கடந்த வாரம் திரைக்கு வந்து மக்கள் மத்தியில் நல்ல வரவேற்பை பெற்ற திரைப்படம் விடாமுயற்சி. அஜித் நடிப்பில் உருவான இப்படத்தை மகிழ் திருமேனி இயக்கியிருந்தார்.

யதார்த்தமான கதைக்களத்தில் உருவான இப்படம் சில கடுமையான விமர்சனங்களையும் சந்தித்தது. ஆனால், மக்களின் பேராதரவுக்கு முன் இந்த விமர்சனங்கள் நிற்கவில்லை.

முதல் நாளில் இருந்தே வசூலில் நல்ல வரவேற்பை பெற்று வரும் விடாமுயற்சி படம், 8 நாட்களை வெற்றிகரமாக கடந்துள்ளது.

இந்த நிலையில், தமிழ்நாட்டில் இப்படம் இதுவரை செய்துள்ள வசூல் குறித்து தகவல் வெளியாகியுள்ளது. அதன்படி, விடாமுயற்சி திரைப்படம் தமிழ்நாட்டில் ரூ. 87 கோடி வரை வசூல் செய்துள்ளது. இன்னும் ஓரிரு நாட்களில் ரூ. 100 கோடி மயில்களை தமிழகத்தில் தொட்டுவிடும் என எதிர்பார்க்கப்படுகிறது.

அஜித், திரிஷா பார்த்தவுடனே இருவருக்கும் பிடிக்க, 3 வருடம் காதலித்து திருமணம் செய்கின்றனர்.

வாழ்க்கை அழகாக போக, திரிஷா கர்ப்பம் ஒரு முறை கலைகிறது, அதோடு அவர்களுக்குள் விரிசல் ஏற்பட்டு விவாகரத்து செய்ய இருக்கிறார்கள்.

அந்த நேரத்தில் தன் அப்பா வீட்டுக்கு திரிஷா போக முடிவெடுக்க, அஜித் கடைசியாக நான் உன்னுடன் இருக்க வேண்டும் என ட்ராப் செய்ய வருகிறார்.

வந்த இடத்தில் கார் ப்ரேக் டவுன் ஆக, அர்ஜுன், ரெஜினா தம்பதிகள் உதவி செய்து, திரிஷாவை மட்டும் ட்ரெக்கில் ஏற்றி செல்கின்றனர். ஆனால், ட்ரக்கில் ஏறிய திரிஷா காணாமல் போக, அஜித் அர்ஜுனை தேடி வந்தால் அர்ஜுனோ நீங்கள் யார் என்றே தெரியாது என்கிறார்.

அஜித் போலிஸாரிடம் போராடியும் எதுவும் கிடைக்காத நேரத்தில், அஜித்தை ஆரவ் கேங் அடித்து அர்ஜுனிடம் அழைத்து செல்ல அங்கு பெரிய டுவிஸ்ட் ஒன்றை ரெஜினா சொல்ல, அதன் பின் அஜித் திரிஷாவை கண்டுப்பிடித்தாரா, ரெஜினா சொன்னது உண்மையா என்பதே மீதிக்கதை.

அஜித் இப்படி ஒரு மாஸ் ஹீரோ இந்த கதைக்களத்தை தேர்ந்தெடுத்தற்காகவே பாராட்டலாம், அதை விட இந்த கதாபாத்திரம், ஒரு நார்மல் மனிதன் பிரச்சனை வந்தால் அவன் தெம்புக்கு என்ன செய்வானோ அப்படி இதை உருவாக்கியதற்கே மகிழ் திருமேனிக்கு பாராட்டுக்கள்.

அஜித்-திரிஷா இருவரின் ஜோடியும் திரையில் அத்தனை அழகு, அதிலும் இளமை தோற்றத்தில் அஜித் தோன்றும் காட்சி சூப்பர், திரிஷா தன் வீட்டிற்கு போக வேண்டும் என கூறி இருவரின் பயணம் ஆரம்பித்ததும் மெல்ல கதை சூடு பிடிக்கிறது.

