தற்போது இணையத்தளங்களில் வைரல் செய்தி என்றால் அது தல டோனி பீஸ்ட் படப்பிடிப்புத் தளத்துக்கு விஜயம் செய்தமை. இது தொடர்பான படங்களும் காணொலிகளும் சமூக வலைத்தளங்களில் தல – தளபதி ரசிகர்களால் மிகப்பெரிய அளவில் வைரலாக்கப்பட்டு வருகின்றன.

‘பீஸ்ட்’ படத்தின் இயக்குநர் நெல்சன் திலிப்குமாரும் தல தோனி மற்றும் தளபதி விஜய்யுடன் இணைந்து எடுத்துக்கொண்ட புகைப்படத்தை பதிவுசெய்திருந்தார்.

இந்த புகைப்படத்தை தனது ருவிற்றர் பக்கத்தில் ருவிட் செய்துள்ள இயக்குநர் விக்னேஷ் சிவன், அதற்கு கமெண்ட்டையும் பதிவுசெய்துள்ளார்.

“என்னிடம் ஒரு வார்த்தை சொல்லி இருக்கலாம். வயிறு எரிகிறது. டெம்பரேச்சர் 274 டிகிரி செல்சியஸ்க்கு போய்விட்டது. அட்லீஸ்ட் நான் தல, தளபதியுடன் இருப்பது போன்று போட்டோஷாப் செய்தாவது எனக்கு அனுப்பு” என்று நெல்சன் திலீப்குமாரிடம் இயக்குநர் விக்னேஷ் சிவன் நகைச்சுவையுடன் கோரிக்கை விடுத்துள்ளார். விக்னேஷ்சிவனின் இந்த டுவிட் தற்போது வைரலாக்கப்பட்டு வருகிறது.

இளையதளபதி விஜய் நடிப்பில், இயக்குநர் நெல்சன் இயக்கத்தில் மிகப் பிரமாண்டமாக உருவாகிவரும் திரைப்படம் பீஸ்ட். இந்தப் படத்தில், விஜய்யுடன் இணைந்து நடிக்கின்றார் பூஜா ஹெக்டே.

இந்நிலையில், பீஸ்ட் திரைப்படத்தின் இந்தி டப்பிங் ரைட்ஸூக்கு மட்டுமே சுமார்  50 கோடி ரூபா வழங்க பிரபல நிறுவனத்துடன் பேச்சு நடத்தப்பட்டு வருகின்றது என்று தகவல் வெளியாகியுள்ளது.

அபர்ணா தாஸ், யோகி பாபு மற்றும் விடிவி கணேஷ் ஆகியோர் இந்தத் திரைப்படத்தில் முக்கியமான கதாபாத்திரங்களில் நடிக்கின்றனர். இப் படத்தின் முதற்கட்ட படப்பிடிப்பு ஜார்ஜியாவில் நடைபெற்ற நிலையில் இரண்டாம் கட்ட படப்பிடிப்பு சென்னையில் நடைபெற்று வருகிறது. விரைவில் மூன்றாம் கட்ட படப்பிடிப்பு ரஷ்யாவில் நடைபெறவிருக்கிறது.