இதன்பின் எலிமினேஷன் இருக்காது என பலரும் எதிர்பார்த்தனர். ஆனால், மக்களிடம் இருந்து குறைவான வாக்குகளை பெற்ற பிரவீன் காந்தி முதல் வாரம் எலிமினேட் செய்யப்பட்டார். இதை தொடர்ந்து பிக் பாஸ் சீசன் 9ன் இரண்டாவது வாரம் தொடங்கியுள்ளது.

இந்நிலையில், பிக் பாஸ் நிகழ்ச்சியை தடை செய்யவேண்டும் என தமிழக சட்டமன்ற உறுப்பினரும், தமிழக வாழ்வுரிமை கட்சியின் (தவாக) தலைவருமான வேல்முருகன் வலியுறுத்தியுள்ளார்.

அவர் கூறியதாவது: “பிக் பாஸ், சண்டை, குரோதம், ஆபாசம், பொய், துரோகம் போன்ற எதிர்மறை உணர்ச்சிகளின் களமாகவே இருக்கிறது. இவை எதுவும் தமிழ் சமூகத்தின் பாரம்பரிய அடையாளங்கள் அல்ல. குறிப்பாக தமிழக குடும்பத்தின் அன்பு, அரவணைப்பு, விட்டுக்கொடுத்தல் ஆகிய விழுமியங்களை அழிக்கும் இந்த நிகழ்ச்சியை உடனடியாக தடை செய்ய வேண்டும்” என கூறியுள்ளார்.

விஜய் சேதுபதி தொகுத்து வழங்கும் பிக் பாஸ் நிகழ்ச்சி தற்போது இறுதி கட்டத்தை நெருங்கிய நிலையில், ரசிகர்கள் பெரும் எதிர்பார்ப்புடன் காத்துக் கொண்டிருக்கின்றனர்.

பிக் பாஸ் வீட்டில் முத்துக்குமரன், விஷால், ரயான், ஜாக்குலின், செளந்தர்யா, பவித்ரா ஆகிய 6 போட்டியாளர்கள் பினாலே வாரத்தில் உள்ளனர்.

இந்த வாரம் பணப்பெட்டி அனுப்பப்பட்டுள்ளது, ஆனால் அதில் ஒரு பெரிய ட்விஸ்ட் வைக்கப்பட்டது. வழக்கமாக வீட்டுக்கு பெட்டி அனுப்பப்படும். அதை போட்டியாளர்கள் விருப்பப்பட்டால் எடுத்துக்கொண்டு செல்லலாம் என்பது போல தான் முந்தைய சீசன்களில் இருந்தது.

ஆனால் இந்த முறை அது மாற்றப்பட்டு போட்டியாளர்கள் கதவை தாண்டி ஓடிச்சென்று பெட்டியை எடுத்துக்கொண்டு குறிப்பிட்ட நேரத்திற்குள் வீட்டுக்குள் வரவேண்டும். அப்படி அவர்கள் வரவில்லை என்றால் எலிமினேட் ஆவார்கள் என அறிவிக்கப்பட்டது.

அந்த வகையில், 8 லட்சத்துக்கான பணப்பெட்டியை எடுக்க முடியாமல் ஜாக்குலின் எலிமினேட் ஆனார். இந்நிலையில், பிக் பாஸ் வீட்டை விட்டு வெளியேறிய ஜாக்குலின் சம்பளம் குறித்து தகவல் வெளியாகி உள்ளது.

அதன்படி, ஒரு நாளைக்கு ரூ.25 ஆயிரம் சம்பளம் பெரும் ஜாக்குலின். 101 நாட்களுக்கு மொத்தமாக ரூ.25 லட்சத்து 25 ஆயிரம் சம்பளமாக பெற்றுள்ளார் என கூறப்படுகிறது.

மக்கள் செல்வன் விஜய் சேதுபதி தொகுத்து வழங்கி வரும் பிக் பாஸ் 8 தற்போது தமிழில் விறுவிறுப்பாக நடைபெற்று வருகிறது.

