தேய்வின்றி உயரும் இலங்கை ரூபா

தேய்வின்றி உயரும் இலங்கை ரூபா

நேற்றுடன் ஒப்பிடும் போது இன்றையதினம்(15.03.2024) அமெரிக்க டொலருக்கு நிகரான இலங்கை ரூபாவின் பெறுமதி மேலும் உயர்வடைந்துள்ளதுடன் டொலரின் பெறுமதியில் வீழ்ச்சி ஏற்பட்டுள்ளது.

இந்தநிலையில், இலங்கை மத்திய வங்கி வெளியிட்டுள்ள இன்றைய (15.03.2024) நாணய மாற்று விகிதங்களின்படி, அமெரிக்க டொலரின் விற்பனை விலை 310.20 ரூபாவாகவும், கொள்வனவு விலை 300.60 ரூபாவாகவும் பதிவாகியுள்ளது.

மேலும், கனேடிய டொலரின் விற்பனை விலை 230.42 ரூபாவாகவும், கொள்வனவு விலை 220.67 ரூபாவாகவும் பதிவாகியுள்ளது.

இதன்படி, யூரோ ஒன்றின் விற்பனை பெறுமதி 338.99 ரூபாவாகவும், கொள்வனவு பெறுமதி 325.31 ரூபாவாகவும் பதிவாகியுள்ளது.

அதேசமயம், ஸ்டெர்லிங் பவுண்டின் இன்றைய விற்பனை பெறுமதி 396.50 ரூபாவாகவும், கொள்வனவு பெறுமதி 381.43 ரூபாவாகவும் பதிவாகியுள்ளது.

இதேவேளை, கடந்த இரண்டு மாதங்களுக்கு முன்னர் அமெரிக்க டொலரின் கொள்வனவு பெறுமதியானது 322 ரூபாவுக்கும் அதிகமாக இருந்த நிலையில் தற்போது 300 ரூபா வரையில் குறைவடைந்துள்ளமை குறிப்பிடத்தக்கது.