நடிகை சமந்தாவின் முன்னாள் கணவரும், நடிகருமான நாக சைதன்யாவிற்கு இரண்டாம் திருமணம் என தொடர்ந்து பல தகவல்கள் வெளியாகிறது. ஆனால், அதுகுறித்து அதிகாரப்பூர்வமாக யாரும் அறிவிக்கவில்லை.

இந்த தகவல் ஒரு பக்கம் பரவி வந்த நிலையில், பிரபல நடிகை சோபிதாவுடன் நாக சைதன்யா டேட்டிங் செய்து வருகிறார் என கிசுகிசுக்கப்பட்டது. இது வெறும் கிசுகிசு தான் உண்மையில்லை என கூறப்பட்ட நிலையில், இருவரும் ஒன்றாக இருக்கும் சில புகைப்படங்கள் இணையத்தில் வைரலானது.

இதன்பின் இருவரும் டேட்டிங் செய்து வருகிறார்கள் என உறுதியகாவே கூறப்பட்டது. பின் இந்த விஷயம் அப்படியே சைலன்ட் ஆன நிலையில், தற்போது மீண்டும் இவர்கள் இருவரும் டேட்டிங் செய்து வருகிறார்கள் என நெட்டிசன்கள் மத்தியில் பரவலாக பேசப்பட்டு வருகிறது.

இதற்கு காரணம் இவர்களுடைய புகைப்படங்கள் தான். நாக சைதன்யா தனது இன்ஸ்டா பக்கத்தில் சுற்றுலா சென்றுள்ள புகைப்படத்தை பதிவு செய்துள்ளார். இந்த புகைப்படத்திற்கு நடிகை சோபிதா லைக் செய்திருந்தார்.

இந்த நிலையில், நாக சைதன்யா பதிவு செய்துள்ளது போலவே, நடிகை சோபிதாவும் சுற்றுலா சென்றுள்ள புகைப்படத்தை பதிவிட்டுள்ளார். இருவரும் பதிவு செய்துள்ள புகைப்படங்களின் பின்னணியில் உள்ள இடம் ஒரே மாதிரியாக இருக்கிறதே, அதுமட்டுமின்றி இருவரும் டேட்டிங் சென்றுள்ளார்களா என நெட்டிசன்கள் கேள்வி எழுப்பி வருகிறார்கள்.

ஆனால், இருவரும் ஒரே இடத்தில் தான் இந்த புகைப்படங்களை எடுத்தார்களா என எந்த ஒரு உறுதியான தகவலும் இல்லை என்பது குறிப்பிடத்தக்கது.

இந்த தகவல் தொடர்பில் இருவரும் மெளனம் காத்து வந்த நிலையில் தற்போது முதன் முறையாக நாக சைதன்யா, விவாகரத்து தொடர்பாக ஆங்கில ஊடகம் ஒன்றுக்கு பேட்டியளித்துள்ளார்.

“திரைத்துறை வாழ்க்கை வேறு, தனிப்பட்ட வாழ்க்கை வேறு என்பதை நான் சிறுவயதில் இருந்தே பார்த்து வளர்த்தவன். இந்த பழக்கம் என்னுடைய தாய், தந்தையிடம் இருந்து எனக்கு வந்தது.

அவர்கள் இருவரும் படப்பிடிப்பு முடிந்து வீட்டுக்கு வந்த பின்னர், சினிமா பற்றி எதுவும் பேசமாட்டார்கள். அது நல்ல பழக்கம் என்பதால் நானும் அதை கடைபிடித்து வருகிறேன்.

சமந்தாவுடனான விவாகரத்து என்ற செய்தி பரவி வருவது, எனக்கு மிகுந்த வேதனையாக இருக்கிறது. இன்றைய காலகட்டத்தில் ஒரு செய்தியை மறக்கடிக்க இன்னொரு செய்தி உடனே வந்து விடுகிறது. இந்த புரிதல் எனக்குள் வந்தவுடன், நான் இதுகுறித்து கவலைப்படுவதை நிறுத்தி விட்டேன்” என்று கூறியுள்ளார்.