தமிழில் வெளிவந்த முகமூடி படம்தான் நடிகை பூஜா ஹெக்டேவின் அறிமுக திரைப்படமாகும். ஆனால், இப்படம் சரியாக போகாத காரணத்தினால் தமிழில் இருந்து தெலுங்கிற்கு சென்ற பூஜாவிற்கு தொடர்ந்து பல படங்களில் நடிக்கும் வாய்ப்பு கிடைத்தது.

தென்னிந்திய சினிமா மட்டுமின்றி பாலிவுட்டிலும் முக்கிய நடிகையாக வலம் வந்தார். தனக்கென்று தனி ரசிகர்கள் பட்டாளத்தை உருவாக்கினார். ரசிகர்களின் மனதை கவர்ந்த நடிகை பூஜா ஹெக்டே, தற்போது சினிமாவில் 12 ஆண்டுகளை கடந்துள்ளார்.

முன்னணி நடிகையாக இருக்கும் இவர் தற்போது தளபதி விஜய்யுடன் ஜனநாயகன், சூர்யாவுடன் ரெட்ரோ ஆகிய படங்களை கைவசம் வைத்துள்ளார். மேலும் ஹிந்தியில் இவர் நடித்துள்ள தேவா திரைப்படம் இன்று வெளிவந்துள்ளது.

இந்த நிலையில், ரசிகர்கள் தங்களது வாழ்த்துக்களை பூஜா ஹெக்டேவிற்கு சமூக வலைத்தளத்தில் தெரிவித்து வருகிறார்கள். இந்த நிலையில் 12 ஆண்டுகளை சினிமாவில் கடந்துள்ளது குறித்து நடிகை பூஜா ஹெக்டே மனம் திறந்து பேசியுள்ளார்.

இதில் “12 வருட சினிமா பயணம் எனக்கு ரோலர் கோஸ்டரில் சவாரி செய்தது போல் இருந்தது. அதில் வரும் ஏற்றம், இறக்கம், சரிவு போல், பல வெற்றிகளையும் தோல்விகளையும், உயர்வையும் தாழ்வையும் பாத்திருக்கிறேன்” என அவர் கூறியுள்ளார்.

இந்திய சினிமாவில் மிகவும் பிரபலமான நடிகைகளில் ஒருவர் பூஜா ஹெக்டே. இவர் முதல் முறையாக தளபதி விஜய்யுடன் இணைந்து நடித்த படம் பீஸ்ட். இப்படம் விமர்சன ரீதியாக நல்ல வரவேற்பை பெறவில்லை என்றாலும், வசூல் ரீதியாக வெற்றி என கூறப்படுகிறது.

பீஸ்ட் படத்தை தொடர்ந்து தளபதி விஜய்யுடன் பூஜா ஹெக்டே இரண்டாவது முறையாக இணைந்துள்ள திரைப்படம் தளபதி 69. ஹெச். வினோத் இயக்கத்தில் உருவாகும் இப்படத்தின் பூஜை கடந்த 4ஆம் தேதி போடப்பட்ட நிலையில், நேற்று பாடல் காட்சியுடன் படப்பிடிப்பு துவங்கியுள்ளது.

தளபதி 69ல் விஜய்யுடன் இணைந்து பாபி தியோல், நரேன், மமிதா பைஜூ, ப்ரியாமணி, பிரகாஷ் ராஜ் உள்ளிட்டோர் நடிக்கிறார்கள். மேலும் டாப் குக் டூப் குக், குக் வித் கோமாளி ஆகிய நிகழ்ச்சிகளில் பட்டையை கிளப்பிய மோனிஷாவும் இப்படத்தில் நடிக்கிறார்.

இந்த நிலையில், தளபதி 69ல் விஜய்யுடன் இணைந்து நடிக்கும் நடிகை பூஜா ஹெக்டேவிற்கு இப்படத்திற்காக ரூ. 5 முதல் ரூ. 6 கோடி வரை சம்பளம் வழங்கப்பட்டு இருக்கலாம் என சொல்லப்படுகிறது.

பூஜா ஹெக்டே தற்போது நடித்து முடித்துள்ள திரைப்படம் சூர்யா 44. இப்படத்தில் நடிப்பதற்காக ரூ. 4 கோடி சம்பளமாக வாங்கியுள்ள நிலையில், தளபதி 69 படத்திற்காக ரூ. 5 முதல் ரூ. 6 கோடி வரை சம்பளம் வாங்கியிருக்க வாய்ப்புகள் இருப்பதாக தகவல் வெளியாகியுள்ளது. ஆனால், இது எந்த அளவிற்கு உண்மை என தெரியவில்லை.

இளையதளபதி விஜய் நடிப்பில், இயக்குநர் நெல்சன் இயக்கத்தில் மிகப் பிரமாண்டமாக உருவாகிவரும் திரைப்படம் பீஸ்ட். இந்தப் படத்தில், விஜய்யுடன் இணைந்து நடிக்கின்றார் பூஜா ஹெக்டே.

இந்நிலையில், பீஸ்ட் திரைப்படத்தின் இந்தி டப்பிங் ரைட்ஸூக்கு மட்டுமே சுமார்  50 கோடி ரூபா வழங்க பிரபல நிறுவனத்துடன் பேச்சு நடத்தப்பட்டு வருகின்றது என்று தகவல் வெளியாகியுள்ளது.

அபர்ணா தாஸ், யோகி பாபு மற்றும் விடிவி கணேஷ் ஆகியோர் இந்தத் திரைப்படத்தில் முக்கியமான கதாபாத்திரங்களில் நடிக்கின்றனர். இப் படத்தின் முதற்கட்ட படப்பிடிப்பு ஜார்ஜியாவில் நடைபெற்ற நிலையில் இரண்டாம் கட்ட படப்பிடிப்பு சென்னையில் நடைபெற்று வருகிறது. விரைவில் மூன்றாம் கட்ட படப்பிடிப்பு ரஷ்யாவில் நடைபெறவிருக்கிறது.