மைதானத்தின் உட்கட்டமைப்பை சர்வதேச தரத்திற்கு உயர்த்துவதற்காகப் பின்வரும் மாற்றங்கள் செய்யப்பட்டு வருவதாக ஸ்ரீலங்கா கிரிக்கெட்டின் பொருளாளர் சுஜிவ கோடலியத்த தெரிவித்துள்ளார்:

மைதானத்தில் புதிய அதிநவீன எல்.ஈ.டி (LED) விளக்கு அமைப்புகளை நிறுவும் பணிகள் தற்போது இறுதிக்கட்டத்தை எட்டியுள்ளன.

கிரிக்கெட் வீரர்களுக்கான ஓய்வறைகள் (Dressing Rooms) முற்றாக மேம்படுத்தப்படுகின்றன. போட்டி அதிகாரிகள் மற்றும் நடுவர்களுக்காகப் புதிய நவீன அறைகள் நிர்மாணிக்கப்பட்டு வருகின்றன.

இந்தப் புதுப்பித்தல் பணிகளுக்காக ஸ்ரீலங்கா கிரிக்கெட் நிறுவனம் 1.7 பில்லியன் ரூபாவிற்கும் அதிகமான தொகையைச் செலவிட்டுள்ளது. அனைத்துப் பணிகளும் எதிர்வரும் ஜனவரி 20-ஆம் திகதிக்குள் முழுமையாக நிறைவடையும் என எதிர்பார்க்கப்படுகிறது.

உலகக் கிண்ணத் தொடரின் முக்கிய போட்டிகள் பல இந்த மைதானத்தில் நடைபெறவுள்ளதால், அதற்கேற்ற வகையில் மைதானத்தை மெருகூட்டும் பணிகள் இரவு பகலாக இடம்பெற்று வருகின்றன.