுத்தத்தின் கீழ் நீர் விநியோகம் வழங்கப்படும் என்றும் குறிப்பிடப்பட்டுள்ளது.

நீர் விநியோகத் தடை காரணமாக பொதுமக்களுக்கு ஏற்பட்ட சிரமத்திற்கு NWSDB வருத்தம் தெரிவிப்பதுடன், தண்ணீரைச் சிக்கனமாகப் பயன்படுத்துமாறும் பொதுமக்களை அறிவுறுத்தியுள்ளது.