ஏற்றுமதி வருமானத்தில் ஏற்பட்டுள்ள மாற்றம்!

ஏற்றுமதி வருமானத்தில் ஏற்பட்டுள்ள மாற்றம்!

2024ஆம் ஆண்டின் மே மாதத்துடன் ஒப்பிடுகையில் கடந்த ஜூன் மாதத்தில் ஏற்றுமதி வருமானம் அதிகரித்துள்ளதாக தரவுகள் தெரிவிக்கின்றன.

இலங்கை சுங்க திணைக்களத்தினால் வெளியிடப்பட்டுள்ள தற்காலிக தரவுகளுக்கு அமைய, ஜூன் மாத ஏற்றுமதி வருமானம் 1.97 சதவீதத்தால் அதிகரித்துள்ளதாக தெரிவிக்கப்பட்டுள்ளது.

கடந்த ஜூன் மாதம் ஏற்றுமதி வருவாய் 1031.2 மில்லியன் அமெரிக்க டொலராக பதிவாகியுள்ளது.

இது 2023ஆம் ஆண்டின் இதே காலப்பகுதியுடன் ஒப்பிடுகையில் 2.58 சதவீத அதிகரிப்பாகும் என கூறப்பட்டுள்ளது.

இந்த அதிகரிப்பு ஆடை, தேயிலை, இறப்பர் மற்றும் தென்னை சார்ந்த ஏற்றுமதிகளின் காரணமாக பதிவாகியுள்ளதாகவும் தெரிவிக்கப்பட்டுள்ளது.