கறுப்பு ஜூலை நினைவேந்தலுக்கு அமெரிக்காவில் ஒன்றிணையும் தமிழர்கள்

கறுப்பு ஜூலை நினைவேந்தலுக்கு அமெரிக்காவில் ஒன்றிணையும் தமிழர்கள்

ஈழத் தமிழர்கள் கறுப்பு ஜூலையின் ஆண்டு நிறைவை நினைவேந்தவும், தமிழர்களின் வரலாற்றில் ஒரு சோகமான காலத்தை நினைவுகூரவும், அமெரிக்காவில் உள்ள தமிழர்கள் ஒன்றிணைவதாக தெரிவிக்கப்பட்டுள்ளது.

பைடனுக்கான தமிழர்கள் அமைப்பு இதனை தெரிவித்துள்ளது.

1983இல் கறுப்பு ஜூலை, இலங்கையின் தமிழ் மக்களுக்கு பெரும் வலியையும் பேரழிவையும் தந்தது.

இதன்போது எண்ணற்ற உயிர்கள் பிரிந்தன, வீடுகள் அழிக்கப்பட்டன, குடும்பங்கள் பிரிந்தன.

1983 ஜூலை 24 முதல் ஜூலை 29 வரை, இலங்கையில் உள்ள தமிழர்கள் அரச அனுசரணையுடன் படுகொலைகளை எதிர்கொண்டனர்.

இது தலைமுறைகளை தொடர்ந்து பாதிக்கும் வடுக்களை விட்டுச் சென்றது. கறுப்பு ஜூலை வன்முறை, அப்பாவி தமிழர்களுக்கு எதிரான பரவலான அட்டூழியங்களுக்கு வழிவகுத்தது. தமிழர்களின் வீடுகள், வணிகங்கள் மற்றும் சொத்துக்கள் கொள்ளையடிக்கப்பட்டு, எரிக்கப்பட்டன.

நூறாயிரக்கணக்கான தமிழர்கள் கொடூரமான முறையில் கொல்லப்பட்டனர்.

ஆயிரக்கணக்கான தமிழர்கள் தங்கள் வீடுகளை விட்டு வெளியேறி, தற்காலிக முகாம்களில் அடைக்கலம் தேடி அல்லது நாட்டை விட்டு பாதுகாப்பு தேடி வெளியேற வேண்டிய கட்டாயம் ஏற்பட்டது.

வன்முறையில் அரசாங்கமும் இராணுவமும் ஈடுபட்டதாக நம்பத்தகுந்த குற்றச்சாட்டுகள் இருந்தன, பாதுகாப்புப் படைகள் தமிழ் குடிமக்களைப் பாதுகாக்கத் தவறிவிட்டதாகவும், சில சமயங்களில் தாக்குதல்களில் பங்கேற்றதாகவும் அறிக்கைகள் தெரிவிக்கின்றன.

இந்தநிலையில் கறுப்பு ஜூலை என்பது, இலங்கையில் தமிழர்களுக்கான நீதி, சமத்துவம் மற்றும் மனித உரிமைகளுக்காக நடந்து வரும் போராட்டத்தை அப்பட்டமாக நினைவூட்டுகிறது.

அத்துடன் இந்தக் கொடுமைகளின் வடுக்கள் இன்னும் ஆறவில்லை. அதேநேரம் புலம்பெயர் தமிழர்கள் பொறுப்புக்கூறல், நீதி மற்றும் சுயநிர்ணய உரிமைக்காக தொடர்ந்து வாதிடுகின்றனர் என்று பைடனுக்கான தமிழர் அமைப்பு குறிப்பிட்டுள்ளது.