IT, ED எல்லாம் பாஜகவின் அணிகள்: தமிழக அமைச்சர் உதயநிதி ஸ்டாலின் கருத்து

IT, ED எல்லாம் பாஜகவின் அணிகள்: தமிழக அமைச்சர் உதயநிதி ஸ்டாலின் கருத்து

வருமான வரித்துறை, அமலாக்கத்துறை எல்லாம் பாஜகவின் அணிகள் என்று தமிழக அமைச்சர் உதயநிதி ஸ்டாலின் தெரிவித்துள்ளார்.

தமிழகத்தின் பொதுப்பணித்துறை அமைச்சர் எ.வ வேலு அவர்களுக்கு தொடர்புடைய இடங்களில் அதிகாலை முதலே வருமான வரித்துறையினர் சோதனை நடத்தி வருகின்றனர்.

திருவண்ணாமலை அருணை பொறியியல் கல்லூரி, சென்னை தி.நகர், அண்ணா சாலை, கீழ்பாக்கம், வேப்பேரி, ஆகிய இடங்களில் 30க்கும் மேற்பட்ட கார்களில் சென்று வருமான வரித்துறையினர் சோதனை நடத்தி வருகின்றனர்.

இந்நிலையில் தி.மு.க அரசு சார்பாக சென்னையில் நீட் விலக்கு தொடர்பாக தொடங்கப்பட்டுள்ள கையெழுத்து இயக்கத்தில் கலந்து கொண்ட பிறகு செய்தியாளர்களிடம் பேசிய தமிழக விளையாட்டுத் துறை அமைச்சர் உதயநிதி ஸ்டாலின் வருமான வரித்துறை, அமலாக்கத்துறை எல்லாம் பாஜகவின் அணிகள் என்று விமர்ச்சித்துள்ளார்.

அத்துடன் கடந்த 2,3 மாதங்களாக பாஜக அணிகள் செயல்பாடு அதிகரித்து வருவதாகவும் அமைச்சர் உதயநிதி ஸ்டாலின் குறிப்பிட்டார்.

நீட் விலக்கு என்பது தமிழக மாணவர்களுக்கான உரிமை என்பதால் கூட்டணி கட்சி தலைவர்களிடமும் கையெழுத்து பெற்று வருவதாக அமைச்சர் உதயநிதி ஸ்டாலின் தெரிவித்துள்ளார்.