உலகம்
சுவிட்சர்லாந்தில் அதிகரித்துவரும் வித்தியாசமான மோசடி
![சுவிட்சர்லாந்தில் அதிகரித்துவரும் வித்தியாசமான மோசடி 1 6 29 scaled](https://b3217245.smushcdn.com/3217245/zeepsoza/2023/09/6-29-scaled.jpg?lossy=2&strip=1&webp=1)
சுவிட்சர்லாந்தில் அதிகரித்துவரும் வித்தியாசமான மோசடி
சுவிட்சர்லாந்தில் வித்தியாசமான மோசடி ஒன்றில் சிக்கி ஏராளமானோர் தங்கள் பணத்தை இழந்துவருகிறார்கள்.
இந்த மோசடி, ‘nephew’ scam, அதாவது, மருமகன் மோசடி என அழைக்கப்படுகிறது. வயதானவர்கள் மற்றும் தனியாக வசிப்பவர்களைக் குறிவைத்து நடைபெறும் இந்த மோசடியில், தொலைபேசி மூலம் அழைக்கும் ஒருவர், அழைக்கப்படுபவரின் உறவினர் ஒருவர் உடல் நலமில்லாமல் இருப்பதாகவும், அவசரமாக பணம் தேவை என்றும் கூறுவார்.
அழைப்பது தன் உறவினர் என நம்பி, இந்த வயதானவர்களும் பணத்தை அனுப்பிவிட, பிறகுதான் தெரியவருகிறது, யாரோ தங்களை பொய் சொல்லி ஏமாற்றிவிட்டார்கள் என்பது.
இதுவரை, இந்த ஆண்டில் மட்டும் இந்த மோசடியில் சுமார் 8 மில்லியன் சுவிஸ் ஃப்ராங்குகள் வரை இழப்பு ஏற்பட்டுள்ளதாக கூறப்படுகிறது. கடந்த ஆண்டைவிட இது பலமடங்கு அதிகமாகும்.
உண்மை நிலவரப்படி, இன்னும் பெரிய தொகை இழப்பு ஏற்பட்டிருக்கலாம் என கருதப்படுகிறது.
இந்த மோசடி குறித்து தேசிய அளவில் விழிப்புணர்வு பிரச்சாரம் ஒன்று துவக்கப்பட்டுள்ளது.