நடிகர் மணிகண்டனுக்கு திரையுலகில் மிகவும் நெருக்கமான நபர்களில் ஒருவர் விஜய் சேதுபதி. இவருடன் இணைந்து காதலும் கடந்துபோகும், விக்ரம் வேதா ஆகிய படங்களில் மணிகண்டன் நடித்துள்ளார்.

விஜய் சேதுபதி போல் அச்சு அசல் அப்படியே மிமிக்கிரி செய்து அசத்துவார் மணிகண்டன். விஜய் சேதுபதி குரல் மட்டுமின்றி பல்வேறு நடிகர்களின் குரலை அப்படியே பேசி அனைவரையும் அசரவைத்து வருகிறார்.

இந்த நிலையில், நடிகர் விஜய் சேதுபதி தனக்காக செய்த உதவி ஒன்றை நடிகர் மணிகண்டன் கூறியுள்ளார். இதில் “என்னுடைய நண்பனுக்கு ஆபரேஷன் பண்ண வேண்டியது இருந்தது. அப்போ அந்த ஆபரேஷன் பண்ணலனா பிழைக்க மாட்டான்னு சொல்லிட்டாங்க. நான் விஜய்சேதுபதி அண்ணன் கிட்ட தயங்கிதான் கேட்டேன், அடுத்த 10 நிமிஷத்துல Accountல ரூ. 25 லட்சம் பணம் வந்துடுச்சி” என கூறினார்.

விக்ரம் வேதா, காலா ஆகிய படங்களில் முக்கிய கதாபாத்திரங்களை ஏற்று நடித்த இவர், ஜெய் பீம் படத்தின் மூலம் சிறந்த நடிகர் என அனைவராலும் பாராட்டப்பட்டார்.

மேலும் குட் நைட் படம் இவருக்கு மாபெரும் வரவேற்பை மக்களிடையே ஏற்படுத்தியது. கடந்த ஆண்டு வெளிவந்த ‘லவ்வர்’ படமும் இளைஞர்களை கவர்ந்தது.

இந்நிலையில், பேட்டி ஒன்றில் மணிகண்டன் நடிகர் விஜய் சேதுபதி குறித்து பேசிய விஷயம் பலரின் கவனத்தை ஈர்த்துள்ளது.

அதில், “காதலும் கடந்து போகும் என்ற படத்தின் மூலம் தான் விஜய் சேதுபதியிடம் தனியாக பேசும் வாய்ப்பு எனக்கு கிடைத்தது. அந்த வாய்ப்பையும் மழை தான் எனக்கு ஏற்படுத்தி கொடுத்தது.

ஆனால், மழை நின்ற பின்பும் அவர் என்னிடம் நீண்ட நேரம் பேசிக்கொண்டு தான் இருந்தார். அதை தொடர்ந்து, நான் கூறாமலே என்னுடைய தங்கையின் சிறிய அளவிலான ஆபரேஷனுக்கு முன் வந்து உதவினார்.

அது மட்டுமின்றி, என் தங்கையின் திருமணத்திற்கு நான் முறையாக அழைக்காதபோதும் அவர் நேரில் வந்து மணமக்களை வாழ்த்தி என் கையில் போகும்போது ரூ. 3 லட்சம் கொடுத்து விட்டு சென்றார். அந்த பணம் இல்லை என்றால் நான் மேலும் கடன் வாங்கும் நிலைமை ஏற்பட்டிருக்கும்” என்று கூறியுள்ளார்.