கடந்த இரண்டு வாரமாக டபுள் எலிமினேஷன் நடந்த நிலையில், தற்போது 13 போட்டியாளர்கள் வீட்டிற்குள் இருக்கிறார்கள். இதன்பின் ஆட்டம் எப்படி மாறப்போகிறது என்பதைப் பொறுத்திருந்து பார்ப்போம்.

தமிழில் பிக் பாஸ் சீசன் 8 துவங்குவதற்கு ஒரு மாதத்திற்கு முன்பே தெலுங்கு 8வது சீசன் துவங்கிவிட்டது. நாகர்ஜுனா தொகுத்து வழங்கி வரும் பிக் பாஸ் சீசன் 8 நிகழ்ச்சியின் பைனல் நேற்று பிரமாண்டமாக நடந்தது.

இந்த நிலையில், மக்களிடம் இருந்து அதிக வாக்குகளைப் பெற்ற நிகில் எனும் போட்டியாளர் தெலுங்கு பிக் பாஸ் 8 கோப்பையை வென்றுள்ளார். அவருக்கு ரூ. 55 லட்சம் பரிசாக வழங்கப்பட்டுள்ளது. ரசிகர்கள் பலரும் தங்களது வாழ்த்துக்களை நிகிலுக்கு தெரிவித்து வருகிறார்கள்.

பிக் பாஸ் 8 துவங்கிய 70 நாட்களைக் கடந்துள்ளது. இதில் 23 போட்டியாளர்கள் கலந்துகொண்ட நிலையில் தற்போது 13 போட்டியாளர்கள் மட்டுமே வீட்டிற்குள் உள்ளனர்.

கடந்த இரண்டு வாரங்களாக டபுள் எலிமினேஷன் நடந்தது. முதலில் ஆர்.ஜே. ஆனந்தி மற்றும் சாச்சனா இருவரும் டபுள் எலிமினேஷன் செய்யப்பட்டனர். அதனை தொடர்ந்து கடந்த வாரம் சத்யா மற்றும் தர்ஷிகா இருவரும் வெளியேறினார்கள்.

13 போட்டியாளர்களுடன் 11வாரம் துவங்கியுள்ளது. கண்டிப்பாக இதுவரை எதிர்பார்க்காத கடுமையான ஆட்டங்களை இனி வரும் நாட்களில் எதிர்பார்க்கலாம்.

நேற்று ஒளிபரப்பான எபிசோடில், எலிமினேஷன் முடிந்தபின், போட்டியாளர்களைத் தனியாக கன்பெக்ஷன் ரூமிற்கு அழைத்து பேசினார் விஜய் சேதுபதி.

அப்போது முத்துக்குமரன், “105வது நாளில் உங்களுடன் மேடையில் நிற்கவேண்டும்” என விஜய் சேதுபதியிடம் கூறினார். பின் பேசிய விஜய் சேதுபதி “நீங்கள் என்ன அடைய விரும்புகிறீர்களோ, அது உங்கள் கைவசம் வரும் என நான் நம்புகிறேன்” என கூறினார்.

விஜய் சேதுபதி இப்படிக் கூறியவுடன், முத்துக்குமரன் டைட்டில் வின்னர் என்பதை தான், அவர் மறைமுகமாகக் கூறி வருகிறார் என முத்துக்குமரனின் ரசிகர்கள் கூறி வருகின்றனர். இது தற்போது இணையத்தில் படுவைரலாகி வருகிறது.

விஜய் சேதுபதி தொகுத்து வழங்கும் பிக் பாஸ் நிகழ்ச்சி 18 போட்டியாளர்களுடன் தொடங்கி தற்போது விறுவிறுப்பாக சென்று கொண்டிருக்கிறது.

பெண்கள் மற்றும் ஆண்கள் என இரண்டு பக்கமாக பிரித்து நடத்தப்படும் இந்த சீசனில் முதல் வாரம் மக்களிடம் இருந்து குறைவான வாக்குகளை பெற்று ரவீந்தர் பிக் பாஸ் வீட்டிலிருந்து வெளியேறினார்.