அதிலும் ஆரவ் கேங் செய்யும் அட்டகாசம், அதை தொடர்ந்து அர்ஜுன், ரெஜினா வருகை, திரிஷா காணாமல் போவது என ஒரு பதட்டம் படத்தில் இருந்துக்கொண்டே உள்ளது, ஆனால், காட்சிகள் கொஞ்சம் மெதுவாகவே நகர்வது சினிமா ரசிகர்கள் தாண்டி ஆலுமா டோலுமா எதிர்பார்க்கும் அஜித் ரசிகர்களுக்கு கொஞ்சம் பொறுமையை சோதிக்கும் தான்.

மேலும், அர்ஜுன் ரெஜினா பேக் ஸ்டோரி மகிழ் பேட் மேன் படத்தில் வரும் ஜோக்கர், ஹார்லி குயில் போல் உருவாக்கியுள்ளார், அதிலும் ரெஜினா தன் தோழியை கொலை செய்யும் காரணம் எல்லாம் பெரும் சைக்கோதனத்தை காட்டியுள்ளார்.

படத்தின் மிகப்பெரிய பலம் அனிருத் இசை, மெதுவாக நகரும் காட்சிகளை கூட தன் பின்னணி இசையால் தாங்கி புடித்துள்ளார், அதிலும் அஜித்தே என்று கத்துவது போல் அவர் போட்ட இசை, தியேட்டர் அதிர்கிறது, கிளைமேக்ஸ் பத்திகிச்சு சாங் ரசிகர்களுக்கு விருந்து.

அதே நேரத்தில் அஜர்பைஜான் லாண்ட்ஸ்கேப்-யை அத்தனை அழகாக காட்டியுள்ள ஓம் பிரகாஷையும் பாராட்டாமல் இருக்க முடியாது, மேலும் ஆரவ்-வுடன் காரில் நடக்கும் சண்டைக்காட்சி சுப்ரீம் சுந்தர் மாஸ்டர் க்ளாஸ்.

என்ன தான் படம் என்கேஜிங் ஆக போனாலும், பல இடங்களில் பொறுமையை சோதிக்கும் மெதுவாக நகரும் காட்சிகள் இருப்பதையும் சொல்லியே ஆகவேண்டும், இரண்டாம் பாதி இன்னமும் மகிழ் கவனம் செலுத்தியிருக்கலாம் திரைக்கதையில்.

அஜித் முழு படத்தையும் தன் நடிப்பால் தாங்கி செல்கிறார். அனிருத் இசை, படத்தின் ஒளிப்பதிவு. முதல் பாதி. இரண்டாம் பாதி இன்னும் கொஞ்சம் விறுவிறுப்பு கூட்டியிருக்கலாம்.

மொத்தத்தில் விடா முயற்சி விறுவிறுப்பு கூட்டியிருந்தால் விஸ்வரூப வெற்றி அடைந்திருக்கும்.

3/5

அஜித்தின் விடாமுயற்சி தான் தமிழ் சினிமாவில் அடுத்து வெளியாகப்போகும் பெரிய நடிகரின் படம்.

மகிழ்திருமேனி இயக்கத்தில் தயாராகியுள்ள இப்படத்தில் அஜித்துடன், த்ரிஷா, அர்ஜுன், ஆரவ் என பலர் நடித்துள்ளனர்.

நீண்ட காலமாகவே இப்படத்திற்காக ரசிகர்கள் காத்திருக்கும் நிலையில் திரையரங்குகளில் படத்தை வேறலெவலில் கொண்டாட ரசிகர்கள் காத்துக் கொண்டிருக்கின்றனர்.

அனிருத் இசையில் ஆக்ஷன் த்ரில்லர் படமாக உருவாகியுள்ள விடாமுயற்சி வரும் பிப்ரவரி 6ம் தேதி ரிலீசாக இருக்கிறது.

