தற்போது அரண்மனை படத்தின் 3-ம் பாகம் தயாராகி உள்ளது. இப் படத்தையும் சுந்தர்.சி இயக்கி உள்ளார்.

இதில் கதாநாயகனாக ஆர்யாவும், அவருக்கு ஜோடியாக ராஷி கண்ணா, ஆண்ட்ரியா, சாக்‌ஷி அகர்வால் ஆகிய மூன்று கதாநாயகிகளும் நடித்துள்ளனர்.

மேலும் விவேக், யோகிபாபு ஆகியோர் காமெடி வேடங்களில் நடித்து வருகின்றனர். இப் படத்துக்கு சத்யா இசையமைத்துள்ளார்.

இந்நிலையில், ‘அரண்மனை 3’ படத்தின் வெளியீட்டு உரிமையை உதயநிதி ஸ்டாலினின் ரெட் ஜெயண்ட் மூவீஸ் நிறுவனம் கைப்பற்றியுள்ளது.

மேலும், இப் படத்தின் ரிலீஸ் திகதியும் அறிவிக்கப்பட்டு உள்ளது. அதன்படி இப் படம் வருகின்ற ஒக்டோபர் 14 ஆம் திகதி ஆயுதபூஜை பண்டிகையன்று திரையரங்குகளில் வெளியிடப்படும் என அதிகாரபூர்வமாக அறிவித்துள்ளனர்.