ஜேர்மனிக்குச் செல்லும் இளவரசர் ஹரியின் மனைவி மேகன்: ஹரி கூறியுள்ள இதுவரை வெளிவராத ஒரு தகவல்

ஜேர்மனிக்குச் செல்லும் இளவரசர் ஹரியின் மனைவி மேகன்: ஹரி கூறியுள்ள இதுவரை வெளிவராத ஒரு தகவல்

லண்டனில் நடைபெற்ற விருது வழங்கும் நிகழ்ச்சி ஒன்றில் கலந்துகொண்ட பிரித்தானிய இளவரசர் ஹரி, தன் மனைவி மேகன் தன்னுடன் வர இயலாததால் அவர் கொஞ்சம் அப்செட்டாக இருப்பதாக தெரிவித்திருந்தார்.

ஆனால், இன்று, தன் கணவரைக் காண ஜேர்மனி செல்கிறார் மேகன். போரில் காயம்பட்ட, உடல் உறுப்புகளை இழந்த, போர் வீரர்களுக்காக, இளவரசர் ஹரி துவக்கிய, இன்விக்டஸ் விளையாட்டுப் போட்டிகள் ஜேர்மனியில் நடைபெற்றுவருகின்றன.

அவற்றை ஹரி முறைப்படி துவக்கிவைத்த நிலையில், முதல் நாளில் மேகனால் ஜேர்மனிக்கு வரமுடியவில்லை. ஆகவே, அவர் இன்று தன் கணவருடன் இணைந்து விளையாட்டுப் போட்டிகளைக் கண்டு களிப்பதற்காக ஜேர்மனியின் Dusseldorfக்கு வருகிறார்.

இந்நிலையில் ஹரியின் மனைவி மேகன் குறித்த ஒரு புதிய தகவல் வெளியாகியுள்ளது. அது என்னவென்றால், மேகன் 43 சதவிகிதம் நைஜீரிய பின்னணி கொண்டவராம்.

சமீபத்தில் நிகழ்ச்சி ஒன்றில் பங்கேற்ற மேகன், நைஜீரிய அமெரிக்க நகைச்சுவையாளர், எழுத்தாளர் மற்றும் நடிகரான Ziwerekoru (Ziwe) Fumudoh என்பவரை சந்தித்தார். அப்போது மேகன், தானும் 43 சதவிகித நைஜீரியர்தான் என கூறினார். என்றாலும், எந்த வழியில் தான் நைஜீரியர் என அவர் விளக்கமளிக்கவில்லை.

இதே விடயத்தைக் குறித்து இன்விக்டஸ் விளையாட்டுப்போட்டிகளின்போது பேசிய இளவரசர் ஹரியும், தன் மனைவி நைஜீரிய வம்சாவளியினர் என்பதை சமீபத்தில் கண்டறிந்ததாக தெரிவித்துள்ளது குறிப்பிடத்தக்கது.