படத்தின் ரிலீஸ் தேதி நெருங்கி வரும் நிலையில் டிக்கெட் புக்கிங் எல்லாம் மாஸாக நடக்கிறது. இப்படம் தமிழகத்தில் மட்டுமே 900க்கும் அதிகமான ஸ்கிரீன்களில் வெளியாக உள்ளதாம்.

உலகம் முழுவதும் எங்கெங்கு எவ்வளவு ஸ்கிரீன்களில் வெளியாகப்போகிறது என்ற விவரம் இதோ,

தமிழ்நாடு- 900+
கேரளா- 250+
கர்நாடகா- 250+
ஆந்திரா, தெலுங்கானா- 500+
மற்ற இடங்கள்- 250+
ஓவர்சீஸ்- 1500+
மொத்தம் விடாமுயற்சி திரைப்படம் 3650+ திரைகளுக்கு மேல் ஒளிபரப்பாக உள்ளதாம். வலிமை படத்திற்கு பிறகு தமிழகத்தில் அதிக திரைகளில் வெளியாகும் 2வது படம் விடாமுயற்சி தானாம்.

பெரிதும் எதிர்பார்க்கப்படும் அஜித் குமாரின் விடாமுயற்சி திரைப்படம் வருகிற 6ஆம் தேதி பிரம்மாண்டமாக வெளிவரவுள்ளது.

இயக்குநர் மகிழ் திருமேனி இயக்கத்தில், லைகா தயாரிப்பில் உருவாகியுள்ள இப்படத்திற்கு அனிருத் இசையமைத்துள்ளார். மேலும் த்ரிஷா, அர்ஜுன், ரெஜினா மற்றும் ஆரவ் உள்ளிட்ட பலரும் இப்படத்தில் முக்கிய கதாபாத்திரங்களில் நடித்துள்ளனர்.

ரசிகர்களால் பெரிதும் எதிர்பார்க்கப்படும் விடாமுயற்சி படம், தமிழ்நாட்டில் மட்டுமே சுமார் 900+ திரையரங்கங்களில் வெளியாகிறது என்பது குறிப்பிடத்தக்கது. இதனால் கண்டிப்பாக மாபெரும் வசூல் சாதனை படைக்கும் என்பதில் எந்த ஒரு சந்தேகமும் இல்லை.

இந்த நிலையில், ப்ரீ புக்கிங்கில் இதுவரை இப்படம் செய்துள்ள வசூல் குறித்து தகவல் வெளியாகியுள்ளது. அதன்படி, விடாமுயற்சி திரைப்படம் ப்ரீ புக்கிங்கில் ரூ. 2.5 கோடி வசூல் செய்துள்ளது.

தமிழ் சினிமாவில் அதிக சம்பளம் வாங்கும் நடிகர்களில் ஒருவர் அஜித். இவர் நடிப்பில் அடுத்த வாரம் பிப்ரவரி 6ஆம் தேதி வெளிவரவிருக்கும் திரைப்படம் விடாமுயற்சி.

மகிழ் திருமேனி இயக்கியுள்ள இப்படத்தை லைகா நிறுவனம் தயாரித்துள்ளது. அனிருத் இசையமைக்க, த்ரிஷா, அர்ஜுன், ரெஜினா ஆகியோர் முக்கிய கதாபாத்திரங்களில் நடித்துள்ளனர்.

பிரம்மாண்ட பட்ஜெட்டில் உருவாகியுள்ள இப்படத்திற்காக நடிகர் அஜித் வாங்கிய சம்பளம் குறித்து தகவல் வெளியாகியுள்ளது.

அதன்படி, விடாமுயற்சி படத்திற்காக நடிகர் அஜித் ரூ. 105 கோடி சம்பளமாக வாங்கியுள்ளார். முதல் முறையாக ரூ. 100 கோடிக்கும் மேல் அஜித் சம்பளம் வாங்கியது இப்படத்திற்காகதான்.