ரவீந்தரை தொடர்ந்து இரண்டாவது வாரத்தின் இறுதியில் அர்னவ் வெளியேற்றப்பட்டார். இதுவரை வெளியேறிய இருவரும் ஆண்கள் அணியினர் என்பது குறிப்பிடத்தக்கது.

இந்த வாரம் முத்துக்குமரன், அருண், சௌந்தர்யா, அன்ஷிதா, சத்யா, தர்ஷா குப்தா, ஜாக்குலின், பவித்ரா ஆகியோர் நாமினேட் செய்யப்பட்டுள்ள இருந்த நிலையில், போட்டியாளர்களில் யார் வெளியேறப்போகிறார் என்ற குழப்பம் ரசிகர்கள் மத்தியில் இருந்தது.

நாமினேட் ஆகியுள்ள 7 போட்டியாளர்களில் ஜாக்குலின், அன்ஷிதா அல்லது தர்ஷா குப்தா இந்த மூவரில் ஒருவர் வெளியேற வாய்ப்புள்ளது என கூறப்பட்டது.

இந்நிலையில், இந்த வாரம் தர்ஷா குப்தா வெளியேற போவதாக கூறி போன சீசன் போட்டியாளராக இருந்த ஐஷுவின் அப்பா பதிவு ஒன்றை வெளியிட்டுள்ளார். அதில், ” தைரியமாக இரு தர்ஷா உன் எதிர்காலத்திற்கு எனது வாழ்த்துக்கள்” என்று பதிவிட்டுள்ளார்.

மிகவும் விறுவிறுப்பாக விஜய் சேதுபதி தொகுத்து வழங்கும் இந்த சீசனில் பல ட்விஸ்ட் இருப்பதை வாரம் வாரம் நம்மால் காண முடிகிறது.

பிக் பாஸ் சீசன் 8ல் இரண்டாவது வார எலிமினேஷனில் வெளியேறப்போவது யார் என்பது குறித்து பலரும் கேள்வி எழுப்பி வந்த நிலையில், மக்களிடம் இருந்து குறைவான வாக்குகளை பெற்று அர்னவ் வெளியேற்றப்பட்டார்.

அர்னவ் எலிமினேஷன் செய்யப்பட்டார் என விஜய் சேதுபதி அறிவித்ததும் சக போட்டியாளரான அன்ஷிதா அர்னவை கட்டிப்பிடித்து கொண்டு நீண்ட நேரம் கதறி அழுதார்.

மிகவும் கோபத்துடன் பிக் பாஸ் டிராபியை உடைத்துவிட்டு வெளியே வந்த அர்னவ் பெண்கள் டீமை பாராட்டியும், ஆண்கள் டீமை பார்த்து ஜால்ரா அடிப்பவர்கள் என்றும் கோபத்துடன் அவர்களை திட்டி பேச ஆரம்பித்தார்.

வன்மத்தை கொட்டும் வகையில் அர்னவ் பேசியதால் கடுப்பான விஜய் சேதுபதி “இது அநாகரிக பேச்சு. இந்த இடத்தில் இவ்வாறு பேச கூடாது” என்று அர்னவை எச்சரிக்கை செய்து வெளியே அனுப்பி வைத்தார்.

இந்நிலையில், பிக் பாஸ் நிகழ்ச்சியில் போட்டியாளராக வீட்டில் இருந்த அர்னவ் வாங்கிய சம்பளம் குறித்து தகவல் வெளியாகி உள்ளது.

அதன்படி, ஒரு நாளைக்கு ரூ. 20 முதல் ரூ. 25 ஆயிரம் வரை சம்பளம் பேசப்பட்டதாகவும், மொத்தம் 14 நாட்கள் பிக் பாஸ் வீட்டில் இருந்ததற்காக, ரூ.2.8 – ரூ.3.5 லட்சம் வரை அவருக்கு சம்பளம் கொடுக்கப்பட்டிருக்கலாம் என்று கூறப்படுகிறது.

