காசா மக்களுக்கு ஜேர்மனி மனிதாபிமான நிதியுதவி

காசா மக்களுக்கு ஜேர்மனி மனிதாபிமான நிதியுதவி

காசா மக்களுக்கு ஜேர்மனி 50 மில்லியன் யூரோக்களை நிதியுதவியாக வழங்க முடிவு செய்துள்ளதாக ஜேர்மன் வெளியுறவுத்துறை அமைச்சரான எனலெனா பேர்பாக் தெரிவித்துள்ளார்.

இஸ்ரேல் ஹமாஸ் தாக்குதலில் பாதிக்கப்பட்டவர்களுக்கு ஒவ்வொரு நாடுகளும் மனிதாபிமான நிதியுதவியை வழங்க முன்வந்துள்ள நிலையில் ஜேர்மனியும் இதில் இணைந்துள்ளதைாக தெரிவிக்கப்படுகிறது.

மேலும்,வெளியுறவுத்துறை அமைச்சு வெளியிட்ட அறிக்கையில், ஜேர்மனி மருத்துவக் குழுக்களையும் காசா பகுதிக்கு அனுப்பத் தயாராகி வருவதாக தெரிவிக்கப்பட்டுள்ளது.

இந்நிலையில் மத்திய கிழக்கு நாடுகளில் தனது முதல் கட்ட சுற்றுப்பயணத்தை மேற்கொண்டு வரும் ஜேர்மன் வெளியுறவுத்துறை அமைச்சரான எனலெனா பேர்பாக் தற்போது ஜோர்டான் சென்றுள்ளதாக தெரிவிக்கப்படுகிறது.

இவர் ஜோர்டானில் ஊடகவியலாளர்கள் சந்திப்பில் பங்கேற்றபோது, “எங்கள் செய்தி தெளிவானது, நாங்கள் அப்பாவி பாலஸ்தீனிய தாய்மார்கள், தந்தைகள் மற்றும் குழந்தைகளை கைவிட மாட்டோம் என தெரிவித்துள்ளமை” குறிப்பிடத்தக்கது.