உலகளவில் உள்ள அனைத்து இசை ரசிகர்களின் மனதிலும் வருடிய ஒரே புயல் இசைப்புயல் ஏ.ஆர். ரஹ்மான்.

ஆஸ்கர் நாயகன் என கொண்டாடப்பட்டு வரும் இவர் சமீபத்தில் தான் ஆடு ஜீவிதம் படத்திற்கு இசையமைத்திருந்தார். இசையமைத்தார் என்று சொல்வதை விட, அப்படத்திற்கு உயிர் கொடுத்திருந்தார் என்று சொன்னாலும் மிகையாகாது.

அடுத்ததாக ஏ.ஆர். ரஹ்மான் இசையில் ராயன், காதலிக்க நேரமில்லை, ஜீனி, தக் லைஃப், ராம் சரண் 16 ஆகிய படங்கள் வெளிவரவுள்ளன.

ஏ.ஆர். ரஹ்மான் கடந்த 1995ஆம் ஆண்டு சைரா பானு என்பவரை திருமணம் செய்துகொண்டார். இந்த தம்பதிக்கு ஒரு மகனும், இரு மகள்களும் உள்ளனர் என்பது குறிப்பிடத்தக்கது.

கோடிக்கணக்கான ரசிகர்களை கொண்டுள்ள இசையமைப்பாளர் ஏ.ஆர். ரஹ்மானின் முழு சொத்து மதிப்பு ரூ. 1700 கோடிக்கும் மேல் இருக்கும் என தகவல் வெளியாகியுள்ளது.

30 ஆண்டுகளுக்கும் மேலாக திரையுலகில் பயணித்து கொண்டிருக்கும் இவர், ஒரு படத்திற்காக ரூ. 8 முதல் ரூ. 10 கோடி வரை சம்பளம் வாங்கி வருகிறாராம்.

இசைப்புயல் ஏ.ஆர்.ரஹ்மானின் புதிய புகைப்படம் ரசிகர்களால் வைரலாக்கப்பட்டு வருகிறது.

இசைப்புயலை, அவர் அறிமுகமான ரோஜா திரைப்படத்திலிருந்து இன்று வரை மீசை இல்லாமல் தான் அனைவரும் பார்த்திருக்கிறோம். தற்போது அவர் மீசையுடன் காணப்படும் படத்தை தனது இன்ஸ்ராகிராம் பக்கத்தில் பதிவிட்டுள்ளார்.

அவர் வெளியிட்டுள்ள புகைப்படத்தில், தான் சூம் நிகழ்ச்சியில் கலந்து கொண்டுள்ளேன் எனவும், தனது புதிய தோற்றம் எவ்வாறு இருக்கிறது எனவும் கேள்வியெழுப்பியுள்ளார்.

தமிழ் ரசிகர்களிடம் மட்டுமல்லாது, உலகளவில் பிரபலமானவர் இசைப்புயல், இந்த புகைப்படத்தை பார்த்த ரசிகர்கள், இசைப்புயலுக்கு பாராட்டுக்களையும் வாழ்த்துக்களையும் தெரிவித்து வருவதுடன் கமெண்டுகளையும் வாரி இறைத்து வருகின்றனர்.

இந்த புகைப்படம் பதிவுசெய்யப்பட்டு சில மணி நேரங்களே ஆகியுள்ள நிலையில், சுமார் 5 லட்சத்து 20 ஆயிரம் லைக்குகள் கிடைத்துள்ளமை குறிப்பிடத்தக்கது.