அண்ணாமலை லண்டன் செல்வது எப்போது? வெளியான முக்கிய தகவல்

அண்ணாமலை லண்டன் செல்வது எப்போது? வெளியான முக்கிய தகவல்

தமிழக பாஜக தலைவர் அண்ணாமலை சர்வதேச அரசியல் படிப்புக்காக ஆகஸ்ட் மாதம் லண்டன் பயணம் மேற்கொள்கிறார்.

தமிழக பாஜக தலைவர் அண்ணாமலை வரும் ஆகஸ்ட் மாதம் லண்டன் செல்கிறார். ஆக்ஸ்போர்டு பல்கலைக்கழகம் சார்பில் சர்வதேச அரசியல் படிப்புக்காக இந்தியாவில் இருந்து தேர்வு செய்யப்பட்ட 12 பேரில் அண்ணாமலையும் ஒருவர் ஆவார்.

இதற்காக, 3 மாதம் அண்ணாமலை லண்டனில் தங்குகிறார். இதனால், தமிழகத்தில் அடுத்த பாஜக தலைவர் தமிழிசையாக இருக்கலாம் என்றும் ஒரு தகவல் பரவி வருகிறது. இன்னொரு புறம், அண்ணாமலையின் ஆதரவாளர்கள் அந்த கருத்தை மறுத்து வருகின்றனர்.

இந்நிலையில், அண்ணாமலை ஆகஸ்ட் மாதம் 28-ம் திகதி லண்டன் செல்கிறார் எனவும், செப்டம்பர் 2-ம் திகதியில் இருந்து ஆக்ஸ்போர்டு பல்கலைக்கழகத்தில் படிப்பை தொடர உள்ளார் என்றும் பாஜக மூத்த நிர்வாகிகள் தெரிவித்தனர்.