2700 ஆண்டுகள் பழமையான கோவில் கண்டுபிடிப்பு: தொல்பொருள் ஆராய்ச்சியாளர்கள் ஆச்சரியம்!

2700 ஆண்டுகள் பழமையான கோவில் கண்டுபிடிப்பு: தொல்பொருள் ஆராய்ச்சியாளர்கள் ஆச்சரியம்!

இத்தாலியின் டஸ்கனி(Tuscany) மாநிலத்தில் உள்ள சாஸ்ஸோ பின்சுடோ நெக்ரோபோலிஸில்(Sasso Pinzuto necropolis) 2700 ஆண்டுகள் பழமையான வழிபாட்டு கோயில் ஒன்று கண்டுபிடிக்கப்பட்டுள்ளது.

இதுவரை கண்டறியப்பட்ட வகையில் மிகப்பெரிய வழிபாட்டு கோயில் இதுவாகும்.

இதுவரை பொருட்களின் அடிப்படையில் மட்டுமே கருதுகோளாக இருந்த எட்ருஸ்கன்(Etruscan cult) வழிபாட்டு கட்டமைப்புகளுக்கு இது உறுதியான சான்றாகும்.

கோல்லே சான் பீட்ரோ(Colle San Pietro) என்ற எட்ருஸ்கன் குடியிருப்புக்கு அருகில் அமைந்துள்ள இந்தக் கோயில், மதச் சடங்குகள் மற்றும் விழாக்களுக்கான மையமாக இருந்திருக்கலாம் என்று நம்பப்படுகிறது.

கி.மு. 7 ஆம் நூற்றாண்டைச் சேர்ந்த 120 க்கும் மேற்பட்ட கல்லறைகள் கொண்ட இந்த நெக்ரோபோலிஸ், எட்ருஸ்கன் இறுதிச் சடங்குகளை பற்றிய விரிவான தகவல்களை வழங்குகிறது.

1830 களிலிருந்து சாஸ்ஸோ பின்சுடோ தளத்தில் தொல்லியல் ஆய்வுகள் அவ்வப்போது நடைபெற்று வந்தாலும், இந்த சமீபத்திய கண்டுபிடிப்பு எட்ருஸ்கன் கலாச்சாரத்தை புரிந்து கொள்வதில் ஒரு முக்கியமான முன்னேற்றமாகும்.

பல வண்ண மட்பாண்டத் தகடுகளால் அலங்கரிக்கப்பட்ட கோயிலின் கட்டிடக்கலை, இந்த பழங்கால நாகரிகத்தின் மத நம்பிக்கைகள் மற்றும் நடைமுறைகள் பற்றிய மதிப்புமிக்க தகவல்களை வழங்குகிறது.

தோராயமாக 1000 சதுர மீட்டர் பரப்பளவைக் கொண்ட இந்த அகழாய்வு தளத்தில், ஆராய்ச்சியாளர்கள் கோயிலின் ரகசியங்களை ஆழமாக ஆராய்ந்தால் மேலும் பொக்கிஷங்கள் கிடைக்கும் என்று எதிர்பார்க்கப்படுகிறது.

இந்த குறிப்பிடத்தக்க கண்டுபிடிப்பு எட்ருஸ்கன் மதம் மற்றும் இந்த புதிரான சமூகத்தை வடிவமைத்ததில் அதன் பங்கு பற்றிய நம் அறிவை மறுவரையறை செய்யும்.