பிரித்தானியாவில் காணாமல் போன 63 வயது முதியவர்: கிப்பிங் ஆற்றில் சடலமாக மீட்பு

பிரித்தானியாவில் காணாமல் போன 63 வயது முதியவர்: கிப்பிங் ஆற்றில் சடலமாக மீட்பு

பிரித்தானியாவில் காணாமல் போன நபரின் சடலத்தை பொலிஸார் கிப்பிங் நதியில் இருந்து கண்டுபிடித்துள்ளனர்.

பிரித்தானியாவில் கடந்த வாரம் ஞாயிற்றுக்கிழமை Ipswich பகுதியை சேர்ந்த 63 வயதுடைய ஜூலியன் டி போனோ(Julian De Bono) என்ற முதியவர் காணாமல் போயுள்ளார்.

காணாமல் போன அன்று ஜூலியன் இறுதியாக அதிகாலை 1.55 மணி அளவில் டாக்சியில் இருந்து இறங்கும் போது பார்க்கப்பட்டுள்ளார்.

இந்நிலையில் அவரை தேடி வந்த பொலிஸார் மற்றும் நீருக்கடியில் தேடுதல் நடத்தும் குழு இன்று மதியம் 3 மணியளவில் கிப்பிங் ஆற்றில்(River Gipping) இருந்து அவரது உடலை வெளியே எடுத்துள்ளது.

இதனை தொடர்ந்து ஜீலியனின் குடும்பத்திற்கு இது தொடர்பான தகவல் தெரிவிக்கப்பட்டு இருப்பதாக பொலிஸார் தெரிவித்துள்ளனர்.

அத்துடன் ஆற்றில் இருந்து கண்டெடுக்கப்பட்டுள்ள உடல் உடற்கூறு பரிசோதனை செய்யப்பட்டு மரணத்திற்கான காரணம் நிறுவப்படும் என Suffolk பொலிஸாரின் செய்தி தொடர்பாளர் தெரிவித்துள்ளார்.

இறந்தற்கான காரணத்தை தற்போது விவரிக்க முடியாது என்றும் பொலிஸார் தெரிவித்துள்ளனர்.

ஜூலியன் காணாமல் போனதை தொடர்ந்து ஆளில்லா விமானங்கள் மூலமும், நீரில் மூழ்குபவர்கள் உதவியுடனும் பொலிஸார் தேடுதல் வேட்டை நடத்தி இருந்து குறிப்பிடத்தக்கது.