மேலும் அடுத்ததாக அஜித் நடிக்கவிருக்கும் புதிய படத்தை ரெட் ஜெயிண்ட் நிறுவனம் தயாரிக்கப்போகிறது என்றும், இப்படித்தில் நடிக்க ரூ. 226 கோடி சம்பளம் வேண்டுமென அஜித் கேட்டுள்ளதாக சொல்லப்படுகிறது.

இயக்குநர் மகிழ் திருமேனி இயக்கியுள்ள இப்படத்தை திரையில் காண ரசிகர்கள் ஆவலுடன் காத்திருக்கின்றனர். இப்படத்தில் அஜித்துடன் இணைந்து த்ரிஷா, அர்ஜுன், ரெஜினா உள்ளிட்ட பலரும் நடித்துள்ளனர்.

ஆக்ஷன் கதைக்களத்தில் உருவாகியிருக்கும் இப்படத்திற்கு அனிருத் இசையமைத்துள்ளார். இதுவரை வெளிவந்த இரண்டு பாடல்களும் மக்கள் மத்தியில் நல்ல வரவேற்பை பெற்றுள்ளது.

இந்த நிலையில், ரிலீஸுக்கு இன்னும் 9 நாட்கள் இருக்கும் நிலையில், ப்ரீ புக்கிங்கில் பட்டையை கிளப்பி வருகிறது விடாமுயற்சி. ஆம், இப்படத்திற்கான வெளிநாட்டு ப்ரீ புக்கிங் துவங்கியுள்ள நிலையில், இதுவரை ரூ. 20 லட்சம் வசூல் செய்துள்ளது.

அஜித்தின் ரசிகர்கள் அவரை கடைசியாக திரையில் பார்த்தது துணிவு படத்தில் தான்.

அதன்பின் அஜித் மகிழ்திருமேனி இயக்கத்தில் விடாமுயற்சி படத்திலும், ஆதிக் ரவிச்சந்திரன் இயக்கத்தில் குட் பேட் அக்லி படத்திலும் நடித்து முடித்துள்ளார். இதில் விடாமுயற்சி படம் ரிலீஸிற்கு தயாராகி வருகிறது.

விடாமுயற்சி படத்தில் அஜித்தை தாண்டி அர்ஜுன், திரிஷா, ரெஜினா, சந்தீப் கிஷன், ஆரவ் உள்ளிட்டோர் நடித்துள்ளனர்.

அனிருத் இசையமைப்பில் இப்படத்தில் இடம்பெற்ற Sawadeeka பாடல் மிகப்பெரிய ஹிட்டடித்தது, பலரும் இப்பாடலுக்கு ரீல்ஸ் வீடியோ வெளியிட்டார்கள். லைகா நிறுவனம் தயாரித்துள்ள இப்படம் வரும் பிப்ரவரி மாதம் 6ம் தேதி வெளியாகவுள்ளது.

படத்தின் ரிலீஸ் தேதி அறிவிக்கப்பட்ட நிலையில் ப்ரீ புக்கிங் மாஸாக நடந்து வருகிறது. ஓவர்சீஸில் இதுவரை படம் 30 முதல் 50k கலெக்ஷன் செய்துள்ளதாக கூறப்படுகிறது.

அஜித்தின் நடிப்பில் வருகிற பிப்ரவரி 6ஆம் தேதி வெளிவரவிருக்கும் திரைப்படம் விடாமுயற்சி. துணிவு படத்திற்கு பின் இரண்டு ஆண்டுகள் கழித்து வெளிவரவிருக்கும் இப்படத்தை எதிர்பார்த்து ரசிகர்கள் ஆவலுடன் காத்திருக்கிறார்கள்.

இயக்குநர் மகிழ் திருமேனி இயக்கியுள்ள இப்படத்திற்கு அனிருத் இசையமைக்க, லைகா நிறுவனம் தயாரித்துள்ளது.

