பிரித்தானிய மன்னர் சார்லசும் ராணி கமீலாவும் அமெரிக்கா செல்ல இருப்பதாக தகவல் வெளியாகியுள்ளது.

அமெரிக்கா செல்ல இருக்கும் பிரித்தானிய மன்னர்
அடுத்த ஆண்டின் முதல் பகுதியில் மன்னரும் ராணியும் அமெரிக்கா செல்லலாம் என எதிர்பார்க்கப்படுகிறது.

வாயை வைத்துக்கொண்டு சும்மா இருக்காமல், தேவையில்லாமல் பேசி, ட்ரம்புடனான உறவைக் கெடுத்துக்கொண்டார் இளவரசர் ஹரியின் மனைவியான மேகன்.

ஹரியோ, தனது ஸ்பேர் என்னும் சுயசரிதைப் புத்தகத்தில் தான் போதைப்பொருள் உட்கொண்டதாக தெரிவித்த விடயத்தால், அமெரிக்காவிலிருந்து நாடுகடத்தப்படும் அபாயத்தை ஏற்படுத்திக்கொண்டார்.

பின்னர், மன்னர் சார்லசுடைய முகத்துக்காக ஹரியை நாடுகடத்தும் திட்டத்தை ட்ரம்ப் கைவிடக்கூடும் என செய்திகள் வெளியாகின.

இந்நிலையில், மன்னர் சார்ல்சும் ராணி கமீலாவும் அடுத்த ஆண்டின் துவக்கத்தில் அமெரிக்கா செல்ல திட்டமிட்டுள்ளதாக தகவல் வெளியாகியுள்ளது.

எப்போது, என்ன காரணத்துக்காக மன்னர் அமெரிக்கா செல்கிறார் என்பது தொடர்பான விடயங்களை பக்கிங்காம் அரண்மனை வெளியிடவில்லை.

என்றாலும், ட்ரம்புடனான தூதரக உறவுகளை ஏற்படுத்திக்கொள்ள இந்த பயணம் உதவக்கூடும் என பிரித்தானிய அரசு நம்புகிறது.

இன்னொரு முக்கிய விடயம், அடுத்த ஆண்டு, அதாவது, 2026ஆம் ஆண்டு, ஜூலை மாதம் 4ஆம் திகதி, அமெரிக்காவின் 250ஆவது ஆண்டு சுதந்திர தினம் நாடு முழுவதும் பிரம்மாண்டமாக கொண்டாடப்பட உள்ளது.

2007ஆம் ஆண்டு, மறைந்த பிரித்தானிய மகாராணியார் இரண்டாம் எலிசபெத் அமெரிக்காவுக்கு அரசு முறைப்பயணமாக சென்றபிறகு, வேறு எந்த பிரித்தானிய மன்னரோ ராணியோ அமெரிக்கா செல்லவில்லை என்பதால், மன்னர் சார்லசின் அமெரிக்கப் பயணம் முக்கியத்துவம் வாய்ந்ததாக அமையும் என்பது குறிப்பிடத்தக்கது.

மதிப்பு கூட்டப்பட்ட வரி வசூலிக்கும் நாடுகள் மீது தனித்தனியாக வரி விதிக்க இருப்பதாக அமெரிக்க ஜனாதிபதி ட்ரம்ப் அறிவித்துள்ள நிலையில், சுமார் 24 பில்லியன் பவுண்டுகள் இழப்பை பிரித்தானியா எதிர்கொள்ளும் என்ற தகவல் வெளியாகியுள்ளது.

அமெரிக்க பொருட்களுக்கு VAT எனப்படும் மதிப்பு கூட்டப்பட்ட வரி வசூலிக்கும் நாடுகளுக்கு தனித்தனியாக வரி வசூலிக்க இருப்பதாக ட்ரம்ப் அறிவித்துள்ளார்.

இதனால், அமெரிக்காவுக்கு ஏற்றுமதி செய்யப்படும் பொருட்களுக்கு பொதுவாக 21 சதவிகித வரி வசூலிக்கப்படும் என்றே தகவல் கசிந்துள்ளது. இது ஒவ்வொரு நாடுக்கும் தனித்தனியாக செயல்படுத்தப்பட இருப்பதால், பிரித்தானியாவுக்கு எத்தகைய தாக்கத்தை ஏற்படுத்தும் என்பது உறுதியாக தெரியவில்லை.

