ரஷ்யாவை துல்லியமாக தாக்கும் அதிநவீன ‘அட்டாக்கம்ஸ்’ ஏவுகணை

ரஷ்யா

வை துல்லியமாக தாக்கும் அதிநவீன ‘அட்டாக்கம்ஸ்’ ஏவுகணை

உக்ரைனுக்கு அதிநவீன ‘அட்டாக்கம்ஸ்’ தொலைதூர ஏவுகணைகளை அனுப்ப அமெரிக்க அதிபா் ஜோ பைடன் முடிவு செய்துள்ளதாக சர்வதேச ஊடகங்கள் தெரிவித்துள்ளன.

கடந்த வாரம் உக்ரைனின் அதிபர் ஜெலென்ஸ்கி அமெரிக்கா சென்று ஜோ பைடனைச் சந்தித்து பேச்சுவார்த்தை ஈடுபட்ட போது குறித்த ஆயுதங்களை கோரியிருந்தார்.

அந்தப் பேச்சுவாா்த்தையின்போது, அதிநவீன அட்டாக்கம்ஸ் (ஆா்மி டாக்டிகல் மிஸைல் சிஸ்டம்) ஏவுகணைகளை வழங்க பைடன் ஒப்புக்கொண்டாா்.

அடுத்த சில வாரங்களில் அந்த ஏவுகணைகள் உக்ரைனுக்கு அனுப்பப்படும் என்றும் தெரிவிக்கப்பட்டுள்ளது.

190 கி.மீ வரை சென்று துல்லியத் தாக்குதல் நடத்தும் திறன் கொண்ட இந்த ஏவுகணைகளைக் கொண்டு, ரஷ்யாவின் கட்டுப்பாட்டில் உள்ள பகுதிகளிலும் உக்ரைனால் எளிதில் தாக்குதல் முடியும் என குறிப்பிடப்பட்டுள்ளமை குறிப்பிடத்தக்கது.

இதற்கிடையே, உக்ரைனுக்கு அமெரிக்கா அனுப்பவிருக்கும் அட்டாக்கம்ஸ் ஏவுகணைகளில் சாதாரண ஒற்றை வெடிகுண்டுகளுக்குப் பதிலாக, ஒரே நேரத்தில் பல இலக்குகளைத் தாக்கி அழிக்கும் கொத்தணி குண்டுகள் பொருத்தப்பட்டிருக்கும் என அந்நாட்டு ஊடகங்கள் செய்தி வெளியிட்டிருந்தன.

இருந்தாலும், இந்தத் தகவலை அமெரிக்காவோ, உக்ரைனோ உறுதிப்படுத்தவில்லை.