பத்து ஆண்டுகளுக்கு முன் காணாமல் போன மலேசிய விமானத்தை கண்டுபிடிக்க திட்டம்

பத்து ஆண்டுகளாக காணாமல் போயிருக்கும் மலேசிய ஏர்லைன்ஸ் விமானம் 370-ஐ கண்டுபிடிக்க புதிய திட்டம் உள்ளதாக ஆய்வாளர்கள் தெரிவித்துள்ளனர்.

லண்டனில் உள்ள ராயல் ஏரோனாடிக்கல் சொசைட்டியில் நடைபெற்ற விரிவுரையில் புதிய வகை தேடலின் மூலம் பத்து நாட்களில் காணாமல் போன விமானத்தை கண்டுபிடிக்க முடியும் என வான்வெளி துறை நிபுணர்கள் ஜீன்-லுக் மார்சண்ட் மற்றும் விமானியான பேட்ரிக் பெல்லி ஆகியோர் கூறியுள்ளனர்.

இது தொடர்பில் வான்வெளி துறை நிபுணர்கள் ஜீன்-லுக் மார்சண்ட் மேலும் தெரிவிக்கையில், “நாங்கள் முறையான திட்டமிடல்களை மேற்கொண்டுள்ளோம். எங்களிடம் புதிய திட்டம் உள்ளது. இந்த பகுதி மிகவும் சிறியது, புதிய வகை வழிமுறைகளை கையாளும் போது பத்து நாட்கள் வரை ஆகலாம்.

ஆனால், இது விரைவில் நிறைவுபெறும் வகையில் இருக்கும். எம்.எச். 370 பாகங்கள் கண்டுபிடிக்கும் வரை, அதற்கு என்ன ஆனது என்பது யாருக்கும் தெரியாது,” என கூறியுள்ளார்.

குறித்த எம்.எச்.370 என்ற விமானமானது கடந்த 2014, மார்ச் 8ஆம் திகதி கோலா லம்பூரில் இருந்து மலேசியா நோக்கி புறப்பட்ட நிலையில் ரேடார்களில் இருந்து காணாமல் போனமை குறிப்பிடத்தக்கது.