ATM மூலம் 6 லட்சம் திருட்டு! – சந்தேக நபர்களுக்கு யாழ் பொலிஸார் வலைவீச்சு

ATM அட்டையை எடுத்து பணத்தை கொள்ளையிட்ட இருவர் யாழ்ப்பாணம் பொலிஸாரால் தேடப்பட்டு வருகின்றனர்.

தனியாள் ஒருவரின் ATM அட்டையை எடுத்த இருவரும் அதனை பயன்படுத்தி 6 லட்சம் ரூபாவை கொள்ளையிட்டுள்ளனர்.

ஊம்பிராயில் வசிக்கும் ஒருவரின் ATM அட்டை காணாமற்போன நிலையில், அவரது குறித்த அட்டையிலிருந்து சுமார் 6 லட்சம் ரூபா மீளப்பெறப்பட்டுள்ளது. இது தொடர்பில் வாங்கி சென்று விசாரித்த அவர். சம்பவம் தொடர்பில் யாழ்ப்பாணம் பொலிஸ் நிலையத்தில் முறைப்பாடு வழங்கியுள்ளார்.

சம்பவம் தொடர்பில் விசாரணைகளை ஆரம்பித்த பொலிஸார் வங்கி உதவியுடன் கொள்ளைச் சம்பவத்தில் ஈடுபட்ட இருவர் தொடர்பான ஒளிப்படங்களை பெற்றுள்ளனர்.

“குறித்த சம்பவம் இடம்பெற்று சில மாதங்கள் கடந்துள்ளன. சந்தேக நபர்களை கைது செய்ய பொதுமக்கள் உதவி தேவைப்படுகிறது. குறித்த இருவர் தொடர்பில் தகவல் அறிந்தால் உடனடியாக யாழ்ப்பாணம் தலைமையக பொலிஸ் நிலைய பொறுப்பதிகாரியின் 0718591329 என்ற தொலைபேசி இயக்கத்துக்கு அழைத்து தகவலை வழங்குங்கள்”

இவ்வாறு யாழ்ப்பாணம் தலைமையக பொலிஸ் நிலைய பொறுப்பதிகாரி தலைமைப் பொலிஸ் பரிசோதகர் பழிகக்கார பொதுமக்களிடம் கோரிக்கை விடுத்துள்ளார்.

#SriLankaNews