மேலும் த்ரிஷா, அர்ஜுன், ரெஜினா, ஆரவ் என நட்சத்திர பட்டாளமே இப்படத்தில் நடித்துள்ளனர். சமீபத்தில் இப்படத்தின் ட்ரைலர் வெளிவந்து ரசிகர்களை கவர்ந்துள்ளது. வெறித்தனமாக அமைந்திருந்த இந்த ட்ரைலர், படத்தின் மீது இருந்த எதிர்பார்ப்பை அதிகரித்துள்ளது.

இந்த நிலையில், விடாமுயற்சி திரைப்படத்தின் OTT உரிமை விற்பனை விலை குறித்து தகவல் வெளியாகியுள்ளது.அதன்படி, இப்படத்தை நெட்பிளிக்ஸ் நிறுவனம் ரூ. 75 கோடி கொடுத்து வாங்கியுள்ளதாக சொல்லப்படுகிறது. ஆனால், இது அதிகாரப்பூர்வமான அறிவிப்பு இல்லை என்பது குறிப்பிடத்தக்கது.

தமிழ் சினிமாவில் முன்னணி ஹீரோவாக இருக்கும் நடிகர் அஜித்தின் விடாமுயற்சி படம் எப்போது ரிலீஸ் என்கிற கேள்வி தொடர்ந்து கேட்கப்பட்டு வருகிறது.

இந்த பொங்கலுக்கு வெளிவரும் என எதிர்பார்க்கப்பட்ட நிலையில், ரசிகர்களுக்கு ஏமாற்றமே மிஞ்சியது. இதனால் வருத்தத்தில் இருந்த ரசிகர்களுக்கு அஜித்தின் கார் ரேஸ் ஆறுதலாக இருந்தது.

மேலும் இன்று விடாமுயற்சி படத்தின் ட்ரைலர் வெளிவரும் என அதிகாரப்பூர்வமாக அறிவிக்கப்பட்டுள்ளது. இந்த நிலையில், பெரிதும் எதிர்பார்க்கப்படும் இப்படத்தின் ரிலீஸ் தேதி குறித்து லேட்டஸ்ட் அப்டேட் வெளியாகியுள்ளது.

அதன்படி, இப்படம் வருகிற பிப்ரவரி 6ஆம் தேதி வெளியாகும் என தகவல் தெரிவிக்கின்றனர். இன்று வெளிவரும் ட்ரைலரில் இதனை அதிகாரப்பூர்வமாக அறிவிக்கப்படும் என கூறப்படுகிறது.

அஜித் – மகிழ் திருமேனி கூட்டணியில் உருவாகியுள்ள திரைப்படம் விடாமுயற்சி. இப்படத்தை லைகா நிறுவனம் தயாரித்துள்ளது. இப்படத்தில் அஜித்துடன் இணைந்து த்ரிஷா, அர்ஜுன், ரெஜினா, ஆரவ் உள்ளிட்டோர் நடித்துள்ளனர்.

சமீபத்தில் வெளிவந்த இப்படத்தின் முதல் பாடல் நல்ல வரவேற்பை பெற்றது. மக்கள் மத்தியில் பெரிதும் எதிர்பார்க்கப்படும் இப்படம் வருகிற ஜனவரி 23ஆம் தேதி வெளிவரும் என கூறப்படுகிறது.

இந்த நிலையில், சமீபத்திய பேட்டியில், விடாமுயற்சியின் கதை குறித்து சொல்ல முடியுமா என இயக்குநர் மகிழ் திருமேனியிடம் கேள்வி கேட்கப்பட்டது.

அதற்கு பதிலளித்த மகிழ் திருமேனி “ஒரு மனிதனோட சோர்வடையாத முயற்சிதான் இப்படம். அஜித்தின் கேரக்டருக்கு இந்த படத்தில் சில லேயர்ஸ் இருக்கு. படத்தின் மையக் கதையுடன் உறவுகள் சம்பந்தப்பட்ட ஒரு விஷயமும் இருக்கு. எல்லாத்தையுமே ஒருசேர காப்பாத்தறதுக்கு ஒரு மனிதன் நடத்தக்கூடிய பிரயத்தனம்தான் இந்த கதை” என அவர் கூறியுள்ளார்.