உயிருடன் இருக்கும் வரை மஹிந்தவின் விருப்பம் பலிக்காது! – திலும் அமுனுகம

பிரதமர் மஹிந்த ராஜபக்சவின் ஒய்வு முடிவை மக்கள் ஒருபோதும் ஏற்றுக்கொள்ளமாட்டார்கள். இவ்வாறு பயணிகள் போக்குவரத்து ராஜாங்க அமைச்சர் திலும் அமுனுகம தெரிவித்துள்ளார்.

பிரதமர் மஹிந்த ராஜபக்ச அரசியலில் இருந்து ஒய்வு பெறவுள்ளார் என்றும், இதனை தொடர்ந்து பிரதமர் பதவி பசில் ராஜபக்சவுக்கு வழங்கப்படவுள்ளது என்றும் தகவல்கள் வெளியாகி வருகின்றன.

இந்தநிலையில், இவ் விடயம் தொடர்பில் ஊடகங்களுக்கு கருத்து தெரிவிக்கும்போதே அவர் மேற்படி தெரிவித்துள்ளார். இது தொடர்பில் அவர் மேலும் தெரிவிக்கையில்,

பிரதமர் அரசியலில் இருந்து ஓய்வு பெற முயற்சித்தாலும் நாட்டு மக்கள் இந்த முடிவை அனுமதிக்க மாட்டார்கள். ஏற்கனவே அவர் இவ்வாறு ஒய்வு பெற முயற்சித்திருந்தார். ஆனால் மக்கள் அதனை அனுமதிக்கவில்லை.

இதேபோல் அவர் மீண்டும் ஒய்வு பெற முயற்சியெடுத்தலும் மக்கள் அனுமதிக்கவே மாட்டார்கள். பிரதமர் விரும்பினாலோ விரும்பாவிட்டாலோ மக்கள் ஒருபோதும் அவரின் ஓய்வை அனுமதிக்கப்போவதில்லை.

அவர் உயிருடன் இருக்கும் வரை அரசியலில் இருந்து ஓய்வுபெற முடியாது. மக்களின் விருப்பம் இதுவே என்றார்.

#SriLankaNews