சாதாரணமாக பிரபலங்கள் திருமணம் என்றாலே ரசிகர்கள் குஷி ஆகிவிடுவார்கள்.

ஆனால் சினிமாவில் நாம் பார்த்து ரசித்த ஜோடி நிஜத்தில் ஒன்றாக இணைகிறார்கள் என்றால் எப்படி இருக்கும். அப்படி தமிழ்நாட்டு ரசிகர்கள் இவர்கள் இணைய வேண்டும் என்று ஆசைப்பட்ட ஜோடி தான் சூர்யா மற்றும் ஜோதிகா.

இவர்கள் கடந்த 2006ம் ஆண்டு திருமணம் செய்து கொண்டார்கள். இவர்களுக்கு தியா மற்றும் தேவ் என ஒரு மகளும், மகனும் உள்ளனர்.

சூர்யா நடிப்பில் அடுத்து கங்குவா படம் வெளியாக இருக்கிறது, ஜோதிகாவும் தமிழ், மலையாள, ஹிந்தி என பிஸியாக நடிக்கிறார்.

கோலாகலமாக சூர்யா-ஜோதிகா திருமணம் நடக்க பிரபலங்கள் பலரும் கலந்துகொண்டு இந்த ஜோடியை வாழ்த்தினார்கள்.

ஆனால் நடிகர் விஜயகாந்த் மட்டும் திருமணத்திற்கு வரவில்லை, பத்திரிக்கை கொடுக்க வந்த சிவகுமாரிடமும் நான் வர மாட்டேன் என கூறியிருக்கிறார்.

நான் இப்போது தான் கட்சியை துவங்கி இருக்கிறேன், அதை விரிவுப்படுத்தும் பணியிலும் இறங்கி இருக்கிறேன், இது பலருக்கும் பிடிக்கவில்லை.

எப்போது கலகம் செய்யலாம் என்று சுற்றிக் கொண்டிருக்கிறார்கள், இதனால் சூர்யாவின் திருமணத்தில் எந்தவித அசம்பாவிதமும் நடந்து விடக்கூடாது, அதனால் தான் நான் திருமணத்திற்கு வர மறுக்கிறேன் என கூறியிருக்கிறார்.

பின் திருமணம் முடிந்த பிறகு மணமக்களை நேரில் சந்தித்து விஜயகாந்த் வாழ்த்தி இருக்கிறார்.

அனைவருக்கும் பிடித்த நட்சத்திர ஜோடி சூர்யா – ஜோதிகா. காதலித்து திருமணம் செய்துகொண்ட இந்த ஜோடி தற்போது இரு பிள்ளைகளுடன் மும்பையில் வசித்து வருகிறார்கள்.

இருவருமே தங்களுடைய நடிப்பில் பிசியாக இருக்கிறார். ஜோதிகா பாலிவுட் பக்கம் அதிகம் கவனம் செலுத்தி வருகிறார். சூர்யா தற்போது கங்குவா திரைப்படத்தில் நடித்து முடித்துள்ளார்.

இந்த நிலையில் கங்குவா திரைப்படம் குறித்தும், சூர்யாவை திருமணம் செய்ய காரணம் பற்றியும் ஜோதிகா சமீபத்தில் பேசியுள்ளார்.

“சூர்யா நடித்திருக்கும் கங்குவா திரைப்படத்தின் சில காட்சிகளை நான் பார்த்தேன். கண்டிப்பாக பெரிய ஆச்சிரியத்தை இப்படம் மூலம் ரசிகர்கள் பார்க்கவிருக்கிறார்கள். சூர்யா ஒரு அற்புதமான மனிதர், கங்குவா திரைப்படத்திற்காக அவர் 200% சதவீதம் உழைப்பை கொடுத்துள்ளார்.

நான் அவரை திருமணம் செய்துகொண்டதற்கு இதுதான் காரணம் என்று நினைக்கிறன். சினிமா மட்டுமில்லாமல், கணவராகவும், இரு பிள்ளைகளின் தந்தையாகவும், அனைத்திலும் அவர் 200% சதவீதம் ஈடுபாட்டை காட்டக்கூடியவர் ஆவார். இப்படத்திற்காக அவர் கொடுத்திருக்கும் உழைப்பை என்னால் விவரிக்க வார்த்தைகளே இல்லை” என நடிகை ஜோதிகா பேசினார்.