தற்போது பிரித்தானியா சராசரியாக 20 சதவிகிதம் மதிப்பு கூட்டப்பட்ட வரி வசூலித்து வருகிறது. ஆனால் ட்ரம்ப் தெரிவிக்கையில், VAT என்பதை தாம் வரி விதிப்பாகவே கருதுவதாக குறிப்பிட்டுள்ளார்.

ட்ரம்பின் வரி விதிப்புகளால் அடுத்த இரண்டு ஆண்டுகளில் பிரித்தானிய பொருளாதாரத்தில் 0.4 சதவிகிதம் இழப்பு ஏற்படும் என்றும், அது 24 பில்லியன் பவுண்டுகளாக இருக்கும் என்றும் நிபுணர்கள் தரப்பு சுட்டிக்காட்டியுள்ளனர்.

எந்த நாடும் புகார் தெரிவிக்காத வகையில், ஒவ்வொரு நாட்டுக்கும் உரிய வரியை அமுலுக்கு கொண்டுவர இருப்பதாக ட்ரம்ப் தெரிவித்துள்ளார். இந்த நிலையில், பிரிட்டிஷ் வர்த்தக சபையின் வர்த்தகக் கொள்கைத் தலைவர் William Bain தெரிவிக்கையில்,

இந்த ஆண்டு ஏற்கனவே கடினமான தொடக்கமாக மாறியிருப்பதால், ட்ரம்பின் இந்த முடிவு முதலீட்டாளர்கள், வணிகங்கள் மற்றும் நுகர்வோருக்கு அதிக செலவு மற்றும் நிச்சயமற்ற தன்மையை உருவாக்கும் என்றார்.

மட்டுமின்றி, ட்ரம்பின் இந்த நடவடிக்கைகளால் வாகனங்கள், மருந்து மற்றும் உணவு மற்றும் பானம் போன்ற துறைகள் குறிப்பிடத்தக்க அளவில் பாதிக்கப்படலாம் என்று அவர் எச்சரித்தார்.

மேலும், அமைச்சர்கள் மாற்று ஏற்பாடுகள் குறித்து அமெரிக்காவுடன் பேச்சுவார்த்தை நடத்த வேண்டும் என்று அவர் கோரிக்கை வைத்துள்ளார்.

பாஸ்போர்ட் புதுப்பிப்பதற்கான கட்டணம் 7 சதவிகிதம் வரை அதிகரிக்க இருப்பதாக வெளியாகியுள்ள தகவல், சுற்றுலா செல்லத் திட்டமிட்டுவரும் பிரித்தானியர்களுக்கு இன்னொரு சுமையாக அமைய உள்ளது.

அடுத்த மாதம் பாஸ்போர்ட் கட்டணங்கள் அதிகரிக்க உள்ளதாக உள்துறை அலுவலகம் அறிவித்துள்ளது. 16 வயதும் அதற்கு மேற்பட்ட வயதும் உடையவர்களுக்கான ஒன்லைன் விண்ணப்பங்களுக்கான கட்டணம், 82.50 பவுண்டுகளிலிருந்து 88.50 பவுண்டுகளாகவும், 16 வயதுக்குக் குறைவான சிறுவர்களுக்கான பாஸ்போர்ட் கட்டணம், 53.50 பவுண்டுகளிலிருந்து 57.50 பவுண்டுகளாகவும் உயர உள்ளது.

வெளிநாடுகளிலிருந்து தபால் வழியாக பாஸ்போர்ட் பெற விண்ணப்பிப்பவர்களுக்கான கட்டணமும் மேற்குறிப்பிட்ட அளவிலேயே அதிகரிக்க உள்ளது.

இந்த புதிய கட்டண உயர்வு, ஏப்ரல் மாதம் 11ஆம் திகதி அமுலுக்கு வருகிறது. ஏற்கனவே, கடந்த ஆண்டு பிப்ரவரி மாதம் பாஸ்போர்ட் கட்டணங்கள் சுமார் 9 சதவிகிதம் அதிகரித்த நிலையில், தற்போது அவை மீண்டும் 7 சதவிகிதம் உயர இருப்பது குறிப்பிடத்தக்கது.