லண்டனில் இளம்பெண்ணின் ஆவி உலவும் மாளிகையை பார்வையிட அனுமதி

லண்டனில் இளம்பெண்ணின் ஆவி உலவும் மாளிகையை பார்வையிட அனுமதி

லண்டன் – எசெக்ஸில் அமைந்துள்ள ஆவி உலாவுவதாக கருதப்படும் மாளிகையை பார்வையிட பார்வையாளர்களுக்கு தற்போது அனுமதியளிக்கப்பட்டுள்ளது.

ஹெடிங்காம் மாளிகை (Hedingham Castle) என்னும் அந்த 12ஆம் நூற்றாண்டு கால மாளிகை, Castle Hedingham என்னும் கிராமத்தில் அமைந்துள்ளது.

18ஆம் நூற்றாண்டில், பொலி மைல்ஸ் (Polly Miles) என்னும் அழகிய இளம்பெண்ணொருத்தி அந்த பகுதியில் வாழ்ந்து வந்துள்ளாள்.

எனினும், அவள் ஒரு சூனியக்காரி என மக்கள் கருதியுள்ளனர்.

அத்துடன், அவளுக்கு ஒரு இரகசிய காதலன் இருப்பதாக மக்கள் கூறிவந்த நிலையில், ஒரு குளிர்கால இரவில், அந்த மாளிகையில் ஒரு விருந்து நடைபெற்றுள்ளது.

திடீரென விருந்திலிருந்து மறைந்துபோன பொலி(Polly Miles) இளவேனிற்காலத்தில், அந்த மாளிகையின் அருகிலுள்ள ஒரு ஓடையில் சடலமாக மிதந்துவருவதை மக்கள் கண்டுள்ளனர்.

அவளுடைய இரகசிய காதலனுடன் அவள் சண்டையிட்டதாகவும், அவன் அவளை நீரில் தள்ளிவிட்டதாக சிலரும், அவள் தண்ணீரில் குதித்து உயிரை மாய்த்துக்கொண்டதாக சிலரும் கூறியுள்ளனர்.

இதன் பிறகு ஹெடிங்காம் மாளிகைக்குச் செல்லும்போதெல்லாம், அதன் உச்சியில் கருமையான ஒரு நிழலைப் பார்த்ததாக பலர் கூற, அது பொலியின்(Polly Miles) ஆவிதான் என மக்கள் நம்பிக்கை கொண்டுள்ளனர்.

இதையடுத்து, அவள் புதைக்கப்பட்ட இடத்தில், ஒவ்வொரு கிறிஸ்துமஸ் மற்றும் ஹாலோவீன் பண்டிகையின்போதும் மர்மமான முறையில் பூக்கள் தோன்றுவதாக கூறப்படுகிறது.

எனினும், தற்போது அந்த மாளிகையில் திருமணம், விளையாட்டு போட்டிகள், இசை நிகழ்ச்சிகள் நடத்தப்படுகின்றன.

இந்நிலையில், இம்மாதம், ஒக்டோபர் மாதம் 20ஆம் திகதிவரை, அந்த மாளிகையைப் பார்வையிட பார்வையாளர்களுக்கு அனுமதியளிக்கப்பட்டுள்ளதுடன் அதற்கு கட்டணமும் அறவிடப்படும் என தெரிவிக்கப்படுகின்றது.