என்றும் 16 மார்க்கண்டேயன் என்பது போல் தமிழ் சினிமாவில் வயது ஆனாலும் இளமையாக காணப்படுபவர் நடிகை திரிஷா.

20 வருடங்களுக்கு மேலாக தமிழ் சினிமாவில் முன்னணி நாயகியாக கலக்கி வருகிறார்.

அதிலும் மணிரத்னம் இயக்கிய பொன்னியின் செல்வன் படத்தில் குந்தவையாக நடித்து தமிழக மக்களின் மனதை கொள்ளை கொண்டுவிட்டார்.

மிஸ் சென்னை பட்டம் வென்று பிரபலமானவர் ஜோடி படத்தில் ஒரு சில சீன்களில் தலை காண்பித்தவர் லேசா லேசா படத்தில் நாயகியாக வாய்ப்பு கிடைத்தது. அந்த நேரத்திலேயே மௌனம் பேசியதே படத்தில் நடிக்க அப்படமும் முதலில் ரிலீஸ் ஆனது.

எனவே நடிகை த்ரிஷாவின் முதல் படம் மௌனம் பேசியதே தான் என கருதப்படுகிறது. பின் விஜய், அஜித், சூர்யா, விக்ரம், சிம்பு என தொடர்ந்து நடித்தவர் மன்மதன் அம்பு, தூங்காவனம், பேட்ட ஆகிய படங்களின் மூலம் ரஜினி, கமலுடனும் இணைந்து நடித்தார்.

20 வருடங்களுக்கு மேலாக முன்னணி நடிகையாக வலம் வரும் த்ரிஷா தெலுங்கிலும் டாப் நடிகர்களுடன் நடித்துள்ளார்.

ஒரு படத்துக்கு ரூ. 5 கோடியில் இருந்து ரூ. 7 கோடி வரை சம்பளம் வாங்குவதாக கூறப்படுகிறது. அதோடு விளம்பர பட்ங்களில் நடிப்பதன் மூலமும் திரிஷா ரூ.10 கோடி வரை வருமானம் ஈட்டுகிறாராம்.

நடிகை திரிஷா BMW Regal (ஐந்து கோடி ரூபாய்), Benz S Class (80 லட்சம் ரூபாய்), BMW 5 Series (75 லட்சம் ரூபாய்) உள்ளிட்ட சொகுசு கார்களை பயன்படுத்துகிறாராம்.

சென்னையில் ஒரு பிரம்மாண்ட சொகுசு பங்களாவும், ஹைதராபாத்தில் ஒரு சொகுசு பங்களாவும் இருப்பதாக கூறப்படுகிறது.

அவற்றில் சென்னையில் இருக்கும் பங்களாவின் மதிப்பு ரூ. 7 கோடி என்றும் ஹைதராபாத்தில் உள்ள பங்களாவின் மதிப்பு ரூ. 6 கோடி என்றும் சொல்லப்படுகிறது.

சினிமாவை தாண்டி வேறு சில தொழில்களையும் செய்துவரும் த்ரிஷா அதன் மூலம் கோடி கோடியாக வருமானம் ஈட்டுகிறாராம்.

இப்படி சினிமா, தொழில் என மொத்தமாக பார்க்கும் போது அவரது சொத்து மதிப்பு ரூ. 100 கோடியில் இருந்து ரூ. 110 கோடி வரை இருக்கும் என்கின்றனர்.