சின்னத்திரையில் ரசிகர்களால் கொண்டாடப்பட்ட நிகழ்ச்சிகளில் ஒன்று பிக் பாஸ். பிரமாண்டமான இந்த நிகழ்ச்சி தமிழில் கடந்த 2017ஆம் ஆண்டு துவங்கியது.

உலகநாயகன் கமல் ஹாசன் தொகுத்து வழங்கிய இந்த நிகழ்ச்சியில் ஓவியா, சினேகன், நமிதா, ஆரவ், சக்தி, ஆர்த்தி, பரணி, காயத்ரி ரகுராம் இவர்களும் இன்னும் சிலர் போட்டியாளர்களாக கலந்துகொண்டனர்.

முதல் சீசன் மக்கள் மத்தியில் நல்ல வரவேற்பை பெற்ற நிலையில், 7 சீசன் வரை பிக் பாஸ் நிகழ்ச்சி தொடர்ந்தது. 7 சீசன்களை கமல் ஹாசன் தொகுத்து வழங்கி வந்தார். ஆனால், தற்போது 8 சீசனில் அவருக்கு பதிலாக நடிகர் விஜய் சேதுபதி களமிறங்கியுள்ளார்.
=
இன்று பிரமாண்டமான முறையில் பிக் பாஸ் 8 துவங்கவுள்ள நிலையில் ரவீந்தர், சுனிதா, ரஞ்சித், சீரியல் நடிகர் சத்யா, சீரியல் நடிகை தர்ஷிகா, தொகுப்பாளினி ஜாக்லின், விஜே தீபக் உள்ளிட்ட 18 போட்டியாளர்கள் வீட்டிற்குள் சென்றுள்ளனர்.

இந்த நிலையில், பிக் பாஸ் முதல் சீசனில் இருந்து 7வது சீசன் வரை டைட்டில் வென்ற போட்டியாளர்களின் லிஸ்ட் குறித்து பார்க்கலாம்.

சீசன் 1 – ஆரவ்
சீசன் 2 – ரித்விகா
சீசன் 3 – முகன் ராவ்
சீசன் 4 – ஆரவ்
சீசன் 5 – ராஜு
சீசன் 6 – அசீம்
சீசன் 7 – அர்ச்சனா
பிக் பாஸ் OTT டைட்டில் வின்னர் – பாலாஜி முருகதாஸ்

விஜய் தொலைக்காட்சியில் பிரமாண்டமான நிகழ்ச்சிகளில் ஒன்று பிக் பாஸ். இந்த நிகழ்ச்சியின் 7 சீசன்கள் இதுவரை வெற்றிகரமாக நடந்து முடிந்துள்ளது.

தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர்.

தமிழில் இதுவரை முதல் சீசனில் இருந்து உலகநாயகன் கமல் ஹாசன் தான் தொகுத்து வழங்கி வருகிறார். இதற்காக அவர் வாங்கும் சம்பளமும் மிகப்பெரிய ஒன்று என்பது குறிப்பிடத்தக்கது.

கடைசியாக நடைபெற்று முடிந்த பிக் பாஸ் 7வது சீசனில் மக்களிடம் இருந்து அதீத வரவேற்பை பெற்று டைட்டில் வின்னராக தேர்ந்தெடுக்கப்பட்டார் சீரியல் நடிகை அர்ச்சனா. அதே போல் பிரதீப் ஆண்டனிக்கு பிக் பாஸ் 7 நல்ல வரவேற்பை ரசிகர்கள் மத்தியில் ஏற்படுத்தி கொடுத்தது.

இந்த நிலையில், வருகிற அக்டோபர் மாதம் பிக் பாஸ் சீசன் 8 துவங்கவுள்ளதாக தகவல் வெளியாகியுள்ளது. இதற்கான வேலைகள் தற்போது நடைபெற்று வருகிறதாம்.