பிரபல கால்பந்து வீரர் பிரான்சில் உள்ள பாரீஸ் செயின்ட் ஜெர்மைன் (பி.எஸ்.ஜி) கால்பந்து அணிக்காக விளையாட 2 ஆண்டுக்கு ஒப்பந்தமாகியுள்ளார்.

உலகின் முன்னணி கால்பந்து வீரர்களில் ஒருவரான அர்ஜென்டினா கால்பந்து அணியின் கேப்டன் 34 வயதான லயோனல் மெஸ்சி, ஸ்பெயினில் உள்ள புகழ்பெற்ற கால்பந்து கிளப்பான பார்சிலோனா அணிக்காக விளையாடி வந்தார்.

தனது 13ஆவது வயதில் பார்சிலோனா கிளப்பில் இணைந்த மெஸ்சி தொடக்கத்தில் ஜூனியர் அணிக்காகவும், 17-வது வயதில் இருந்து ஸ்பெயின் லீக் போட்டிகளில் பார்சிலோனா அணிக்காகவும் அடியெடுத்து வைத்தார்.

அடுத்த சில ஆண்டுகளில் உலகின் தலைசிறந்த கால்பந்து வீரராக உருவெடுத்தார். பார்சிலோனா அணிக்காக லா லிகா, சாம்பியன்ஸ் லீக், கிளப் உலக கோப்பை உள்பட 35 பட்டங்களை குவித்ததில் முக்கிய பங்காற்றினார்.

தனது கடைசி காலம் வரை பார்சிலோனா குடும்பத்திலேயே இணைந்திருப்பார் என்று எதிர்பார்க்கப்பட்ட நிலையில் சில தினங்களுக்கு முன்பு அவரை பார்சிலோனா கிளப் வெளியேற்றியது. இதனால் 21 ஆண்டு கால பார்சிலோனா உடனான அவரது பந்தம் முடிவுக்கு வந்தது.

கடுமையான நிதிநெருக்கடியில் தவிக்கும் பார்சிலோனா கிளப், வீரர்களின் ஊதிய உச்சவரம்பில் புதிய மாற்றங்களை கொண்டு வந்ததன் காரணமாக அடுத்த 5 ஆண்டு கால ஒப்பந்தம் தொடர்பாக அவரிடம் நடத்தப்பட்ட பேச்சுவார்த்தை தோல்வியில் முடிந்தது. 50 சதவீதம் ஊதியம் குறைக்க மெஸ்சி முன்வந்தபோதிலும் பலன் இல்லை.

‘பார்சிலோனா கிளப்பில் இணைந்த முதல் நாளில் இருந்து கடைசி வரை அந்த அணிக்காக என்னால் முடிந்த எல்லாவற்றையும் அளித்திருக்கிறேன். ‘பார்சிலோனாவுக்கு குட்பை’ சொல்வேன் என கற்பனை செய்துகூட பார்த்ததில்லை. உண்மையிலேயே பார்சிலோனாவை விட்டு பிரிவதற்கு கடினமாக இருக்கிறது’ என்று கூறி மெஸ்சி தேம்பி தேம்பி அழுதார்.

இந்த நிலையில் மெஸ்சி, பார்சிலோனாவில் இருந்து விடைபெற்ற அடுத்த 2 நாள்களில் புதிய கிளப்பில் இணைந்துள்ளார். பிரான்சில் உள்ள பாரீஸ் செயின்ட் ஜெர்மைன் (பி.எஸ்.ஜி) கால்பந்து அணிக்காக விளையாட 2 ஆண்டுக்கு ஒப்பந்தமாகியுள்ளார். இதை அவரது தந்தை ஜார்ஜ் நேற்று உறுதிப்படுத்தினார். புதிய ஒப்பந்தப்படி மெஸ்சிக்கு ஆண்டுக்கு ஏறக்குறைய ரூ.305 கோடி ரூபா ஊதியமாக கிடைக்கும்.

இதே கிளப்பில் தான் பிரேசிலை சேர்ந்த பிரபல கால்பந்து வீரர் நெய்மார், பிரான்சின் நட்சத்திர வீரர் கைலியன் எம்பாப்பே விளையாடி வருகிறார்கள். இந்த மூவர் கூட்டணி கைகோர்த்து பி.எஸ்.ஜி. அணியின் ஐரோப்பிய சாம்பியன்ஸ் லீக் கோப்பை கனவை நனவாக்கும் என்பது அந்த கிளப்பின் அசைக்க முடியாத நம்பிக்கையாக இருக்கிறது.

பார்சிலோனா அணியிலிருந்து வெளியேறுகிறேன் என செய்தியாளர் சந்திப்பில் கண்ணீர் மல்க மெஸ்ஸி உறுதிப்படுத்தியமை ரசிகர்களை கலங்கவைத்துள்ளது.

லியோனல் மெஸ்ஸி, பார்சிலோனா அணியை விட்டு வெளியேறினார் என்று பார்சிலோனா கிளப் சமீபத்தில் அதிகாரபூர்வமாக அறிவித்தது. இந்நிலையில் பார்சிலோனா கிளப் செய்தியாளர் சந்திப்பில் கலந்துகொண்டு பேசிய மெஸ்ஸி, கண்ணீர் மல்க தான் பார்சிலோனா அணியிலிருந்து வெளியேறுவதை உறுதிப்படுத்தினார்.
மேலும், மெஸ்ஸி PSG அணியில் இணைய உள்ளார் என தகவல்கள் வெளியாகியுள்ள நிலையில், தனது எதிர்காலம் குறித்து இன்னும் முடிவு எடுக்கவில்லை என மெஸ்ஸி தெளிவுபடுத்தியுள்ளார்.
மெஸ்ஸியின் அறிவிப்பைத் தொடர்ந்து அரங்கத்திலிருந்து பத்திரிக்கையாளர்கள் உட்பட அனைவரும் எழுந்து நின்று மெஸ்ஸியை கைதட்டி பிரியாவிடையளித்தனர்.
21 ஆண்டுகள் பார்சிலோனாவுக்காக விளையாடியுள்ள லியோனல் மெஸ்ஸி, அந்த அணிக்காக இதுவரை 778 போட்டிகளில் விளையாடிஎ 672 கோல்கள் அடித்துள்ளார், ஆறு முறை பலோன் டி ஓர் வென்றுள்ளார் என்பது குறிப்பிடத்தக்கது.
செய்தியாளர் சந்திப்பில் மெஸ்ஸி கண்கலங்கியது உலகம் முழுவதும் உள்ள அவரது ரசிகர்களை கலக்கத்தில் ஆழ்த்தியுள்ளது.