கடந்த காலத்தில் இலங்கை கிரிக்கெட் நிறுவனத்தில் இடம்பெற்ற முறைகேடுகள் மற்றும் மோசடிகள் தொடர்பாக உரிய நடவடிக்கை எடுக்கப்படும்.

இவ்வாறு இன்று நாடாளுமன்றில் இடம்பெற்ற வாய் மொழிமூலமான கேள்வி பதிலின்போது விளையாட்டுத்துறை அமைச்சர் நாமல் ராஜபக்ச தெரிவித்துள்ளார்.

இது தொடர்பில் அவர் மேலும் தெரிவிக்கையில்.

கடந்த ஆட்சியில் இலங்கை கிரிக்கெட் நிறுவனத்தில் பல முறைகேடுகள் இடம்பெற்றுள்ளன,

இந்த முறைகேடுகளுடன் தொடர்புடைய நபர்கள் அடையாளம் காணப்பட்டுள்ளனர். இவர்களுக்கெதிராக விரைவில் கோப் குழு ஊடாக நடவடிக்கை எடுக்கப்படும்.

விளையாட்டுத்துறையில் குளறுபடிகள் எவையாவது ஏற்பட்டால் யார் எவர் என்ற பாராபட்சமன்றி அவர்களுக்கு எதிராக நடவடிக்கை எடுக்கப்படும் – எனவும் தெரிவித்துள்ளார்.

உலகக் கிண்ண ரி-20 தொடருக்குப் பின்னர் இந்திய அணியின் பயிற்சியாளர் பொறுப்பிலிருந்து ரவி சாஸ்திரி விலக உள்ளார் என்று தகவல்கள் வெளியாகியுள்ளன.

இன்னும் சில நாள்களில் ரவி சாஸ்திரி தனது ஓய்வை அறிவிப்பார் என தகவல்கள் வெளியாகியுள்ளன.

இந்திய அணியின் பயிற்சியாளராக இருந்து வருபவர் ரவி சாஸ்திரி. வயது மூப்பு காரணமாக இவர் விரைவில் அந்தப் பொறுப்பிலிருந்து விலக உள்ளார் என்று தொடர்ந்து கூறப்பட்டு வருகிறது.

ரி-20 உலகக் கிண்ணத் தொடருக்குப் பின்னர், பயிற்சியாளர் பதவிக்கான அறிவிப்பு வெளியிடப்படும் என்றும் அதன்பிறகு தேர்வுக்குழு அமைக்கப்பட்டு, புதிய பயிற்சியாளர் தேர்வு செய்யப்படுவார் என்றும் கூறப்படுகிறது.

பார்சிலோனா அணியிலிருந்து வெளியேறுகிறேன் என செய்தியாளர் சந்திப்பில் கண்ணீர் மல்க மெஸ்ஸி உறுதிப்படுத்தியமை ரசிகர்களை கலங்கவைத்துள்ளது.

லியோனல் மெஸ்ஸி, பார்சிலோனா அணியை விட்டு வெளியேறினார் என்று பார்சிலோனா கிளப் சமீபத்தில் அதிகாரபூர்வமாக அறிவித்தது. இந்நிலையில் பார்சிலோனா கிளப் செய்தியாளர் சந்திப்பில் கலந்துகொண்டு பேசிய மெஸ்ஸி, கண்ணீர் மல்க தான் பார்சிலோனா அணியிலிருந்து வெளியேறுவதை உறுதிப்படுத்தினார்.
மேலும், மெஸ்ஸி PSG அணியில் இணைய உள்ளார் என தகவல்கள் வெளியாகியுள்ள நிலையில், தனது எதிர்காலம் குறித்து இன்னும் முடிவு எடுக்கவில்லை என மெஸ்ஸி தெளிவுபடுத்தியுள்ளார்.
மெஸ்ஸியின் அறிவிப்பைத் தொடர்ந்து அரங்கத்திலிருந்து பத்திரிக்கையாளர்கள் உட்பட அனைவரும் எழுந்து நின்று மெஸ்ஸியை கைதட்டி பிரியாவிடையளித்தனர்.
21 ஆண்டுகள் பார்சிலோனாவுக்காக விளையாடியுள்ள லியோனல் மெஸ்ஸி, அந்த அணிக்காக இதுவரை 778 போட்டிகளில் விளையாடிஎ 672 கோல்கள் அடித்துள்ளார், ஆறு முறை பலோன் டி ஓர் வென்றுள்ளார் என்பது குறிப்பிடத்தக்கது.
செய்தியாளர் சந்திப்பில் மெஸ்ஸி கண்கலங்கியது உலகம் முழுவதும் உள்ள அவரது ரசிகர்களை கலக்கத்தில் ஆழ்த்தியுள்ளது.

இந்திய கிரிக்கெட் அணியின் முன்னாள் கப்டன் மகேந்திர சிங் டோனியின் ருவிற்றர் பக்கத்தின் ப்ளூ டிக் நீக்கப்பட்டுள்ளது. பிரபலங்கள் மற்றும் ஆளுமைகளின் அதிகாரப்பூர்வ ருவிற்றர் பக்கத்தை அங்கீகரிக்க ‘ப்ளூ டிக்’ ஒப்சனை ருவிற்றர் நிறுவனம் கொடுத்துவருகிறது.

டோனியை 8.20 மில்லியன் பேர் ருவிற்றர் பக்கத்தில் பின்தொடர்ந்து வருகின்ற நிலையில், தற்போது டோனி ரசிகர்கள் கவலையில் உள்ளனர். கடைசியாக டோனி கடந்த ஜனவரி 8-ஆம் திகதியன்று ட்வீட் செய்துள்ளார்.

அதன்பிறகு அவர் ட்வீட் ஏதும் பகிரவில்லை. ருவிற்றரின் இந்த செயலால் டோனிக்கு இப்போதைக்கு ருவிற்றரில் அதிகாரப்பூர்வ பக்கமோ அல்லது கணக்கோ இல்லை என தெரிவிக்கப்பட்டுள்ளது.