கடந்த ஆண்டு மாபெரும் வெற்றியடைந்த திரைப்படங்களில் ஒன்று மார்க் ஆண்டனி. இயக்குனர் ஆதிக் ரவிச்சந்திரன் இயக்கத்தில் உருவான இப்படத்தில் விஷால் மற்றும் எஸ்.ஜே. சூர்யா இணைந்து நடித்திருந்தனர்.

இப்படத்தின் வெற்றியை தொடர்ந்து மார்க் ஆண்டனி 2 பண்ணலாம் என விஷால் கூறியுள்ளார். ஆனால், அதற்குள் அஜித் படத்தை இயக்கும் வாய்ப்பை ஆதிக் ரவிச்சந்திரனுக்கு கிடைத்துள்ளது. இதை அறிந்த விஷால், முதலில் அஜித் சார் படத்தை முடித்துவிட்டு நம் படத்தை எடுத்துக்கொள்ளலாம் என கூறி, ஆதிக் ரவிச்சந்திரனை அனுப்பி வைத்துள்ளார்.

அதன்படி, குட் பேட் அக்லி படத்தை சிறப்பாக எடுத்துவிட்டாராம் ஆதிக். இவருடைய இயக்கத்தை பார்த்து மகிழ்ச்சியடைந்த அஜித், மீண்டும் இவருடன் ஒரு படம் பண்ணவேண்டும் என முடிவு செய்துள்ளார்.

ஆனால், தனக்காக ஆதிக்கை விஷால் அனுப்பி வைத்தது போல், முதலில் மார்க் ஆண்டனி 2 படத்தை முடித்துவிட்டு, அதன்பின் மீண்டும் நாம் இருவரும் புதிய படத்தில் கூட்டணி அமைக்கலாம் என அஜித் கூறியுள்ளாராம்.

ஆகையால், குட் பேட் அக்லி படத்தை தொடர்ந்து இயக்குனர் ஆதிக் ரவிச்சந்திரன் மார்க் ஆண்டனி 2 படத்தை இயக்கவுள்ளார். அதன்பின் மீண்டும் அஜித்துடன் கைகோர்க்கப்போகிறார் என்பது தெரியவந்துள்ளது.

ஆதிக் ரவிச்சந்திரன் தமிழ் சினிமாவில் தற்போது முக்கிய இயக்குனர்களில் ஒருவராக மாறியுள்ளார். மார்க் ஆண்டனி படத்தின் வெற்றியை தொடர்ந்து அஜித்துடன் கைகோர்த்தார்.

தனக்கு பிடித்த நடிகரின் படத்தை இயக்குவது என்பது மிகப்பெரிய வரம் தான். லோகேஷ் கனகராஜ் – கமலை வைத்து விக்ரம் படத்தை இயக்கியது போல், கார்த்திக் சுப்ராஜ் – ரஜினிகாந்தை வைத்து பேட்ட படத்தை இயக்கியது போல் தற்போது ஆதிக் ரவிச்சந்திரன் – அஜித்தை வைத்து குட் பேட் அக்லி படத்தை இயக்கி வருகிறார்.

இப்படத்தின் இரண்டாம்கட்ட படப்பிடிப்பு தற்போது ஹைதராபாத்தில் நடைபெற்று வருகிறது. அஜித் இதில் கலந்துகொள்ளவில்லை. அவர் விடாமுயற்சி படப்பிடிப்பில் இருக்கும் காரணத்தினால், அதனை முடித்துவிட்டு தான் குட் பேட் அக்லி படத்தின் படப்பிடிப்பில் கலந்துகொள்வார். அஜித் இல்லாத மற்ற நடிகர்களின் காட்சிகள் தான் தற்போது படமாக்கப்பட்டு வருகிறது.

இந்த நிலையில், குட் பேட் அக்லி படத்தில் நடிகரும், ஒளிப்பதிவாளருமான நட்டி நட்ராஜ் முக்கிய கதாபாத்திரத்தில் நடிக்கிறார் என தகவல் வெளியாகியுள்ளது. சமீபத்தில் வெளிவந்து மாபெரும் அளவில் வெற்றியடைந்த மகாராஜா படத்தில் முக்கிய கதாபாத்திரத்தில் நட்டி நட்ராஜ் நடித்திருந்தார்.

மேலும் ஆதிக் ரவிச்சந்திரனின் முந்தைய திரைப்படமான மார்க் ஆண்டனியில் முக்கிய ரோலில் நடித்திருந்த தெலுங்கு நடிகர் சுனில், குட் பேட் அக்லி படத்திலும் நடித்து வருகிறார் என தகவல் தெரிவிக்கின்றனர். சுனில் மற்றும் நட்டி இருவருக்கும் இடையிலான காட்சிகள் தான் தற்போது ஹைதராபாத்தில் படமாக்கப்பட்டு வருகிறது என மூத்த பத்திரிகையாளர் அந்தணன் கூறியுள்ளார்.