இறால் தொக்கு சாதத்துடன் பிசைந்து சாப்பிட அருமையான சுவை நிறைந்த உணவாகும் . இதனை குழந்தைகள் முதல் பெரியோர் வரை விரும்பி உண்பார்கள்.

தேவையான பொருள்கள்

இறால்  – 500 கிராம்

இஞ்சி, பூண்டு – அரைத்தது – 1 தேக்கரண்டி

தக்காளி – 2

பெரிய வெங்காயம் – 1

கடுகு – 1 தேக்கரண்டி

கறிவேப்பிலை – 1 பிடி

பொரிகடலை – 1 மேஜைக்கரண்டி

மிளகாய்த்தூள் – 1 தேக்கரண்டி

மஞ்சள்தூள் – 1 தேக்கரண்டி

சோம்பு – 1 தேக்கரண்டி

உப்பு தேவையான அளவு

நல்லெண்ணெய் 50 மில்லி லிற்றர்

செய்முறை

முதலில் இறாலை சுத்தம் செய்து கழுவி வைத்துக் கொள்ளுங்கள்.

அதன் பின் வெங்காயம், தக்காளி போன்றவற்றை பொடிப் பொடியாக நறுக்கி கொள்ளுங்கள்
பொரி கடலையை வறுத்து தூளாக்கி வைத்துக்கொள்ளுங்கள்.

அதன் பின் சோம்பு, மிளகாய்த்தூள் ஆகியவற்றை சேர்த்து அரைத்து கொள்ளுங்கள்.

இப்பொழுது அடுப்பில் சட்டியை வைத்து நல்லெண்ணெய் ஊற்றி காய்ந்ததும் கடுகு, கறிவேப்பிலை போன்றவற்றை இட்டு தாளித்து அரைத்து வைத்துள்ள இஞ்சி, பூண்டைப் போட்டு வெங்காயம், தக்காளி போன்றவற்றுடன் சேர்த்து வதக்குங்கள்.

அதன் பின் இறாலைப் போட்டு வதக்கி அரைத்த மஸாலாவையும் போட்டு வதக்குங்கள்.

பின் சிறிதளவு தண்ணீர் ஊற்றி மஞ்சள்தூள், உப்பு சேர்த்து கிளறுங்கள்.

இப்பொழுது மிதமான தீயில் வைத்து இறால் நன்றாக வெந்ததும் இறக்கி பரிமாறுங்கள்.
இப்போது சுப்பர் சுவையான இறால் தொக்கு ரெடி.

என்னதான் குழந்தைகளுக்கு பிடித்தமான உணவு வகைகளை தயாரித்து கொடுத்தாலும், ஒரே விதமான உணவுகளை வழங்கும்போது அவர்கள் உண்பதற்கு பின் நிற்பார்கள். ஆனால் அன்றாடம் வீட்டில் கிடைக்கும் பொருள்களை பயன்படுத்தியே அவர்கள் விரும்பி உண்ணக்கூடியவாறு உணவு வகைகளைத் தயார் செய்யலாம்.

அவ்வாறு வெறும் பத்தே நிமிடத்தில் தயாரித்து, குழந்தைகளுக்கு வழங்கக்கூடிய ஒரு சிம்பிளான, ஆனால் சுவையான ஒரு உணவு உங்களுக்காக.

தேவையான பொருள்கள் :

உருளைக்கிழங்கு – 2
முட்டை – 5
மிளகாய் – 5
பெ.வெங்காயம் – 1
வெண்ணெய் – சிறிதளவு
உப்பு – தேவையான அளவு
கறிவேப்பிலை, கொத்தமல்லி – சிறிதளவு

செய்முறை:
வெங்காயத்தைமிக மெல்லியதாக நீளம் நீளமாக வெட்டிக்கொள்ளுங்கள்..
பச்சை மிளகாய் மற்றும் கொத்தமல்லியை மிகச் சிறிதாக அரிந்துகொள்ளுங்கள்.
உருளைக்கிழங்கை தோல் நீக்கி, அவித்து எடுத்து நன்றாக மசித்துக்கொள்ளுங்கள்.
முட்டையை உடைத்து பாத்திரத்தில் ஊற்றி, உப்பு கலந்து நன்றாக கலக்கிக்கொள்ளுங்கள்.
இந்த முட்டை கலவையில் சிறிதாக வெட்டிவைத்துள்ள வெங்காயம், மசித்த உருளைக்கிழங்கு, கொத்தமல்லி, கறிவேப்பிலை சேர்த்து நன்றாக கலந்துகொள்ளுங்கள். விரும்பின் தக்காளியையும் சிறிதாக வெட்டி கலவையுடன் சேர்த்துக்கொள்ளலாம்.

தோசைக்கல்லை அடுப்பில் வைத்து சூடானதும், அதில் வெண்ணெய் போட்டுக்கொள்ளுங்கள். வெண்ணெய் சூடானதும், அதில் கலந்துவைத்துள்ள உருளைக்கிழங்கு முட்டை கலவையை ஊற்றி சுற்றி சிறிது வெண்ணெய் விட்டு ஆம்லெட் போல் வேகவிடுங்கள்.

ஒரு பக்கம் நன்றாக வெந்ததும், அதனை திருப்பி போட்டு வேக விட்டு எடுத்துக்கொள்ளுங்கள்.

இப்பொழுது குழந்தைகளுக்கு பிடித்த சுவையான ஆம்லெட் தயார்.

ஆம்லெட்டை தட்டில் வைத்து முக்கோணமாக வெட்டி பரிமாறுங்கள்.