மோசமான வானிலை காரணமாக மலேசியாவின் ஏர் ஏசியா விமானம் திருவனந்தபுரத்திற்குத் திருப்பி அனுப்பப்பட்டது!

1500x900 1472110 start

இலங்கையில் தற்போது நிலவி வரும் மோசமான வானிலை காரணமாக, மலேசியாவிலிருந்து இன்று (நவம்பர் 28) இரவு கட்டுநாயக்க சர்வதேச விமான நிலையம் நோக்கிப் பயணித்த ‘ஏர் ஏசியா’ (AirAsia) விமான சேவைக்குச் சொந்தமான ஒரு விமானம் இந்தியாவின் திருவனந்தபுரத்திற்குத் திருப்பி விடப்பட்டுள்ளது.

இந்த விமானம் இன்று இரவு 9.50 மணிக்கு இலங்கையை வந்தடையவிருந்தது. நாட்டிற்கு வரவிருந்த ஒரே ஒரு விமானம் மட்டுமே இதுவரை திருப்பி விடப்பட்டுள்ளது.

மோசமான வானிலை காரணமாகக் கட்டுநாயக்கவுக்கு வரவிருக்கும் விமானங்கள் தரையிறங்க முடியாத அவசர நிலை ஏற்பட்டால், அந்த விமானங்களை இந்தியாவின் திருவனந்தபுரம் மற்றும் கொச்சி ஆகிய இரண்டு விமான நிலையங்களுக்கும் திருப்பி அனுப்பத் திட்டமிடப்பட்டுள்ளதாகத் துறைமுகங்கள் மற்றும் சிவில் விமானப் போக்குவரத்து அமைச்சர் அனுர கருணாதிலக்க இன்று மாலை தெரிவித்திருந்தார்.

இந்த முன்னெச்சரிக்கை நடவடிக்கையின்படியே ஏர் ஏசியா விமானம் திருவனந்தபுரத்திற்குத் திருப்பி விடப்பட்டுள்ளது.

 

Exit mobile version